bon bini

E website aki ta speshal pa abo ku ta gusta skucha i lesa palabra di Dios na bo propio idioma. Mi ta sigur ku Dios tin un plan pa ku bo bida. I mi deseo ta ku atraves di e website aki lo bo tin un enkuentro personal ku bo kreador i Salbador Hesu-Kristo.

resumen di les

Nos por resumí e aktividat di Spiritu Santu dor di bisa ku Spiritu Santu ta obra den harmonia huntu ku Dios Tata i Dios Yu pa realisá nos salbashon.

 

Spiritu Santu ta lanta nos for di morto spiritual. E ta guia nos na un konosementu di nos pekaminosidat i ta habri nos bista na e hecho ku, den nos mes i di nos mes, nos ta perdí. E ta lanta den nos e deseo pa logra kambio i ta guia nos na HesuKristu, Kende ta e úniko Un ku por supli e nesesidatnan di mas profundo di nos ser. E ta duna nos seguridat di salbashon pasobra semper e ta mustra nos na Hesus i na loke Hesus a hasi pa nos. E ta hasi kambio den nos pa asina nos por ta mas tantu manera Hesus. E ta mantené nos fiel den nos kanamentu ku Dios. E ta kapasitá nos pa por kumpli ku Dios Su boluntat i pa, di forma efektivo, partisipá den obra mishonero. E ta hasi di e Palabra Skirbí di Dios nos guia i norma sigur pa nos bida i doktrina kristian.

pensamentu pa e siman aki

Felis siman na tur, mi ta spera ku e siman aki ta karga ku amor y pas. Dios bendishona boso y demas famia.

Siman: 12, 2017

Speransa ta inspirá. Speransa ta duna forsa nobo. Speransa ta laga nos kanta i tin goso. Speransa ta esensial pa bida. Si no tin speransa, ta kua lo ta e propósito di bida?

anusio

MATUTINA

Rumannan Danki pa boso pasenshi. E matutina pa e aña aki ta disponibel!!!

salùt

Bo tabata sa ku…nos mester hasi nos esfuerso mas pa pensa menos riba kuminda temporal i mas na di Esun eternal?

“Nos mester ta konstantemente meditando riba e palabra di Dios, komiendo E, digeriendo E i pone den praktika, pa asina e por ta parti di nos bida kotidiano. Esun ku kome dje palabra tur dia, lo kue Kristu Su ehèmpel na »sigui lesa»

19-03-2017