Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 6: Hesus, e Saserdote Fiel

Hesus, e Saserdote Fiel

Lesa pa e siman aki:

Heb. 5:1-10; Gen.14:18-20; 1 Ped. 2:9; Heb. 7:1-3; Heb. 7:11-16, 22, 26.

TEKSTO PRINSIPAL:

"Pasobra tabata kumbiní pa nos tin un sumosaserdote asina, santu, inosente, sin mancha, separá for di pekadónan i halsá riba e shelunan" (Hebreo 7:26, Beibel Santu).

sabbat, 29-01-2022

E abismo ku tabata eksistí entre Dios i nos a wòrdu kousá pa piká. E problema a bira mas grave pasombra piká tabata impliká tambe korupshon di nos naturalesa. Dios ta santu i piká no por eksistí den Su presensia; pues, nos propio naturalesa korumpí a separá nos for di Dios, meskos ku dos magnet den e orientashon robes ta rechasá otro. Adishonalmente, nos naturalesa korumpí a hasi posibel pa sernan humano obedesé Dios Su lei. Piká tambe ta enserá mal komprondementu. Sernan humano a pèrde e amor i misèrikòrdia di Dios for di bista i a bin mir'E komo un Dios yen di rabia i ku gusta manda.

E siman akí, nos ta bai studia e kosnan asombroso ku e Tata i Hesus a hasi pa forma un brug riba e abismo ei. Hebreo 5-7 ta proveé un análisis kuidadoso di Hesus Su saserdosio. E outor ta analisá su orígen i propósito (Heb. 5:1-10) i despuesta eksortá lesadónan pa no keda sin hasié kaso (Heb. 5:11-6:8 ) pero na lugá esei tene duru na e siguransa di speransa ku e ta proveé (Heb. 6:9--20 ). Tambe e ta splika e karakterístikanan di Su saserdosio (Heb 7:1-10) i su implik ashonnan pa Dios Su relashon pa ku kreyentenan (Heb. 7:11--28 ). E siman akí nos lo enfoká spesífikamente riba Hebreo 5:1-10 i Hebreo 7:1-28.

Studia e lès di e siman alá pa prepará pa Sabat, 5 di febrüari.

65