les di Sabbatskol
otro idioma
Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo
Les 10: Hesus ta Habri e Kaminda pa Medio di e Velo
E Kaminda Nobo i Bibu Pa Medio Di e Velo
Lesa pa e siman aki:
Heb. 9:24; Eks. 19:3, 4; Heb. 12:18-21; Lev. 16:1, 2; Heb. 10:19-22; Kol. 3:1.
TEKSTO PRINSIPAL:
"Pasobra Cristo no a drenta den un lugá santo trahá ku man, djis un kopia di' esun berdadero, ma den shelu mes, awor pa paresé den' e presensia di Dios pa nos" (Hebreo 9:24, Beibel Santu).
djarason, 02-03-2022
Lesa Hebreo 10:19-22. Kua invitashon nos tin den e porshón akí?
E buki di Hebreo ta bisa ku Hesus a drenta den e santuario selestial i ta invitá nos pa sigui Su guiansa. E pensamentu akí ta den akuerdo ku e konsepshon introdusí promé ku Hesus ta e "kapitan"i Esun ku ta bai dilanti di e kreyentenan (Heb. 2:10; Heb. 6:19, 20; Heb. 12:2). E "kaminda nobo i bibu" ta e aliansa nobo ku Hesus a inougurá ku Su sakrifisio i asenshon. E ekspreshon "nobo i bibu'i ta kontradesí e deskripshon di e aliansa bieu komo "antikuá i bieu" (Heb. 8:13, , Beibel Santu). Ta e pakto nobo 1 ku a proveé pordon di piká i a pone e leí den nos kurason, ta hasi posibel pa nos por aserká Dios ku konfiansa, no pa motibu di nos mes òf nada di loke nos a hasi, pero solamente pa motibu di loke Hesus a hasi pa nos dor di kumpli ku tur e obligashonnan di e aliansa.
Hebreo ta mustra ku e inougurashon di e aliansa bieu tabata enserá e inougurashon di e santuario i e konsagrashon di e saserdotenan (Heb. 9:18-21; kompará ku Éksodo 40; Levitiko 8, 9). E propósito di e aliansa tabata pa krea un relashon íntimo entre Dios i Su pueblo (Eks. 19:4-6). Ora ku Israel a aseptá e relashon akí, inmediatamente Dios a ordená pa e santuario por wòrdu konstruí pa E por biba meimei di nan. E inougurashon di e·santuario i Dios Su presensia meimei di Su pueblo tabata e momento ora ku e aliansa entre Dios i Israel a wòrdu kumplí. Meskos ta bèrdat pa loke ta trata e aliansa nobo. E aliansa nobo tambe ta enserá e inougurashon di Hesus Su ministerio saserdotal na nos fabor (Heb. 5:1-10, , Heb. 7:1-8:13).
Hesus Su asenshon dilanti di Dios a inougura un era nobo pa e pueblo di Dios. Zakarias 3 ta menshoná ku Satanas tabata den e presensia di Dios pa akusá Dios Su pueblo, kende tabata wòrdu representá pa e sumosaserdote Hosué. E akusadó akí ta esun tambe ku a lanta preguntanan tokante di Job su lealdat na Dios (Job 1, 2). Sinembargo, ku e sakrifisio di Hesus, Satanas a wòrdu saká for di shelu (Rev. 12:7-12, , kompará ku Huan 12:31, , Huan 16:11 ). Awor ta Hesus ta intersedé pa nos i pa medio di Su sakrifisio i fieldat ta reklamá salbashon pa nos!
Kua akusashon Satanas por hasi kontr'i bo dilanti di Dios si e haña permit pa hasi esaki? Aunke e ta un gañadó, kuantu lo e tin ku gaña pa buska bo kondena? Kiko ta bo úniko speransa?
117