les di Sabbatskol
otro idioma
Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo
Les 12: Risibiendo un Reino Ku No Por wòrdu Sakudí
Risibiendo un Reino Ku No Por wòrdu Sakudí
Lesa pa e siman aki:
Heb. 12:18-29; Eks. 32:32; Dan. 7:9, 10, 13-22; Hag. 2:6-9, 20-22; Sal. 15:5; Sal. 16:8; Heb. 13:15,16.
TEKSTO PRINSIPAL:
"Pesei, komo ku nos ta risibí un reino ku no por wòrdu sakudí, laga nos mustra gratitut, pa medio di kual nos por ofresé na Dios un sirbishi aseptabel ku reverensia i temor"(Hebreo 12:28, Beibel Santu).
sabbat, 12-03-2022
Hebreo 12:18-29, , e porshón pa e siman akí, ta e klímaks di e karta, i e ta resumí su preukupashon prinsipal dor di ripití e pensamentu ku kua el a kuminsá: Dios a papia na nos den e persona di Su Yu, i nos mester pone atenshon kuidadoso (Heb. 1:1, 2; Heb. 12:25) na djE. E deskripshon di Hesus den Hebreo 12:22-24 ta personifiká e karta su afirmashonnan tokante di djE: Hesus ta e Mediadó di e promé aliansa, i Su sanger ta proveé salbasnon pa kreyentenan. Su ministerio saserdotal i real na nos fabor ta un kousa pa selebrashon pa e korte selestial. I finalmente, Hebreo 12:25-29 ta kontené e eksortashon último i klimátiko: Dios Su huisio ta biniendo. E lo trese destrukshon pa Su enemigunan, pero vindikashon i un reino pa Su pueblo (Heb. 12:28, 29).
E final ta reafirmá e 'importansia di Hesus Su logronan na e krus i ta dirigí kreyentenan ná e konsumashon di Hesus Su viktoria. Pablo a usa imagennan for di Daniel 7 pa rekordá e lesadónan ku Hesus a risibí un reino for di Dios, e Hues (Dan. 7:9-14), i ta bai kompartí Su reino ku kreyentenan, "e santunan di e Haltísimo," ku lo pose'é pa semper i semper (Dan. 7:18).
Studia e lès di e siman aki pa prepará pa Sabat, 19 di mart.
137