Les di Beibel

E kuartál aki awe nos ta kuminsá ku un estudio kompletamente nobo i nos lo bai studia e buki òf e evangelio di Huan. Nos a kaba di studia e evangelio di Marko i awor nos ta bai studia e evangelio di Huan. Pues pa e próksimo tres lunanan akí pa òktober novèmber desèmber nos lo bai diep i profundo den e buki di Huan i despues si bo studia e palabra di Dios huntu ku nos tur dia na final nos tur a komprondé òf a siña konosé Dios mas i mas atraves di evangelio di Huan. Awor manera semper promé ku kuminsá lesá kualke buki mas aun buki di beibel bo tin ku komprondé ta ken ta e outor bo mester sa na ken e outor ta papia i eigenlijk prinsipalmente kiko ta e propòsito pa kiko e outor ta skirbi su buki. Hopi biaha dor di no tene kuenta ku e tres kosnan importante aki nos ta faya di komprondé realmente kiko Dios ke bisa nos atraves dje palabra di Dios. Bo mester sa e propósito pa kua e outor ta skibi i bo mester sa e oudiensia e publiko na kua e outor ta skibi. Awor den algun bukinan di beibel esakinan e elementonan òf e puntonan aki no ta mashá kla bo tin ku bai buska nan òf bo tin ku usa fuentenan ku no ta beibel pa wak kiko otronan ta bisa over di e propósito di e outor etsétera.

Den e kaso di e buki di Huan no ta asina. Paso Huan mes den su buki na final ta disidí di bisa nos pa kua rason el a disidí di skibi e evangelio di Huan. I ora nos bai den Huan 20:30,31 nos ta mira ku Huan ta indiká na nos kiko ta su intenshon i pa kiko el a skirbi e buki aki. E ta bisa lo siguiente; Tambe Hesus a hasi hopi otro señal den presensia di Su disipelnan, kualnan no ta pará skirbí den e buki aki; ma esakinan a wòrdu skirbí pa boso kere ku Hesus ta e Kristo, e Yu di Dios; i pa, keriendo, boso por tin bida den Su nòmber. Pues Huan ta mustra nos akinan ki ta su propósito. E propósito e ta bisa ta ma skirbi pa bosnan sa un kos ku Kristu di bèrdat òf ku Hesus di bèrdat ta e Kristu òf e Mesias e ungí di Dios manda pa salba mundu kere den su nòmber nos por tin bida. Pues Huan su intenshon ta pa ami ku bo su fe wòrdu fortalesé den Kristu. Pesei e relato ku e ta duna ta tokante di nada otro ku e pèrsona Kristu Hesus. Pa ora nos lesa e relato di Huan nos terminá bisando Hesus di bèrdat ta yu di Dios. Mi ke sigui Kristu Hesus. I pesei Huan no ta kuminsá tarda muchu mesora e ta bai i e ta kuminsa splika nos e milagernan di Hesus. I ora ku bo wak nos ta bai wak awe dos milager ku a sosodé den mesun region kual ta kana di Galilea.

I nos ta bai wak kiko nos por siña for di esakinan. Ban ku mi den Huan 2:1-11 I riba e di tres dia tabatin un kasamentu na Kana di Galilea, i e mama di Hesus tabata einan; i Hesus ku Su disipelnan tambe tabata kombidá pa e kasamentu. I ora biña a kaba, e mama di Hesus a bis'E: 'Nan no tin mas biña.' I Hesus a bis'é: 'Muhé, kiko Mi tin di hasi ku bo? Mi ora no a yega ainda.' Su mama a bisa e sirbidónan: 'Kiko ku E bisa boso, hasié.' Awor einan tabatin seis tinashi di piedra pa pone awa aden, segun e kustumber di purifikashon di e hudiunan, kada un ku un kontenido di binti pa trinta galon. Hesus a bisa nan: 'Yena e tinashinan ku awa.' I nan a yena nan te na rant. I El a bisa nan: 'Awor saka poko afó i hib'é pa e bòtelier.' I nan a hib'é p'é. I ora ku e bòtelier a purba e awa ku a bira biña, i no tabata sa for di unda esaki a bin (ma e sirbidónan ku a saka e awa sí tabata sa), e bòtelier a yama e brùidehòm, i a bis'é: 'Tur hende ta sirbi e bon biña promé, i despues ku e hendenan a bebe basta, esun di kalidat inferior; ma abo a warda e bon biña te awor.' E prinsipio aki di Su milagernan Hesus a hasi na Kana di Galilea, i a manifestá Su gloria; i Su disipelnan a kere den djE.

Mi kerido oyentenan nos no tin tempu pa bai den tur detaye di loke a sosodé aki na kana di Galilea. Pero un kos mi ke bo nota algu hopi interesante Hesus ta hasi un milager akinan ku ta transformá awa bira biña. E hendenan na kasamentu òf na e fiesta di kasamentu e brùidehòm e bòtelier nan ta tin un problema ku nan no por a solushoná pa nan mes di ningun manera nan por a supli e nesesidat di biña ku a surgí dor ku biña a kaba. Nan no por a bai un tienda kumpra e kantidat di biña ei nan no por a bai niun kaminda supermarket niun kaminda niun no por a bai trahé na e momento ei.

Pues oviamente nan a presentá un desafio ku ta muchu mas grandi ku nan abilidat di solushoná. Pero danki na Dios ku einan tabatin presente un hòmber ku yama Hesus ku tin tur outoridat i poder ku ningun problema ta muchu grandi pa e solushoná. I Hesus ta òf mama di Hesus ta bin serke dje ta presente e problema. Pero loke mi ke bo pagá tinu na dje ta ku Hesus ta kambia awa hasi biña. Porta Hesus por a kue tinashinan bashí mes i yena nan ku biña. Pero e no a hasi esei. El a laga e awa bira biña. I ta interesante pa wak ku awa a wòrdu transformá den otro elemento. Pues awa ku ora bo bai skol bo ta siña ku ta H2O a kambia bira biña ku ta bin for di druifi.  Bo por imaginá bo mes mi kerido oyente. Pero ki e transformashon di awa pa biña akí ke siña nos? Dikon Hesus ta hasi esaki i pa asina duna evidensia di su poder divino. Pa bo komprondé e milager aki bon bo tin ku bai den beibel mas promé kaminda awa na un momento dado tambe a wòrdu transformá den otro elemento. Bo ta kòrda unda eséi a sosode? Si bo no ta kòrda laga mi yuda bo. Ora ku Moises ta yega serka Farao den e buki di Eksodo i ta pidi Farao pa laga e pueblo di Israèl bai pa nan bai adorá Dios etsétera, Farao ta nenga di laga e pueblo bai. I na e momento dado un di e plaganan ku Dios a bati Fárao kuné ta ku e awa den rio Nilo a bira sanger. Tur bestia a muri tur bestia ku ta den e riu a muri. E hendenan no por a bebe awa etsétera. Pues Moises ku poder divino ku poder di Dios ta transformá e awa di Nilo hasié sanger. I einan bo ta mira ku ta Dios so por kabia un elemento natural hasié otro elemento. I Hesus kambiando awa akinan hasi biña ta hasiendo meskos ku Moises a hasi den Eksodo. Solamente e awa no a bira sanger ma el a bira biña. Munstrando nos ku Hesus tin e mesun poder e mesun abilidat ku e tata ku a kambia awa bira sanger. Pues hasiendo e awa bira biña Hesus ta mustra nan poder riba elemento natural ku elemento natural por kambia no dor di loke Hesus a hasi pero dor di djis papia esaki.

