Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 10: Hesus ta Habri e Kaminda pa Medio di e Velo

Hesus ta Habri e Kaminda pa Medio di e Velo

Lesa pa e siman aki:

Heb. 9:24; Eks. 19:3, 4; Heb. 12:18-21; Lev. 16:1, 2; Heb. 10:19-22; Kol. 3:1.

TEKSTO PRINSIPAL:

"Pasobra Cristo no a drenta den un lugá santo trahá ku man, djis un kopia di' esun berdadero, ma den shelu mes, awor pa paresé den' e presensia di Dios pa nos" (Hebreo 9:24, Beibel Santu).

sabbat, 26-02-2022

Ora ku e disipelnan a bolbe for di e Seru di Oleifi, net despues ku Hesus a subí bai shelu, nan wòrdu yená ku goso i triunfo. Nan Maestro i Amigu a subi bai na e poseshon di poder riba e mundu i a invitánan pa hala serka Dios den Su nòmber ku e konfiansa apsoluto ku Dios lo respondé faborablemente na nan orashonnan (Huan 14:13, 14). Aunke ku nan a sigui den e mundu, ataká pa e forsanan di maldat, nan speransa tabata fuerte. Nan tabata sa ku Hesus a subi pa prepará un lugá pa nan (Huan 14:1-3). Nan tabata sa ku Hesus tabata e Kapitan di nan salbashon, i ku El a habri un kaminda den shelu pa medio di Su sanger.

E asenshon di Hesus na shelu ta sentral pa e teología di Hebreo. E ta marka e komienso di Hesus Su gobernashon i e komienso di su ministerio di Sumosaserdote na nos fabor. Finalmente, i mas importante, Hesus Su asenshon ta marka e momento ku e aliansa nobo, ku ta proveé e medionan pa medio di kua nos por aserká Dios ku kurashi pa medio di fe, a wòrdu inougurá. Ta nos privilegio awor pa aserka Dios ku konfiansa pa medio di Hesus i e méritonan di Su hustisia.

Studia e lès di e siman akí pa prepará pa Sabat, 5 di mart.

113