Les di sabbatskol kuartaal 4, aña 2023, Titula: Dios Su Mishon Mi Mishon

Les 10: MISHON NA ESNAN NO ALKANSÁ: PARTI 1

MISHON NA ESNAN NO ALKANSÁ: PARTI 1

Lesa pa e siman aki:

Echonan 17; 1 Kor. 2:2; Rom. 1:18-25.

TEKSTO PRINSIPAL:

" 'Dios ku a krea universo i tur loke e ta kontené, e Señor di shelu i tera, no ta biba den tèmpel trahá pa man di hende' " (Echonan 17:24).

sabbat, 02-12-2023

Deskribiendo loke Pablo a hasi na Atena, Lukas a skirbi: "P'esei e tabata papia den snoa ku e hudiunan i e no hudiunan ku tabata adorá Dios, i riba Agora, e plasa públiko, e tabata papia tur dia ku e hendenan ku tabata pasa eibanda" (Echonan 17:17).

Naturalmente, Pablo lo tabata mas konfortabel trahando meimei di e hudiunan, su mes karni i sanger. Pero Pablo a nenga di ta satisfecho ku traha meimei di solamente su mes hendenan. A yam'é pa alkansá otronan tambe. Of Pablo por a traha ku solamente e paganonan "ku tabata teme Dios", ku nan kosmovishon ya a sufri un kambio sustansial. Nan tabatin un fundeshi bíbliko ku Pablo por a traha riba dje, asta si ainda nan mester a konosé e Dios kende nan "tabata teme" -Hesus e Mesias.

Pero, nò. Miéntras e tabata na Atena, un stat famoso pa su filosofia, Pablo a trata na alkansá e hendenan aya tambe. Hopi di esakinan tabatin un pasado i kosmovishon radikalmente diferente for di esun di e hebreonan i nan historia sagrado, ku tabata forma e fundeshi di e fe ku Pablo ker a siña e hendenan di Atena.

Kon Pablo a hasi pa trata na alkansá e hendenan akí, i kiko nos por siña for di su intentonan?

106