Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 10: Hesus ta Habri e Kaminda pa Medio di e Velo

Nan Lo Mira Su Kara

Lesa pa e siman aki:

Heb. 9:24; Eks. 19:3, 4; Heb. 12:18-21; Lev. 16:1, 2; Heb. 10:19-22; Kol. 3:1.

TEKSTO PRINSIPAL:

"Pasobra Cristo no a drenta den un lugá santo trahá ku man, djis un kopia di' esun berdadero, ma den shelu mes, awor pa paresé den' e presensia di Dios pa nos" (Hebreo 9:24, Beibel Santu).

djaweps, 03-03-2022

Lesa Hebreo 12:22-24. Den ki sentido nos a yega na e Herusalem selestial den e presensia di Dios?

Ta wòrdu bisá ku kreyentenan "a bini" na Seru Sion, e Herusalem selestial, pa medio di fe. Den e sentido akí, nan eksperensia ta antisipá e futuro. Pues, e Herusalem-selestial ta pertenesé na e reino di kosnan "ku hende ta spera"i "no ta mira" pero sinembargo sigurá na nos pa medio di fe (Heb. 11:1).

Mientras esaki ta bèrdat, e no ta e nifikashon kompleto di e porshón akí. Nos tambe a yega na e Seru di Sion, den e presensia di Dios, pa medio di nos representante Hesus (Efe. 2:5, 6; Kol. 3:1). Hesus Su asenshon no ta un kuestion di fe, pero un echo. Ta e dimenshon históriko akí di Hesus Su asenshon ta proveé forsa konvinsiente na e eksortashon di Hebreo pa tene duru na nos konfeshon (Heb. 4:14, , Heb. 10:23). Pablo ta bisa: "Komo ku nos tin anto un gran Sumosaserdote, Kende a pasa dor di e shelunan,..laga nos aserká...ku konfiansa" (Heb. 4:14, 16, , Beibel Santu).

Pues, ya nos a yega pa medio di nos representante i, p' esei, nos mester aktua di e manera ei. Pa medio di djE, nos "a purba e don selestial... i ku a purba e bon palabra di Dios i e podernan di e siglo ku ta bin" (Heb. 6:4, 5, , Beibel Santu). E realidat di Hesus Su asenshon i ministerio den e santuario selestial ta "un anker di e alma, un speransa sigur i firme" (Heb. 6:19, , Beibel Santu), e garantía ku e promesanan tin sustansha i ta digno di konfiansa (Heb. 7:22). Pa nos, fe tin un anker históriko.

Sinembargo, Dios Su propósito lo wòrdu kumpli no solamente den Hesus pero den nos tambe. Nos a bisa ku Hesus Su asenshon a kumpli ku e tipología di e promé dos peligrinahenan annual di Israel, Pasku i Pentekostes. Segun Hebreo i e buki di Revelashon, e último peligrinahe, e Fiesta di Puspas, ainda tin ku keda kumplí. Nos lo selebr'é ku Hesus, ora ku nos ta den e "stat...di kual Dios ta e arkitekto i konstruktor," den e país selestiaI (Heb. 11:10 [Beibel Santu}, 13-16). Nos lo no konstruí tabernakelnan, pero Dios Su tabernakel; òf tènt, lo baha for di shelu, i nos lo biba kunE pa semper (Rev. 7:15-17; Rev. 21:1-4; Rev. 22:1-5; Num. 6:24-26).

Kon nos por siña pa hasi e promesa di bida eterno real pa nos awendia, meimei di un mundu asina yen di doló i sufrimentu ki kontesta bo por duna na esnan ku ta bisa ku esaki tur ta djis un fantasía pa yuda nos sinti mihó tokante di nos bida presente?

118