Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 10: Hesus ta Habri e Kaminda pa Medio di e Velo

E Nesesidat di un Velo

Lesa pa e siman aki:

Heb. 9:24; Eks. 19:3, 4; Heb. 12:18-21; Lev. 16:1, 2; Heb. 10:19-22; Kol. 3:1.

TEKSTO PRINSIPAL:

"Pasobra Cristo no a drenta den un lugá santo trahá ku man, djis un kopia di' esun berdadero, ma den shelu mes, awor pa paresé den' e presensia di Dios pa nos" (Hebreo 9:24, Beibel Santu).

djamars, 01-03-2022

Velonan tin dobel funshon. E término ku Hebreo ta usa pa velo (katepetasma) por referí na e skèrm di e korte (Eks. 38:18), e skèrm na e entrada di e kamber mas pafó di e santuario (Eks. 36:37), òf e velo parti paden ku ta separá e Lugá Santu for di e Lugá Santísimo (Eks. 26:31-35). E velonan akí tabata tantu entradanan i límitenan ku solamente algun hende por a krusa.

Lesa Levitiko 16:1, 2 i Levitiko 10:1-3. Ki atvertensia nos tin den e porshónnan akí?

E velo tabatá un protekshon pa e saserdotenan mientras nan tabata ministrá dilanti di un Dios santu. Despues di e piká di e bisé di oro, Dios a bisa Moisés ku E lo no kompañá nan riba e kaminda pa e Tera Primintí amenos ku E kaba ku nan pasobra nan tabata un " 'pueblo kabesura' "(Eks. 33:3, , Beibel Santu). Pues, Moisés a kita e tènt di reunion i a lant' é leu, pafó di e kampamentu (Eks. 33:7). Sinembargo, despues ku Moisés a intersedé, Dios a bai di akuerdo pa bai meimei di nan (Eks. 33:12-20), pero El a stablesé varios midí pa protehá e pueblo mientras E tabata keda meimei di nan.

Por ehèmpel, Israel tabata kampa den un órden estrikto ku tabata krea un kuadrángulo bashí na e partí meimei kaminda e tabernakel tabata. Adishonalmente, e Levitanan tabata kampa rondó di e tabernakel pa por prótehá e santuario i su mobilario abuso di stranheronan (Num. 1:51, , Num. 3:10). De echo, nan tabata un tipo di velo humano pa protehá e pueblo di Israel: " 'Ma e, levitanan mester kampa rònt di e tabernakel di testimonio, pa no tin furia riba e kongregashon di e yunan di Israel. Asina e levitanan mester keda enkargá ku e tabernakel di testimonio' " (Num. 1:53, , Beibel Santu).

Hesus, komo nos Saserdote, tambe tabata nos velo. Pa medio di Su enkarnashon, Dios a lanta Su tènt meimei di nos i a hasi posibel pa nos por kontemplá Su gloria (Huan 1:14-18). El a hasi posibel pa un Dios santu por biba meimei di un pueblo imperfekto.

Pensa tokante di kiko tabata nifiká pa e Kreador Dios, Esnun ku a traha e universo, por biba meimei di Su pueblo, kende na e momento ei tabata un nashon di katibunan ku a skapa. Kiko esei ta siña nos tokante di kon serka Dios por ta di nos?

116