Pues Hesus ta mustrando nan i nos awe ku Su palabra tin poder. I unda mas bo ta mira e palaba poderoso akí den akshon ta ora ku Genesis Dios ta krea e mundu. Kaminda Dios ta bisa sea lus i lus ta paresé kaminda Dios ta bisa laga tera seku paresé tera seku ta paresé kaminda Dios ta bisa laga e palu i frutanan krese ku riba tera seku ku mata ku tin ku duna simia segun nan sorto esétera etsetera. Einan den Genesis Dios ta mustra ku su palabra tin poder pa krea i hasi kambio. I Hesus hasiendo esaki den e fiesta di kana di Galilea ta duna nan un lès i ta mustra nan ku su palabra tin poder. I ami ku bo mi kerido oyente mira e hòmber akí su palabra tin poder nos tin ku komprondé ku esaki no ta ken ku ta, esaki mester tin poder divino. Pero ban na un otro milager pa bo mira kiko un biaha mas Hesus ta hasi na e mesun kana di Galilea aki. Ban lesa huntu ku mi Huan 4:46-54. Asina El a bin atrobe na Kana di Galilea, kaminda El a hasi awa bira biña. I tabatin un ofisial di rei, kende su yu hòmber tabata malu na Kapernaum. Ora ku el a tende ku Hesus a sali di Judea bin Galilea, el a bai serka djE i a rogu'E pa bin kura su yu hòmber; pasobra e tabata muriendo. Anto Hesus a bis'é: 'Si boso no mira señal i milager, boso lo no kere.' E ofisial di rei a bis'E: 'Señor, bin promé ku mi yu muri.' Hesus a bis'é: 'Bai numa; bo yu ta bibu.' E hòmber a kere e palabra ku Hesus a papia kuné, i el a bai. I mientras ku e tabata na kaminda ainda, su esklabunan a bin kontr'é, i a bis'é ku su yu ta bibu. Anto el a puntra nan ki ora el a kuminsá mehorá. I nan a bis'é: 'Ayera pa un or di mèrdia e keintura a lagu'é.' Anto e tata a kòrda ku tabata na e ora ei ku Hesus a bis'é: 'Bo yu ta bibu'; i e mes a kere i tur e hendenan di su kas. Esaki anto ta e di dos milager ku Hesus a hasi ora ku El a sali di Judea bin Galilea.

Mi kerido oyente mi ke mustra bo un biaha mas Hesus ta hasi e milager aki ku e ta duna evidensia di su poder divino. Evidensia ku Hesus no ta ken ku ta Hesus no ta kualke hòmber aki na mundu. E tata akí su yu tabata malu i el a bin roga Hesus. Hesus no a bai kas di e hòmber aki e no a pone man riba e yu e no a resa riba e yu porta manera ora Jairó su yu muhé tabata malu el a bai el a bisé talita kumi lanta mucha muhé. Pero akinan el a djis bisa bo yu ta bibu. Anto beibel ta bisa e hòmber a kere e palabra ku Hesus a papia kuné i e yu a kura di bèrdat. Pues Hesus a kura e yu dor di djis papia so. Mi ta maginá mi ta dor di e eksperensianan akí bo ta kòrda tin un otro milager kaminda e hòmber ta bisa Hesus ku e tin su sirbidó ta malu anto Hesus ta bisé banda di kure esun ta bisa nò mi ta digno pa por bin den mi kas ma papia un palabra so i lo e ta kurá. I Hesus ta bisa e hòmber e fe akí min a mira na Israèl pasombra e hòmber ta tin fe den e palabra di Dios.

Mi kerido oyente, pregunta ku mi ta hasi na bo abo tin fe den e palabra di Dios? Bo ta kere e palabra di Dios tin poder pa transformá bo bida? E hòmber e tata aki no a kere pasombra den Hesus paso el a mira e milager. Tende ku e ta bisa na versikulo 50 e hòmber a kere e palabra ku Hesus a papia kune. E hòmber no a mira e milager e hòmber a kere den e palabra di Hesus. I hopi biaha mi kerido oyente nos ke mira milagernan di Dios nos ke mira maravianan pa nos kere. Nos ke mira kambio pa nos kere nò. Kambio lo bin ora nos kere prome den e palabra di Dios i e hòmber akí e tata desesperá pa su yu bira bon a kere den Hesus su palabra. I el a komprondé òf kere ku Hesus su palabra tin poder. I di bèrdat Hesus su palabra tin poder pasombra su yu a kura i a bira bon.

