les di Sabbatskol
otro idioma
Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo
Les 10: Hesus ta Habri e Kaminda pa Medio di e Velo
Mas Estudio:
Lesa pa e siman aki:
Heb. 9:24; Eks. 19:3, 4; Heb. 12:18-21; Lev. 16:1, 2; Heb. 10:19-22; Kol. 3:1.
TEKSTO PRINSIPAL:
"Pasobra Cristo no a drenta den un lugá santo trahá ku man, djis un kopia di' esun berdadero, ma den shelu mes, awor pa paresé den' e presensia di Dios pa nos" (Hebreo 9:24, Beibel Santu).
djabierne, 04-03-2022
"Kristu su asenshon na shelu tabata un siñal ku Su siguidornan lo risibí e bendishon primintí. Pa esaki nan mester a warda promé ku nan drenta den nan trabou. Ora ku Kristu a pasa den e portanan selestial, El a wòrdu entroná meimei di e adorashon di e angelnan. Asina ku e seremonia akí a finalisá, e Spiritu Santu a baha riba e disipelnan den gran forma, i Kristu realmente a wórdu glorifiká, asta ku e gloria ku E tabatin ku e Tata pa tur etemidat. E derame pentekostal tabata shelu su komunikashon ku e inougurashon di e Redentor a wòrdu kumplí. Segun Su promesa El a manda e Spiritu Santu for di shelu pa Su siguidornan komo un muestra ku El a, komo saserdote i rei, risibí tur outoridat den shelu i riba tera, i tabata Esun Ungí riba Su pueblo....
"Nan por a bisa e nòmber di Hesus ku siguransa; pasobra E no tabata nan Amigu i Ruman Mayó? Tresí den komunion será ku Kristu, nan a sinta kunE den e lugánan selestial. Ku lenguahe bunita nan tabata bisti nan ideanan mientras nan tabata fungi komo testigu p'E!"-Ellen G. White, The Acts òf the Apostles,pp. 38, 46.
Preguntanan pa Diskushon:
1. E salmista a bisa: "Mi alma tin set di Dios, di e Dios bibu; ki dia lo mi bin i presentá dilanti di Dios?" (Sal 42:2, , Beibel Santu). Kon nos por tin e mesun set pa bini den e presensia di Dios? Si nos no regosihá awor den e presensia di Dios mientras nos ta ador' E i ta presentá Su dilanti den fe, nos lo regosihá den futuro? Kua ta e faktornan ku ta hiba na goso dilanti di Dios?
2. Den un buki ku ta hasi bòfón di fe, un hende a krea un robot ku supuestamente ta kere pa nos. aunke esaki tabata un mòfa, kon nos por tene kuidou pa nos no hasi manera Israel a hasi den e desierto, kual ta pa pidi intermediario entre nos i Dios? Nos tin tendensia di permití otro hende studia Beibel pa nos i haña e goyanan di bèrdat den Beibel. Algun hende por sinti tentá pa pensa ku e orashonnan di otronan na nan fabor tin mas peso dilanti di Dios ku nan propio orashonnan. Di kon nos mester evitá e trampa spiritual akí? Di kon, pa motibu di Hesus, nos por aserká Dios sin e nesesidat di niun otro hende?
3. Hebreo ta tokante di siguransa di salbashon. Kon anto nos mester tene kuidou pa no brua presumshon pa siguransa?
119