Reseta

BALCHI DI LENTEGA

Pone e lentega den un komchi. Herebe un tiki awa i basha esaki riba e lentega tape i lage para, te ora e bira moli. Si e keda ku awa aden mester skore afo.
Despeus pone esaki den un blender huntu ku e spesereinan i mula esakinan fini. Bati e webu i pone esaki huntu ku e lentega mula pone herbamare aden na smak. Traha bo balchinan i hasanan den zeta.

Pa esun ku ta desea pika por pone esaki tambe aden. I por hasi varios variashon ku e balchinan aki.
Huza bo imaginanshon.

KESHI DI KASHUPETE

E reseta aki ta pa un ±1¾ kup di keshi kashupete

Pone un mitar kup di awa i tur e kashupete den un blender i mula esaki te ora e bira un krema. Pone e sobra ingrediëntenan aserka, ku eksepshon di e dille.
Blender tur kos huntu lage bira un krema. Pone sobra awa den un weja i lage kushina. Ora e ta kushina drai, i pone e dille i e agar agar aden. Baha e kandela i lage sigi kushina pa un minut. Despeus paga e stof bruha e krema di kashupete ku e agar agar. I laga esaki fria pone den un baki den frishider.

Por kome esaki ku pan, of buskuchi.

HUMUS

E reseta aki ta pa 2 kopi di humus

Pone tur kos den un blender te ora esaki bira un krema, pone awa aden si tin mester.
Por huza  esaki pa dip of pa spread

 

BALCHI DI PAPA QUAKER

E reseta aki ta pa 4 burger

Korta e sibojo i kushina esaki ku 1 kuchara di awa den un panchi. Den un otro panchi pone e awa i e sojasous, e spesereinan i e pureé di tomati. Laga esaki kushina.  Pone e walnoten nan mula, simija di zonnebloem, e sibojonan kushina i e gistvlokken huntu i laga nan kushina. Pone delaster e papa quaker i e hariña huntu i bruha tur kos huntu. Paga e kandela i laga e meskla para pa 10 minut.
Pone bakpapier riba un plancha. Traha e burgernan ku e meskla. Zorg di primi e meskla bon kontra di otro. Kenta e fornu prome na 180⁰C, pa 15 minut. Bira e burgennan i laga nan pa 15 minut mas te ora nan bira bruin.

SOPI DI LENTEGA

Laba e bonchi, skore e awa. Tapa e bonchi ku sufisiente awa, herebe ku e konoflo i blachi laurel. Ora ku e bonchi ta kasi moli ta agregá e pampuna, wòrtel, buyon, suku, si mester di mas awa por agregá esaki pa e keda manera un sòpi.

Hasa e siboyo i promenton den un tiki zeta. Basha esaki den e bonchi, Ora bonchi, pampuna i wòrtel ta moli por agregá e silantro, brué den e bonchi, paga e stof, lagu’e wea tapá pa e silantro kaba di duna su smak.