Mi kerido oyente hopi biaha nos ke mira kambionan den nos bida nos ke bai dilanti òf krese spiritualmente nos ke tin un eksperensia personal ku Dios, pero hopi biaha nos no ta kere den Dios su palabra. Hesus e dos milagernan ku Huan ta deskribí den su buki den su evangelio ta, ku Hesus su palabra tin poder. I si Hesus su palabla tin poder i e palabra ei ta biba den mi ta kere e palabra ei i mi ta obedesé e palabra ei e poder dje palabra ei lo ta bisto den mi bida. Lo e wòrdu manifestá den mi bida lo e hasi algu den mi bida. Hopi biaha nos ta keda superfisial den nos eksperensia religioso nos ta bai iglesia siman aden siman afó nada ta sosodé meskos nos ta keda nos ta keda chumbuká den mesun kosnan. Dikon? Pasombra nos no ta hasi e palabra bibu i aktivo den nos bida. Hesus su palabra ku el a laga pa tras pa nos den e beibel ta e palabra di Dios e palabra di Dios tin poder. Ban biba segun Dios su palabra. Dios bendishona bo den gran manera,

Nos a mira ku Huan a bisa ku su proposito pa kual el a skibi no ta djis pa tin un buki skirbi di Hesus nò. E no a skibí djis pa ang mi no ta tin nada di hasi laga mi skibi nò. Huan ta bisa den Huan 20:30,31 ku el a skirbi tur esakinan pa asina nos por kere ku Hesus ta e Kristu e yu di Dios i ku dor di kere den Hesus nos por tin bida den su nòmber. Awor akinan Huan ta indiká na nos varios kos importante, ku Hesus su akshonnan òf su milagernan aki na mundu ta pa nos kere ku e ta e yu di Dios. I ora nos kere algu importante ta sosodé den nos bida nos ta haña bida eterno. Pues bida eterno mi kerido ruman di kerido oyentenan ta aksesibel pa nos tur. E no ta fuera di nos alkanse si nos lesa e evangelio di Huan so i kere firmemente den loke Huan ta bisa ei Huan ta primintí nos ta haña bida eterno. Pues nos a konsiderá ayera e prome milager ku Huan ta registrá di Hesus kaminda Hesus ta kambia awa bira biña. Despues nos a mira kaminda Hesus dor di palabra dor di djis papia so e ta bolbe hasi un milager pa un yu ku tabata serka di muri di un ofisial di rei. El a djis bisé e tende akinan bai i bo yu ta bibu.

I awe nos lo wak un otro milager ku Huan ta registrá den Huan 5:1-9 pa asina nos wak kiko nos por kere di Hesus i kiko nos por òf kiko Huan ke mustra nos di nos salbador Hesus pa nos kere den dje i ora nos kere den dje ki ta pasa nos ta haña bida eterno. Ban lesa lo sigiente; Despues di e kosnan aki tabatin un fiesta di e hudiunan, i Hesus a bai Jerusalèm. Awor na Herusalèm, na e porta di karné, tin un tanki di awa ku na Hebreo yama Betèsda, i ku tin sinku veranda di pilar. Den nan tabatin drumí un multitut di hende malu, siegu, lam, paralisá, ku tabata spera riba moveshon di e awa; pasobra na sierto temporadanan un angel di Señor tabata baha den e tanki, i tabata hasi e awa move; anto esun ku drenta aden promé, despues di moveshon di e awa, tabata wòrdu kurá di ki malesa ku e tabata sufri di djé. versikulo sinku I tabatin un hòmber einan ku pa trint'i ocho aña tabata malu. Ora Hesus a mir'é drumí einan i tabata sa ku e tabatin hopi tempu kaba den e kondishon ei, El a bis'é: 'Bo kier bira bon?' E hòmber malu a kontest'E: 'Señor, mi no tin hende pa ponemi den e tanki ora ku e awa wòrdu moví, i mientras ku mi ta na kaminda, un otro ta baha aden promé ku mi.' Hesus a bis'é: 'Lanta, kohe bo kama i kana.' I mesora e hòmber a bira bon i a kohe su kama i a kuminsá kana. Awor e dia ei tabata Sabat.

Mi kerido oyente mi tin ku konfesá i bisá bo esaki ta un di e historianan un dje milagernan mas preferí di ami dikon? Pasobra e ta siña bo vario kos importante e ta siña bo un biaha mas ken Hesus ta e ta siña bo ki ta Hesus su mishon aki na mundu i ta siña bo eigenlijk kiko ta e bèrdadero propósito di sabat i tambe e ta mustra bo kon eigenlijk hende ta. Paso si bo sigui lesa e historia akí bo ta bin mira ku e Fariseonan i e Saseradotenan en bes di regosihá pa un hòmber ku tabatin 38 aña malu ku a wòrdu kurá nan, ta heringá kuné pasombra e ta kanando ku kama riba dia di sabat. I ta tristu pa mira kon hende hopi bia ta muchu mas preokupá ku e reglanan di lei i no ta preokupá ku e sintimentu empatia di hende.

Hopi bes. Nos ta pone lei regla nos prinsipionan riba hende. I Hesus ta mustra nos akinan esei no ta e kaso. Hende ta e kos sentral pa Dios. Pero ki ta pasa mi kerido oyente ta tin un pul e ta bisa ku tabata wòrdu yama Betesda un tanki di awa. Anto e ta splika ku ta tin un multitut di hende malu drumi einan multitut beibel ta deskribí ora e tin hopi hende e ta deskribí ku nan ta tin lam hende siegu hende paralisá ke men tur sorto di malesa. Dikon nan tabata drumí banda e tanki di awa? Pasombra un sierto temporada nan ta kere òf ta wòrdu bisá ku un angel ta bai i ta move e awa i ora bo baha den e awa ne momento ei bo ta wòrdu kurá di kualke malesa. Pues e temporada no ta wòrdu anunsiá. Pues bo mester ta pendiente bo mester ta bei pa wak na ki momentu e awa ta move pa bo baha aden. Pues tabatin multitut di hende malu einan sin speransa pero ku un speransa bibu so, kual ta ki ora e angel ta baha pa e awa move pa mi kore drenta.

Awor ora e hòmber ora Hesus ta puntra ku e hòmber ke bira bon e hòmber ta bisa wak mi no tin niun hende bo pone mi den awa.

Bo por komprondé e ora ei ku e situashon ku tabata reina einan tabata un manera nan ta bisa na ingles survival of the fittest esun ku ta mas lihé i mas fuerte ta drenta e awa i wòrdu kurá i esnan ku ta debel ta keda malu konstantemente. Pues konstantemente e ora ei pa drente awa lo tabatin un lucha tenas pa wak ken por drente awa promé. Einan bo ta mira tambe mi kerido oyente ku por ta e notisia kore ku hei un hende ta drenta e awa un hende a drenta e tanki awa ora e move el a wòrdu kurá. Hendenan malu tur hendenan malu ku no ta tin speransa mas a haña speransa pa wòrdu kurá. Einan bo ta mira mi kerido oyente ora hende tende ku algu ta benefisiá nan hende ta loko pa bai serka dje. Pesei hopi biaha nos tin ku presentá e evangelio di Hesus na un manera pa hende komprondé ku no tin algu ku den e mundu akí ku ta benefisiá nan mas ku ta bini serka Hesus. Si hende kompronde realmente e benefisionan di ta serka Hesus kon bo ta wòrdu pordoná di tur bo pikánan kon bo ta haña liberashon i sklabilitut di piká for di sklabitut di piká bo ta haña poder grasia divino pa bo biba un bida santu. Bo ta wòrdu transformá bo ta un kriatura nobo bo tin goso den e kosnan di Dios. Ora un hende komprondé benefisionan ei imposibel e no ta haña gana di bini sera Hesus. Mi kerido oyente nos tin ku kompronde i realisá ku no tin nada mas dushi di entregá bo bida den man di Hesus, Hesus lo transformá bo bida den gran manera.

