Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 11: Hesus, Outor i Kumplidó di Nos Fe

Moisés: Kere den loke ta Invisibel

Lesa pa e siman aki:

Heb.10:35-39, , Rom.1:17, ' Hebreo11, Hosue 2:9-11, , Heb. 12:1-3.

TEKSTO PRINSIPAL:

"Fihando nos wowo riba Jesus, e outor i kumplidó di fe, Kende pa motibu di e goso poní Su dilanti, a soportá e sufrimentu di krus, sin hasi kaso di berguensa, i a sinta na man drechi di e trono di Dios" (Hebreo 12:2,''Beibel Santu).

djamars, 08-03-2022

Lesa Hebreo 11:20-28. Kiko e hòmbernan di fe akí a hasi? Kon nan akshonnan ta relashoná ku e speransa i ku e kosnan invisibel?

Moisés ta e di dos ehèmpel grandi den e kapítulo di fe akí. E bida di Moisés ta wòrdu introdusí i konkluí pa dos akto di rebeldiá na e rei. Su mayornan a skonde Moisés ora ku el a nanse, pasobra "nan no a tene miedu di e dekreto di rei"(Heb. 11:23, , Beibel Santu), i Moisés a bai for di Egipto, "sin tene miedu di e furia di rei"(Heb. 11:27, , Beibel Santu). Sinembargo, e akto di mas signifikante di Moisés tabata ku el "a nenga di wòrdu yamá yu di Farao su yu muhé" (Heb. 11:24). E referensia na Moisés su mama adoptive komo "Fárao su yu muhé" ta bisa ku e tabata e siguiente kandidato pa bira Fárao. Sinembargo, Moisés tabata dispuesto pa laga e prospekto di bira un gobernante di e nashon di mas poderoso e tempu ei un banda i pa, na lugá di esei, bira e lider di katibunan-refugiadonan ku a kaba di wòrdu librá.

Kompará Hebreo 11:24-27 i Hebreo 10:32-35. Kiko tabata e similaridatnan entre e situashon di e risipientenan original di Hebreo i e eksperensia di Moisés?

E grandesa di Moisés tabata ku e por a mira mas ayá di e promesanan di e rei di Egipto i a anhelá na loke ta invisibel, kual ta, e promesanan di Dios. Hebreo ta bisa ku e klave tabata ku Moisés su bista tabata fihá riba "e rekompensa," no riba e rikesanan di Egipto. E rekompensa akí ta e mesun rekompensa menshoná den Hebreo 10:35; kual Dios a primintí na tur ku kere den djE.

Pablo su palabranan tokante di Moisés su desishon lo mester a resoná poderosamente den, e kurasonnan di su lesadónan original. Nan a bin ta soportá reprochenan i insultonan pa motibu di nan fe den Kristu. Tambe nan a wòrdu aflihí i a pèrde nan pertinensianan (Heb. 10:32--34 ). Algun tabata den prizón (Heb. 13:3). Den paralelo, Moisés a skohe pa wòrdu maltratá ku e pueblo di Dios, kambiando e rikesa di Egipto pa karga e insultonan asosiá ku Kristu pasobra el a kere ku e rekompensa di Kristu tabata mas grandi ku kualkier kos ku Egipto por a ofresé.

Kiko ta algun lucha ku bo a enfrentá pa motibu di bo fe? Kiko bo mester a entregá pa esaki? Di kon, finalmente, e rekompensa ta bale la pena, asta si bo no por mir'é awor akí?

128