Les di sabbatskol kuartaal 1, aña 2022, Titula: Den E Ultimo Dianan Aki: E Mensahe di Hebreo

Les 1: E Karta na e Hebreonan i na Nos

Malestar

Lesa pa e siman aki:

Heb. 2:3, 4; 1 Ped. 4:14,16; Heb. 13:1-9, 13; 1 Reinan 19:1-18; Heb. 3:12-14; Numbernan 13.

TEKSTO PRINSIPAL:

"Pasobra boso tin mester di perseveransia, pa ora boso a hasi e boluntat di Dios, boso risibí loke a wòrdu primintí" (Hebreo 10:36, Beibel Santu).

djamars, 28-12-2021

E lesadónan di Hebreo tabata eksitoso den mantené nan fe i kompromiso na Kristu, apesar di rechaso i persekushon. E konflikto sinembargo, a trese problema a largo plaso. Nan a bringa e bon bataya i a salí viktorioso pero tambe kansá.

Lesa Hebreo 2:18; Hebreo 3:12, 13; Hebreo 4:15; Hebreo 10:25; Hebreo 12:3, 12, 13; i Hebreo 13:1- 9, 13. Kiko tabata algun di e desafionan ku e kreyentenan tabata enfrentá?

Hebreoan ta konta nos ku e lesadónan a sigui eksperensiá difikultatnan. Atake verbal i probablemente otro tipo di atakenan kontra di nan honor a sigui (Heb. 13:13). Algun kreyentenan tabata ainda den prizón (Heb. 13:3)-algu ku kisas a kaba ku e iglesia finansieramente i sikologikamente. Nan tabata kansá (Heb. 12:12, 13) i fasilmente por a " pèrdè ánimo" (Heb. 12:3, , Beibel Santu). Ta usual entre personanan i komunidatnan ku despues ku e emoshon di vikto­ ria pasa, defensanan sikológiko i otro tiponan di defensa ta baha, i nan ta bira mas vulnerabel na e kontra atake di nan enemigunan. E forsa ku un persona òf komunidat a mobilisá pa enfrentá un menasa pendiente ta mas difísil pa akumulá un di dos bia.

Lesa 1 Reinan 19:1-4. Kiko a pasa ku Ellas?

"Pero un reakshon manera esun ku frekuentemente ta sigui e fe haltu i e éksito glorioso tabata preshoná riba Elias. E tabata teme ku e reformashon ku a kuminsá na Karmelo lo no tabata duradero; i depreshon a tuma kòntròl di dje. El a keda eksaltá na e tòp di Pisgah; awor e tabata den e vaye. Mientras e tabata bou di inspirashon di e Todopoderoso, el a pasa den e prueba di mas severo di fe; pero den e tempu di deskurashamentu akí, ku e menasa di Jezabel zonando den su oreanan, i Satanas aparentemente ketubai prevalesiendo pa medio di e konspirashonnan di e muhé malbado akí, el a stòp di gara na Dios. El a wòrdu eksaltá sin límite, i e reakshon tabata tremendo. Lubidando Dios, Elias a hui bes tras bes, te ora ku el a haña su mes den un desperdisio spantoso, su so."-Ellen G. White, Prophets and Kings, pp.161 , 162.

'Pensa riba e momentonan kaminda bo a faya den bo bida kristian i purba na komprondé e sirkunstansianan i faktornan ku a kontribuí na e kaída. Kiko bo por a hasi diferente?

8