Pues e hòmber akí 38 aña largu tabata drumí malu den su situashon. Imaginá bo 38 aña mi kerido oyente kuantu kos bo a hasi ora bo ta tin 38 aña kaba. Tin di nos lo ta tin añosnan ta trahando ku bo ta tin bo outo kaba bo kas kumpra òf bo kas trahá bo ta tin yu kaba portá nietu kaba tin biaha. Pues ta hopi kos bo por hasi den 38 aña e hòmber aki tur e temporado ei tabata malu drumi sin por hasi algu. Pero un dia mi kerido oyente, pa grandi ta e hòmber aki su sorpresa un stèm e ta tende ta puntré bo ker bira bon e stèm ta puntré bo ke bira bon despues di 38 aña malu bo ke bira bon? Awor e hòmber ta respondé wak mi no tin hende pa pone mi den awa e hòmber ta kere ku e stèm ta puntré si e ke wòrdu kurá pa e awa? Pero Hesus ta bisé tende akinan, lanta kohe bo kama i kana. Mi kerido oyente den henter e relato bibliko aki un palabra ta sumamente importante ku ta wòrdu registrá den e registro akí e palabra akí ta e siguiente ku ta sigui den versikulo 9 e ta bisa. I mesora e palabra di mas importante i mesora.

Dikon e ta importante mi kerido oyente? Pasombra e ta indiká tempu e ta indiká na ki tempu òf den ki frakse di sekonde ku Hesus a papia. E hòmber aki a kura Hesus ta bisa e hòmber aki lanta kue bo kama i kana. I beibel ta bisa i mesora, pues no a dura ni un dia ni dos dia ni un ora ni dos ora tin ora bo bai kumpa remedi nan ta bisa bo despues di par di siman e ta kuminsá traha òf despues di dos dia òf despues di tres ora e ta kuminsa traha. Hesus su palabra ta tin poder direkto imediato den bida di e hòmber aki òf den su kurpa físiko. A duné vigor a restourá su kurpa a duné vitalidat a duné forsa ku e por a lanta i kana. Un hòmber ku no por a kana pa 38 aña largu no mester a bai fisio terapí pa siña kana atrobe no mester a bai fisio terapí pa vèrstèrk su spirnan atrobe imediatamente mesora e hòmber a lanta i a kuminsá kana. E hòmber mi kerido oyente no a roga Hesus manera tin algun Hesus yu di Nazarèt yuda mi tene mizerikòrdia di mi. E no a bin sigui Hesus kura mi manera hopi hende a bin serka Hesus. E hòmber aki no ta tin e konosementu previo di Kristu Hesus. Pero ora el a tende e stèm i ora el a tende e mandato lanta kue bo kama i kána e hòmber aki pa medio di fe den e palabra di Hesus a obedesé e palabra di Hesus. I dor di esaki e hòmber a wòrdu kurá. Mi kerido oyente mi ke terminá akinan. Mi ke enfatisá esaki un bia mas.

Ora ku Hesus den e prome milager a kambia awa bira biña Hesus no a hasi nada ekstrabagansia. Hesus a djis bisa hasi esaki i manera Maria a bisa nan hasi tur loke e bisa boso i nan a hasi’é e awa kambia. E yu di e hòmber ku ofisial a bin serka Hesus Hesus a bisé bai i bo yu ta bibu. Su palabra a kura i a restorá e mucha e yu di e ofisial akinan. Mi kerido oyente un biaha mas 38 aña largu e hòmber aki tabata malu Hesus su palabra lanta kohe bo kama i kana a kura e hòmber aki. Hesus no a mishi ku e hòmber aki Hesus no hasi nada otro djis papia so. Huan ke prent den nos kabes ku e palabra di bida tin poder. No ta sorprendente ku Huan ta kuminsa su evangelio den Huan kapitulo 1 versikulo 1 e palabra tabata huntu ku Dios e palabra tabata Dios. I Huan ke enfatisa ku e palabra aki ta Kristu Hesus ku ta E ta esun ku a krea tur kos pa medio di Dje tur kos ta eksistí i ta wòrdu tene huntu. E palabra di Dios tin poder i e palabra di Dios aki ta Kristu Hesus. Hesus a papiá ku su palabra poderoso a kura e hòmber aki.

Mi kerido oyente den universo aki no tin nada mas poderoso ku e palabra di Dios. I e mihó notisia ta ku e palabra di Dios aki no ta un misterio òf algu ku nos tin ku manera oro bai koba pa buska pa sa unda e ta nò. E ta aksesibel bintikuatershete pa ami ku bo nos ta pèrdiendo bendishonnan nos ta pèrdiendo hopi kosnan bon dor di ta neglishando Dios su palabra. Pregunta ku mi ta hasi na bo mi kerido oyente pensa riba dje bo ta neglishando e palabra di Dios? E palabra di Dios tin e lugá prominente den bo bida? Mi kerido oyente si bo hasi e palabra di Dios e number un den bo bida e poder di e palabra ku a kura e hòmber aki lo wòrdu manifestá den bo bida tambe. No tarda mas mi kerido oyente no laga nos tarda mas laga nos hasi Dios su palabra e prioridat den nos bida, studiele pasa tempu kunele i laga e palabra hasi su obra den nos bida.

Dios bendishona bo den gran manera.

Nos ta studiando for di e evangelio di Huan, nos ta bai henter e kuartal akí studiando en detayes tur loke Huan ta siña nos tokante nos salbador Kristu Hesus. Pues despues di e estudio akí dus ora bo kuminsá aña 2025 ku bo por bisa bo ta un eksperto na moda di papia den e buki di Huan. Bo a studia e den tur su luho i detaye. Ayera nos a para ketu na e milager maravioso ku Hesus a hasi ku un hòmber ku tabatin 38 aña malu drumí na e tanki di awa aya na Betesda. Bo ta kòrda nos a lesa den e beibel ku ta tin un multitut grandi ku ta drumi ei banda nan pasombra na un temporada nan tabata kere ku un angel tabata bin i move e awa anto ora e angel bin drenta den e awa ora e awa ta move mi ta kura di tur malesa òf kualke malesa ku mi tín. Awor e hòmber malu akí pa 38 aña malu lam no por a yega na e tanki ora e awa ta move, i nos a mira kon Hesus ta bisé lanta kohe bo kama i kana.

