Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 10: Hesus ta Habri e Kaminda pa Medio di e Velo

Hesus Dilanti di e Tata

Lesa pa e siman aki:

Heb. 9:24; Eks. 19:3, 4; Heb. 12:18-21; Lev. 16:1, 2; Heb. 10:19-22; Kol. 3:1.

TEKSTO PRINSIPAL:

"Pasobra Cristo no a drenta den un lugá santo trahá ku man, djis un kopia di' esun berdadero, ma den shelu mes, awor pa paresé den' e presensia di Dios pa nos" (Hebreo 9:24, Beibel Santu).

djadumingu, 27-02-2022

Lesa Hebreo 9:24. Segun e porshón akí, kua tabata e propósito di Hesus su asenshon pa shelu?

Dios a instruí Israel bisando ku nan hende hòmbernan mester bai tres bia kada aña na Herusalem pa "presentá dilanti di Señor" ku un òfrenda. E tempunan stipulá tabata e fiesta di Pasku (Pan Sin Zürdeg), e Fiesta di Simannan (Pentekostes), i e Fiesta di Tabernakelnan (Eks. 23:14-17, , Deut. 16:16). Pasku tabata pa selebrá Israel su liberashon for di Egipto. Pentekostes tabata pa selebrá kosecha di puspas i, den tempu di Tèstamènt Nobo, e tabata wòrdu asosiá ku e dunamentu di e leí na Sinai. E Fiesta di Tabernakelnan tabata pa selebrá Dios Su kuido pa Israel durante di nan estadía den desierto.

Hebreo 9:24 ta deskribí Hesus Su asenshon den e presensia di e Tata. El a yega na e santuario selestial, "esun berdadero," pa E por "paresé" den e presensia di Dios ku un mihó sakrifisio (Heb. 9:23, 24, , Beibel Santu) Su propio sanger.

Hesus a kumpli ku e fiesta di peligrinahe ku eksaktitut asombroso. El a muri riba e dÍa di preparashon di e Pasku na e di nuebe ora, e momento den kua e lamchinan di Pasku tabata wòrdu sakrifiká (Huan 19:14, , Mat. 27:45-50). Hesus a resusitá riba e di tres dia i a subí bai den shelu pa risibí siguransa ku Su sakrifisio a wòrdu aseptá (Huan 20:17, 1 Kor. 15:20), ora ku e saserdote mester a zoya e bohí di puspas hechu komo e promé frutanan (Lev. 23:10-12). Despues, El a asendé 40 dia despues pa sinta na e man drechi di Dios i inougurá e aliansa nobo riba e Día di Pentekostes (Echonan 1, 2).

E proposito di peligrinahe den Israel antiguo tabata pa "mira kara di Dios" (Sal. 42:2, , BPK). Esaki tabata nifiká eksperensiá e fabor di Dios (Sal. 17:15). Similarmente, e ekspreshon hebreo di "buska e kara di Dios" tabata nifiká pidi Dios yudansa (2 Kron. 7:14, , Sal. '27:8, Sal. 105:4). Esaki ta e sentido, den Hebreo, di Hesus Su asenshon. Hesus a asendé na shelu tambe komo Esun ku ta bai nos dilanti den e presensia di Dios (Heb. 6:19, 20). El a hasi e promesa pa e kreyentenan ku ta biaha "buskando un pais di nan mes," deseando "un mihó país" anhelando na "e stat...di kual Dios ta arkitekto i konstruktor" (Heb. 11: 10, 13-16, , Beibel Santu).

Atrobe, di kon e realidat di loke Kristu a hasi, no solamente na e krus pero loke E ta hasiendo awor akí den shelu, mester duna nos e siguransa di salbasbon?

114