les di Sabbatskol
otro idioma
Les di sabbatskol kuartaal 1, aña 2024, Titula: E BUKI DI SALMO
Les 13: Spera riba Señor
PA STUDIA I MEDITÁ:
Lesa pa e siman aki:
Salmo 27:14; Rom. 8:18-25; Salmo 131; Mat.18:3; Salmo 126; Salmo 92; Marko 16:1-8; 2 Pe. 1:19.
TEKSTO PRINSIPAL:
"Spera riba SEÑOR; sea fuerte i E lo fortalesé bo kurason, sí, spera riba SEÑOR" (Salmo 27:14, Beibel Santu).
djabierne, 29-03-2024
Lesa Ellen G. White, "Growing Up Into Christ," p. 67-75, den Steps to Christ. E Salmonan ta ekspresá apelashonnan ferviente pa spera riba Señor."Sosegá den SEÑOR. i warda ku pasenshi riba djE" (Salmo 37'.7, Beibel Santu). Ora ku spera ta parse nos fèrfelu, insigur, i solitario, nos mester kòrda riba e disipelnan riba e dia di Hesus su asenshon na shelu (Echonan 1:4-11). Hesus a subi na shelu dilanti di nan bista, miéntras nan a keda atras pa warda pa E bini bèk riba un dia deskonosí den futuro. Ken a yega di eksperensiá un anhelo mas intenso pa risibí bendishon di Dios inmediato, ku e disipelnan riba e dia ei? Seguramente nan a anhelá: "Señor, hiba nos huntu ku Bo awor." Sin embargo, nan a haña instrukshon pa spera riba e promesa di e Tata i riba e regreso di Hesus. Si nos ta kere ku e disipelnan tabata yená ku desesperashon i desapunto, nos lo ta sorprendí. Nan a bai Herusalem bèk i a hasi eksaktamente loke Hesus a bisa nan nan a warda riba e don di Spiritu Santu i despues a prediká e evangelio na e mundu ku poder (Echonan 1:12-14, , Echonan 2).
E mandato di nos Señor pa spera riba djE ta unu imposíbel a ménos ku E hasi Su obra den nos a traves di Spiritu Santu. Niun kantidat di entusiasmo humano hamas lo resistí e tenshon ku spera lo imponé riba nos ser frágil. Solamente un kos lo soportá e tenshon, i esei ta di keda den Hesu-Kristu, ke men, un relashon personal kunE. "Si Kristu ta biba den boso kurason, anto, E lo obra den nos 'no solamente pa deseá loke ta kuadra ku su boluntat, ma di kumpli kuné tambe.' Filipensenan 2:13. Nos lo traha manera El a traha; nos lo manifestá e mesun spiritu. I asina, stimando E i kedando den djE, nos lo 'krese den tur aspekto den djE, Kende ta e kabes, esta, Kristu.' Efesionan 4:15."-Ellen G. White, Steps to Christ, p. 75. Miéntras nos ta sigui spera riba Señor, nos lo haña pas i satisfakshon den e Salmonan. Nos orashon i kantikanan ta kaminda e kurason di Dios i nos kurason ta topa diariamente.
PREGUNTA PA DISKUSHON:
1. Di kon spera ta signifikante den nos bida spiritual? Diskutí e eksperensianan di spera di algun héroe bíbliko di fe. Kon spera a purifiká i fortalesé nan fe? (Rom. 4:19-22, , Hebreonan 11).
2. Kua ta e fin di nos speramentu? (Salmo. 37:34-40). Ke men, kiko ta primintí na nos ora tur kos ta, finalmente, resolvé? Ki speransa nos ta haña den e tekstonan akí, por ehèmpel, tokante e hustisia ku tabata hasi falta asina tantu tempu den e bida akí?
3. Di kon, asina leu ku ta konserní e mortonan, i asina leu ku nan propio eksperensia ta bai (Pred. 9:5), nan speramentu riba Hesus ta kasi kla? Ki speransa nos por saka for di e kontesta?
145