I loke nos a enfatisa ayera ta ku beibel ta indiká i mesora pues instantaniamente na e mesun momento ku Hesus a papia e hòmber a aktua e hòmber a wòrdu kurá. Hesus su kurashon mi kerido oyente ta shenporshento. Hesus nunka ta kura nos òf salba nos mitar mitar. Hesus a kura e hòmber di e mesun momento. I interesante ku pa bo mira ku Hesus no a mishi ku e hòmber Hesus no a duné kualke yerba bebe Hesus un dune kualke un remedi bebe Hesus no a hunta un zalf Hesus ta djis papia e hòmber a kura. Mustrando nos ku den Hesus Hesus nos salbador Hesus ku ta stima nos asina tantu e Hesus ku nos ta alabá i kanta hinka rudiá resa na dje tin tur poder. Pues ami ku ta siguido di Hesus ami ku ta un bèrdadero disipel di Hesus di ningun manera mi mester tin temor òf miedu pa kualke kos den e mundu akí paso mi sa ku mi ta sirbi un salbador todopoderoso.

Awor ta interesante pa nos bai mira kiko tabata reakshon di e lidernan religioso ora nan a mira e hòmber ku tabata paralitiko aki wòrdu kurá. Kiko tabata nan reakshon? Bo ta kere nan lo a rehosihá i alabá Dios? Bo ta kere nan lo a bisa gloria Dios ban konta e testimonio aki na tur kaminda pa nan por mira e poder di Dios? Nò mi kerido oyente. Ban lesa kiko a sosodé den Huan 5:10-16 Pesei, e hudiunan a bisa esun ku a wòrdu kurá: 'Ta Sabat, i Lei no ta pèrmití pa bo karga bo kama.' Bo ta kòrda Hesus a bisé lanta kohe bo kama i kana anto ora huduinan a mire ta kana ku su kama nan di kune lei un ta pèrmiti pa karga bo kama Ma el a kontestá nan: 'Esun ku a kurami ta Esun ku a bisami: 'Kohe bo kama i kana.'' Nan a puntr'é: 'Ta ken ta e hòmber ku a bisabo: 'Kohe bo kama i kana'?' Ma esun ku a wòrdu kurá no tabata sa ta ken, komo ku Hesus a retirá, pasobra tabatin un multitut di hende na e lugá ei. Despues Jesus a hañ'é den tèmpel i a bis'é: 'Mira, bo a bira bon; no peka mas pa nada pió no sosodé ku bo.' E hòmber a bai i a bisa e hudiunan ku ta Hesus a kur'é. I pa e motibu aki e hudiunan tabata pèrsiguí Hesus, pasobra E tabata hasi e kosnan aki riba Sabat. Mi kerido oyente bo ta mira kiko ta pasando akinan?

Na prome lugá nos tin ku sali òf kuminsá establesé ku hopi biaha sierto tekstonan asina aki sierto milagernan ku ta sosode riba dia di sabat i Hesus ta aprobá nan i e lidernan religioso ta desaprobá nan, hendenan ta yega ne konklushon eronio ku dor ku Hesus a hasi esaki Hesus a anulá òf kita e sabat di shete dia ku e hudiunan tabata warda semper. No ta bèrdat òf bo ta bisa no ta esei ta e punto. Hesus no a bisa ku e sabat no ta konta mas e no a anule òf kita e di shete dia ku Dios a bendishoná i santifiká. Al kontrali Hesus a bin i a mustra nan kiko eigenlijk ta e propósito di sabat. E hòmber tabatin 38 aña malu awor ku e hòmber a haña e salbador su dilanti i el a haña salbashon el a haña liberashon i el a haña kurashon riba dia di sabat, en bes di e yunan di Dios òf e pueblo di Dios òf e siguidonan di Dios di e tempu ei alaba i glorifiká Dios bisa no tin manera nos Dios glorifiká ta su nòmber santu, santu santu santu bo ta o Señor Dios di ehersitonan. En bes di nan alabá Dios ku henter nan kurason nan ta murmurá i nan ta persigui Hesus pa loke Hesus a hasi. Bo por imaginá bo mes mi kerido oyente. Un milager bibu dilanti nan wowo un hòmber 38 aña malu awor ku el a wòrdu aliviá for di su doló abo ku por a kana semper ku a disfrutá di bo kasá ku bo yunan sinta na mesa kome hari pasa prèt no ta regosihá pasombra e hòmber ku ta 38 aña malu akí a kura?

Bo no ta hañá ku e ta un pensamentu un tiki egoista mi kerido oyente? Kon e hudiu i e lider saserdotenan aki tabata rasoná? Kemen dilanti nan wowo Hesus ta hasi un milager duna evidensia di su poder i outoridat divino tòg e Fariseonan e lidernan religioso ta faya di komprondé i aseptá esakí. Pasombra nan ta aserká e bèrdatnan di Dios òf e beibel ku nan prehuisio ku nan pensamentu previo i ku nan leinan ku nan a invent. Di ningun manera ora bo wak den e dies mandamentunan ora Dios a duna e mandamentu di sabat Dios no a indiké i a bisa ku bo no mag karga bo kama etsétera. I e hudiunan a inventá yen tipo di lei huntu ku e lei di sabat poniendo un peso un karga i hasi e dia di sabat un dia amargo un dia ku hende no ke disfruta di dje. Pero Hesus e yu di Dios ora el a bin na mundu el a bin ku un mishon no solamente pa salba hende for di piká pero pa revela na nos e bèrdat di Dios, òf pa revela na nos e karakter di e tata. I pa mustra nos kiko ta e bèrdadero propósito di e dia sagrado ku Dios a instituí for di kreashon di mundu.

