les di Sabbatskol
otro idioma
Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo
Les 11: Hesus, Outor i Kumplidó di Nos Fe
Hesus, e Outor i Kumplidó di Nos Fe
Lesa pa e siman aki:
Heb.10:35-39, , Rom.1:17, ' Hebreo11, Hosue 2:9-11, , Heb. 12:1-3.
TEKSTO PRINSIPAL:
"Fihando nos wowo riba Jesus, e outor i kumplidó di fe, Kende pa motibu di e goso poní Su dilanti, a soportá e sufrimentu di krus, sin hasi kaso di berguensa, i a sinta na man drechi di e trono di Dios" (Hebreo 12:2,''Beibel Santu).
djaweps, 10-03-2022
Lesa Hebreo 12:1-3. Kiko e versíkulonan akí ta pidi nos pa hasi?
E klímaks di e eksposishon riba fe realmente ta yega ku Hesus den Hebreo 12. Pablo ta kuminsá e karta ku Hesus, Kende ta "Esun ku ta pa bin"i ku "lo no tarda" (Heb. 10:37, , Beibel Santu), i Pablo ta konkluí esaki ku Hesus komo e "kumplidó" di nos fe. (Heb. 12:2, , Beibel Santu). Hesus ta e "outor i kumplidó di fe" (Beibel Santu). Esaki ta nifiká ku Hesus ta Esun ku ta hasi fe posibel I ta e ehèmpel ku ta personifiká loke un bida di fe ta enserá perfektamente. Ku Hesus, fe a yega su perfekto ekspreshon.
Hesus ta e "fundadó" (òf "outor," òf "pionero") di nos fe den e último tres sentidonan.
Na promé lugá, E ta e úniko ku a finalisá e kareda den su sentido kompleto. E otronan ku ta wòrdu menshoná den e promé kapítulonan no a alkansá nan meta ainda (Heb. 11:39, 40). Sinembargo, Hesus a drenta den Dios Su sosiego den shelu i ta sintá na e Tata su man drechi, nos, huntu ku e otronan akí, lo reina huntu ku Hesus den futuro (Rev. 20:4).
Na di dos lugá, bon mira, ta Hesus Su bida perfekto a hasié posibel pa e otronan akí por kore nan kareda (Heb. 10:5-14). Si Hesus lo no a bini, e kareda di tur otro hende lo tabata fútil.
Finalmente, Hesus ta e motibu pa kiko nos tin fe. Manera unu ku Dios, El a ekspresá e fieldat di Dios na nos. Dios nunka a pone Su esfuerso pa salba nos un banda, i ta p'esei nos lo yega na e rekompensa finalmente si nos no entregá. Hesus a kore ku pasenshi i a permanesé fiel, asta ora ku nos no tabatin fe (2 Tim. 2:13). Nos fe ta simplemente un kontesta na Su fieldat.
Finalmente, Hesus ta e "kumplidó" di fe pasobra E ta e ehèmpel perfekto di kon mester kore e kareda di fe. Kon El a kore? El a pone kada karga un banda entregando tur kos pa nos (Fil. 2:5--8 ). Nunka El a peka, hamas. Hesus a tene Su bista firme riba e rekompensa, kual tabata e goso poní Su dilanti, di mira e rasa humano redemí pa medio di Su grasia. Pues, El a soportá mal komprondementu i habuzu; El a wak e bergwensa di e krus (Heb. 12:2, 3 ).
Awor ta nos burt pa kore. Maske nunka nos por alkansá loke Hesus a alkansá den nos propio forsa, nos tin Su ehèmpel perfekto nos dilanti, i pues pa medio di fe den djE, i manteniendo nos bista riba djE (manera esnan promé ku nos a hasi), nos ta sigui padilanti den fe, konfiando den Su promesanan di gran rekompensa.
130