Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 10: Hesus ta Habri e Kaminda pa Medio di e Velo

Dios Su Invitashon

Lesa pa e siman aki:

Heb. 9:24; Eks. 19:3, 4; Heb. 12:18-21; Lev. 16:1, 2; Heb. 10:19-22; Kol. 3:1.

TEKSTO PRINSIPAL:

"Pasobra Cristo no a drenta den un lugá santo trahá ku man, djis un kopia di' esun berdadero, ma den shelu mes, awor pa paresé den' e presensia di Dios pa nos" (Hebreo 9:24, Beibel Santu).

djaluna, 28-02-2022

Lesa Hebreo 12:18-21. Kua tabata e eksperensia di Israel na Seru di Sinai?

Ora ku Dios a yama Israel for di Egipto, Su plan tabata pa krea un relashon personal i íntimo ku nan. El a bisa, "Boso mes a mira kiko Mi a hasi ku e egipsionan, i kon Mi a karga boso riba hala di águila hiba boso serka Mi"(Eks. 19:3, 4, , Beibel Santu).

Pües, pa medio di Moisés Dios a duna e instrukshonnan nesesario pa prepará e pueblo pa topa kunE. E hendenan mester a konsagrá nan mes promé (Eks. 19:10-15). Esnan ku tabata subi sin preparashon lo a muri. Sinembargo, unabes e hendenan a prepará nan mes pa dos dia, e ora ei" 'ora nan supla kachu di karné chubatu ku un zonidu largu' "riba e di tres dia, Dios a instruí pa e pueblo" 'mag subi e seru' " (Eks . 19:13, Beibel Santu). E tabata ke pa nan tin e eksperensia ku Moisés i e lidernan di e pueblo lo tabatin ora ku nan subi riba e seru i "nan a mira Dios, i nan a kome i bebe"den Su presensia (Éks. 24:9-11, , Beibel Santu). E pueblo a rekonosé despues ku nan a mira Dios Su gloria i ku tabata posibel pa Dios papia" ' "ku hende, i tòg e ta keda na bida"' "(Deut. 5:24, , Beibel Santu). Pero, ora e momento a yega, nan a karesé fe. Moisés a splika añanan despues: " ' boso tabatin miedu pa motibu di e kandela i boso no a subi bai riba e seru'"(Deut. 5:5, , Beibel Santu). Na lugá di esei, nan a pidi Moisés pa bira nan intermediario (Deut. 5:25-27, , kompará ku Eks. 20:18-21).

Dios Su manifestashon di Su santidat na Seru di Sinai tabata pa siña e hendenan pa "teme,"òf respet'E. E "temor di Señor" ta hiba na bida, sabiduría, i honor (Peut. 5:25-27, , Deut. 4: 10; kompará ku Sal. 111:10, , Prov. 1: 7, , Prov. 9:10, , Prov. 10:27) i tambe siña ku E ta misèrikordioso i yen di grasia (Eks. 34:4--8 ). Pues, mientras Dios tabata ke pa Israel bini serka djE, e pueblo a haña miedu i a pidi Moisés pa bira nan intermediario. E deskripshon di e eventonan na Sinai den Hebreo ta sigui primordialmente Moisés su rekòrdatorio na e hendenan di nan falta di fe i nan apostasía ku e bisé di oro, i kon e tabatin miedu di topa ku Dios pa motibu di nan piká (Deut. 9:19). E pueblo su reakshon no tabata Dios Su plan pa nan; na lugá di esei, e tabata e resultado di nan falta di fe.

Pa motibu di Hesus, di kon nos no mester tin miedu di hala serka di un Dios santu? Sinembargo, kiko ta e kondishonnan pa nos por hala serka?

115