Pero mi ké bo lesa un eksperensia mas ku mi òf un relato mas den e buki di Mateo 12:9-14 I El a sali for di einan i a bai den nan snoa. I mira, ayanan tabatin un hòmber, kende tabatin un man seku. I nan a hasiE pregunta, bisando: 'Lei ta pèrmití pa kura riba dia di Sabat?' pa asina nan por a akus'E. I El a bisa nan: 'Kual di boso, si e tin ún karné i esaki kai den pos riba dia di Sabat, lo no gar'é i sak'é afó? Awor, kuantu mas un hende bal kompará ku un karné! Asina anto, Lei ta pèrmití pa hasi bon riba dia di Sabat.' E ora ei El a bisa e hòmber: 'Rèk bo man!' I e hòmber a rèk su man, i su man a bira bon meskos ku e otro. Ma e fariseonan a sali bai, i a konsultá huntu kontra djE, kon nan lo por destruiE?

Un ta tristu mi kerido oyente un ta un tristesa di kurason doló mirando kon Hesus ta aliviá doló i sufrimentu di un persona malu e Fariseonan ta akusé i ta bai di rabia bai buska un manera pa destruí. Un hòmber ku tabata sufri man seku e disipel òf miho bisa e Fariseonan en bes di a bira kontentu pa e hòmber akí ku tin hopi aña den e situashon aki nan ta rabia murmura pasombra Hesus no ta hasi e kosnan manera nan ta spera. Mi kerido oyente tin un historia mas den e buki di Huan ku ta impaktá mi masha hopi mes ku mi ta gusta ta e historia kamindá Hesus ta kura un hòmber ku tabata siegu for di su nasementu. Bo por haña esaki den Huan 9:1-16 e hòmber a nasé siegu for di su nasementu i e tabata pidi limosna dilanti tèmpel oviamente e no por bai trahá pasobra e no ta mira e tabata bin pidi limosna dilanti tèmpel. Pasobra e tempunan aya portá na otro paisnan porta nos ta bendishona ku nos tin ònderstant ku esei nan òf ku bo ta kobra onderstand uitkering etcetera.

Ayanan e tempu di Hesus no ta tin e yudansanan ei. Pues e hòmber akí dor ku e no por traha dor ku e ta siegu e tin ku biba e tin ku sobrebibi e tabata pidi limosna. Awor e tabata siegu i tabata pidi limosna Hesus ta kura e hòmber aki. En bes di e pueblo bula den laira glorifiká Dios pasombra e hòmber siegu aki ku a nase siegu a mira bèk nan a kuminsá kuestioná ku ta e hòmber siegu di bèrdat ta ken a kuré riba dia di sabat nò un ta bon no un ta kuadra. Anto den den Huan 9:16 pesei algun di e Fariseonan tabata bisa e hòmber akí papiando di Hesus no ta di Dios pasombra e no ta warda sabat. Ma e otronan tabata bisa kon un hende ku ta pekador por hasi milager asina? I tabatin divishon entre nan. Mi kerido oyente mi ta gusta e lastu pregunta. E Fariséonan ta yega na un konkushon ku e hòmber aki no ta di Dios pasombra e no ta warda e sabat òf segun nan no ta warda e sabat segun nan kriteria.

Pero kon bo por bisa ku Hesus no ta hòmber di Dios kaminda Hesus a hasi varios milager ku nan ku ta Fariseo lidernan spiritual ni maske nan hasi ayuno i orashon no por hasi’é. Pues Hesus ta hasi milager bes tras bes mustrando nan Su poder i outoridat divino tòg esaki ta lanta un reakshon averek den e Fariseonan. Mas rabia nan a haña ora Hesus a hasi bon pa otro. Awor si bo ta haña rabia riba un persona ku ta hasi bon pa otro bo tin ku puntra bo mes ken ta gobernando mi kurason, si ta Dios òf ta Satanas. Mi kerido oyente e hendenan akí tabata asina korupto asina korumpi asina pervertí den nan sistema religioso ku tur e kosnan ku Hesus ta hasi dilanti nan kara nan no a kere.

Awe nos no tin Hesus dilanti nos kara, pero e pregunta ku mi ta hasi na bo bo ta kere firmemente den Hesus komo e salbador personal di bo bida? Hesus ta e doño di bo kurason? Abo no e Fariseonan. Abo ta kere den e poder divino di Hesus i ku e poder divino akí por wòrdu manifestá den bo bida tambe? Duná bo viktoria riba piká viktoria riba mal habitónan ku bo a bini ta lucha kuné den bo mes forsa ku bo no por logra kita for di nan? Viktoria for di tur konsekuensia rasgo òf kualke tendensia pekaminoso ku nos tin. Mi kerido oyente ami a eksperensi’é e liberashon for di piká ku tin solamente den Kristu Hesus. Abo ta kere? Ohala Dios manifestá na un manera grandi den bo bida. Dios bendishona bo den gran manera.

Manera bo sa nos ta studiando e kuartal akí e evangelio for di e buki di Huan. I nos a bini ta konsiderá e milagernan ku Huan òf e prome milagernan ku Huan a bin ta deskribí den su buki i ki propósito e tin ku esakinan. Nos a lesa ku e propósito prinsipal di e evangelio di Huan, Huan mes ta indiká esaki bisando ku e por a skibi hopi kos. Pero si el a skibi tur e buki aki lo no por a kontené tur loke Hesus a hasi. Pero el a skohé algun al propósito pa asina splika laga hende komprondé ku Hesus ta e Kristu òf e Mesias, e yu di Dios ku Dios a primintí pa bin na mundu komo salbador di mundu. I pa keriendo den Hesus nos por haña bida eterno. Pues Huan ta skohe su milagernan pa asina indika na nos, mustra nos ku tur evidensia ku no tin duda ku Hesus ta e yu di Dios e salbador primintí. Awor esnan ku a studia huntu ku nos e evangelio di Marko kuartal pasa por a mira algun kosnan interesante.

Ami semper a lesa e evangelionan e bukinan Mateo Marko Lukas Huan pero ora ma kaba di lesá Marko i awor lesando Huan e promé kapitulonan di Huan mi a bin realisá algu otro diferente for di e evangelionan. Kual ta kada dos di e buki òf tantu Marko komo Huan tantu e evangelio di Marko komo e evangelio di Huan. Ora ku bo wak nan ku un bista neutral òf un tiki mas profundo bo ta ripará i realisá ku Marko i Huan ta skirbiendo kuantu milager Hesus ta hasi. Kuantu evidensia Hesus ta duna ku e ta yu di Dios ma tòg e hendenan ku ta eksperensiá e milager ku ta mira loke Hesus ta hasi no ta kere den dje. Tantu Marko komo Huan ta parse di ta splika nos di ta indiká ku Hesus su obranan aki na mundu no a laga duda atras ku e tabata e yu di Dios. Ma tòg di un òf otro manera tantu e disipelnan i e fariseonan i e lidernan religioso ora Hesus tabata hasi su milagernan hasi su kosnan tòg nan tabata duda den dje. Ki tristesa mi kerido rumannan mi kerido oyentenan mirando kuantu kos Hesus a hasi ma tòg e no por a konvensé e hendenan ku e ta e yu di Dios di bèrdat. Òf e hendenan no a bisa wauw e ta yu di Dios hise kargé den laira manera ata e salbador a bin aki. Nò, e ta tin un bida difísil un bida di konfrontashon i konflikto konstantemente.

I nos a lesa ayera e milager ku Hesus ta hasi den Huan 5 kaminda ta tin un hòmber drumi na un tanki di awa ku yama Batesda e hòmber tabata malu pa 38 aña. Mi kerido oyente mi no por kaba di enfatisá esaki. Djis imaginá bo 38 aña kuantu tempu e kos aki ta kasi kuater dekada. E hòmber akí drumi malu. Bo a bai skol primaria, bo a bai skol segundaria bo a kaba bo havo bo mavo òf bo mbo, bo a kaba bo hbo, ba kaba bo universiteit whatever ku ba kaba ei ainda e hòmber ta drumi malu. 38 aña malu e hòmber sufriendo pa 38 aña. Mi kerido oyente niun hende ta deseá di drumi malu pa 38 aña. Bandi aña binti nai bo ta bisa bo ta entregá bo a kansa. E hòmber aki tin 38 aña malu. Hesus ta topa e hòmber aki i Hesus ta kura e hòmber akí. Hesus ta bisé lanta kohe bo kama i kana i mesora e hòmber ta kura e ta kue su kama i ta kana. Pero kiko nos a mira sosodé manera e hòmber a hasí asina ei? Manera e hòmber a kuminsa kana ku su kama, ki ta pasa?

Ban lesa huntu ku mi den Huan 5:16-18. “i pa e motibu aki e hudiunan tabata persigui Hesus pasombra e tabata hasi e kosnan aki riba sabat. Ma Hesus a kontestá nan mi Tata ta trate awor i mi tambe ta traha. Pesei pa motibu aki e hudiunan mas ainda tabata buské pa mata pasombra no solamente e tabata kibra sabat ma tambe e tabata yama Dios su mes tata hasiéndo su mes igual ku Dios.”

Mi kerido oyente logá di bo a kere ku ora e hòmber aki ta tin 38 aña malu i el a wòrdu kura dor di Hesus, su famianan su amigunan e pueblo e saserdotenan lo a regosihá huntu kuné glorifiká Dios huntu kuné yama Dios danki pa e milager ku a sosode nò. Prome kos ni di dos ni di tres ni di kuater e prome kos ku nan a hasi ta murmura kritiká pasombra e hòmber ta kargando su kama riba dia di sabat. I nan ta bisé bo sa ku lei no ta permintí pa karga kama riba dia di sabat. I e hòmber ta bira bisa nan: Ta esun ku a kura mi a bisa mi kohe bo kama i kana. Nan ta puntre ta ken a kura bo e ora ei? E ora ei e hòmber no sa. Despues Hesus ta topa e hòmber i e hòmber ta bisa ta Hesus. Ora ku e hudiunan, e lidernan religioso, a haña sa ku ta Hesus a duna e hòmber instrukshon pa kohe su kama i kana, nan tabata persiguí Hesus nan tabata ker a maté pasombra e tabata hasi milagernan riba dia di sabat.

Mi kerido oyente mi ke hasi un pousa akinan pa splika algu hopi kla. Hopi biaha bo ta tende hende ta kuestioná ku porta ai e dia di sabat, pa ki nos ta keda tene na dje? Manera ai e koi un ta konta mas, e koi ta un kos bieu, e koi ta di tèstamènt bieu, e koi ta koi hudiunan, Hesus a kita sabat. I nan ta usa sierto tekstonan manera esaki mustrando ku Hesus a neglishá e sabat. Di ningun manera mi kerido oyente. Hesus a valida e sabat, Hesus a balorá e sabat, Hesus a onora e sabat i a wardé opservé i a hasi manera mester hasi riba dia di sabat. Loke ta sosodiendo akinan ta oviamente un biaha mas un ehèmpel klasiko kon lidernan religioso òf kon religionnan a pervertí e mensahé di Dios i pone Dios den un bista robes. Di niungun manera òf nunka Dios a infatisa ku bo no mag kana ku kama riba sabat. Dios no a instruí e pueblo di Israel asina niun manera. Dios a bisa klaramente den Eksodo 20:8-11: 'Kòrda dia di sabat, pa santifik'é. Seis dia bo mag traha i hasi tur bo trabou, ma e di shete dia ta sabat di SEÑOR bo Dios; riba e dia ei bo no mag hasi ningun trabou, pues Hesus òf Dios su enfasis tabata riba e aktividat ku bo ta gana bo pan di kada dia kuné, kual ta bo trabou. Pasombra Dios ker a siña e pueblo òf siña nos ku ta su yunan un prinsipio ku no ta bo trabou ta e kos ku ta duna bo di kome.

Hopi bes nos ta kere ta nos trabou i nos sen ku nos ta gana for di nos trabou ta esei ta duna mi sèn pa mi kumpra kuminda, paga mi hipotheek, paga mi kas, paga mi huur, pa mi por bai fakansi, pa mi por disfrutá, pa mi por kome nò. E trabou ku bo tin, ma ta Dios a bendishoná bo kuné. E salario ku bo tin ta Dios a bendishoná bo kuné i Dios ke bo komprondé ku e mihó prinsipio ku hende por siña i praktiká den e mundu aki ta dependé riba Dios i no riba institushonan humano. Pasombra ora bo pèrdè bo trabou mañan ku Dios ke ki bo ta hasi? Bo ta pèrdè fé den Dios? Bo ta kai den desesperashon? Bo ta pensa ta kon mi téi hasi? No preokupá ki bo ta kome, ki bo ta bisti paso bo Tata den shelu sa ku bo tin mester di tur esakinan. Pues Dios ker a siña nan no mester traha riba e dia di sabat. No preokupá ku proveé pa bo bida e dia ei. Kòrda ku ta ami ta bo Kreador i komo bo Kreador mi ta bo Sostenédor tambe. Pero e hudiunan a kohé e prinsipio kambié i a bisa bo no tin mag di kána, bo no ta mag dí kana tal kilometer, bo no mag di hisa kos pisá, bo no tin mag di hasi esaki tòrnu, bo no tin mag di hasi esaki bolbe, no ta esei ta loke Dios a instituí.

I ora ku Hesus a hasi milager Hesus a kura un hòmber 38 aña malu den nan dòktrina eronio nan no por a komprondé kiko Hesus ta hasiendo. Awor bo tin un hòmber 38 aña malu. No ta algu bon? No ta un bendishon ku e por wòrdu alivia for di su doló? Asta riba e dia di sabat ku ta e dia ku bo ta indiká ku mi ta sirbi un Dios bibu? Pues e hudiunan ora ku Hesus a kura e hòmber riba sabat nan a haña rabia riba dje i a persiguié pasombra segun nan E tabata kibrando e sabat. Al kontralio, Hesus ta mustrando nan kiko realmente e sabat ta para pe. I na versikulo 17 di Huan 5. Ma Hesus a kontestá nan: 'Mi Tata ta traha te awor i Mi tambe ta traha.' Pues ora Hesus ta bisa ku su Tata ta trahando (pasombra kòrda ku e mandamentu di sabat ta: No traha, hasi ningun trabou). Ma e ta bisa mi Tata ta traha te awor i Mi tambe ta trahá, pa nan komprondé ku tin trabou ku si ta apto pa sigui wòrdu hasi asta riba e dia di sabat. Kual ta e trabou ku Dios ta hasi kual ta e trabou di sostene e mundu. Imaginá bo Dios bisa: awe min ta bai hasi nada den e mundu aki, solo para ketu un ratu. Mi no ta bai manda rosea di bida pa niun hende. Mi ta bai stòp di traha sinta ketu. Mi ta bai drumi sosegá. Nò, nos tur lo muri mesora. Pues Dios ta trahando bintikuater shete na nos bienestar. Pues si akaso bo ta benefisiá un hende, kaso un hende ta sufriendo i bo tin ku alivié, bo trabou no ta algu malu riba dia di sabat. Hesus ta indiká ku loke mi a hasi mi ta kumpliendo ku e prinsipio i e propósito di e dia di sabat. Anto ora Hesus a bisa ku tende akinan mi tata ta trahá te awor i mi tambe ta traha Hesus ta yamando Dios su tata ku e ta hasiendo boluntat di su tata e hudiunan a bira mas razu ainda. Pasombra nan a komprondé ku Hesus bisando esei ta hasi su mes igual ku Dios. Aki tambe ta un bèrdat hopi importante mi kerido oyente ku hopi bes nos no ta para ketu na dje.

Hopi biaha bo ta pensa òf kere ku e hudiunan dor ku nan a rechasá Hesus nan tabata fóut òf nan no a komprondé beibel. Pero e hudiunan kòrda bon ku ta nan Dios a skohe pa ta e pueblo di Dios. Ta nan Dios a duna nan e beibel Dios a revelá na nan e profetanan tur eseinan. Pues e hudiunan aki ta tin basta dòktrina ku nan tabata komprondé korekto. I ora ku bo lesa versikuló 18 bo ta mira ku nan tabata kere i tabata komprondé korektamente ku e yu di Dios ku Dios mes (e Tata) ta igual. Te awe den mundu mi kerido oyende tin sierto kristian òf denominashonnan ku no ta apsepta e bèrdat aki. Nan no ta kere ku Kristu Hesus ta un ser divino igual na e tata. I akinan Hesus ta bisa nan mi ta yu di Dios mane e Tata ta hasi mi ta hasi. I nan ker a mata Hesus pasombra Hesus yamando su mes yu di Dios ta bisando e ta igual ku Dios. Ta pesei Huan ta bisa na prinsipio tabata e palabra i e palabra tabata ku Dios i e palabra tabata Dios e palabra akí a bira karni i a biba meimei di nos. Pues Huan ta splikando nos ku e hudiunan e kreensia bibliko ta ku Hesus ku Dios tata ta igual. E hudiunan ora Hesus a yama su mes yu di Dios no a kuestiona Hesus ku hei bo no ta yu di Dios. Nan a kuestiona ku hasiendo yamando su mes yu di Dios e ta hasi su mes igual ku Dios. Un hòmber bo dilanti ei ku ta hala roséa meskos ku bo ku e tin dos man dos pia manera bo ta bisa bo hei mi ta yu di Dios. E hudiunan no por a komprondé esaki pero e milagernan di Hesus tabata mustra bo oviamente e hòmber aki ta un hòmber speshal.

Mi kerido oyente bo por lesa pa bo mes Huan 5:19-47 kon Hesus ta bai respondé e hudiunan kiko ta pasando akinan. Ora ku bo djis lesa un versikulo pa bo di Huan 5:19-47. Pesei Hesus a kontesa i a bisanan di bèrdat di bèrdat mi ta bisa boso e yu no por hasi nada di su mes sino ta algu ku e ta mira e tata hasi paso tur loke ku e tata hasi e yu ta hasi meskos. Pues Hesus ta indika na nan tende akinan ami di bèrdat ta yu di Dios i Mi ta hasi tur kos den harmonia ku mi Tata. E Hudiunan aki mi kerido oyente maske nan ta tin e dòktrina korekto di sa ku e Yu i e Tata ta igual nan no por a komprondé e mishon i e trabou di Kristu Hesus. Nan a rechasé i a maté i no a someté nan mes kompletamente na Kristu Hesus. Hesus ta bisa den otro un palabra esun ku tin e yu tin bida i bida na abundansia e hudiunan ku tur nan dòktrina korekto a rechasa e oferta di bida eterno. Awe te ainda ta sosodé meskos. Hopi di nos ta bai diferente iglesia. Nos ta preokupá pa tin e dòktrinanan korekto, siñansanan korekto, ai esaki ta siña kiko, esaki ta siña esaya, no esaki nan no, esáki nan si. Pero mi kerido oyente lo mas importante lo mas importante den bo bida ta: Bo ta sometiendo bo mes kompletamente na Kristu Hesus? Bo ta lagando Kristu Hesus bira e outoridat supremo den bo bida? E bos ku bo ta skucha i obedesé tur dia ta e bos di Kristu Hesus? Òf bo ta hasiendo bo propio deseonan? Mi kerido oyente lo mas importante ku Dios ta deseá ta pa E bira doño di bo bida i di bo kurason. No tarda mas! Laga Dios dirigi bo bida awe mes. Dios bendishona bo den gran manera.