Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 13: Laga Amor di Ruman Kontinuá

Bai serka Hesus Pafó di e Kampamentu

Lesa pa e siman aki:

Hebreo13, Rom.12:13, , Efe. 5:3-5, 1 Ped. 5:1-4, , Heb. 2:9, , Heb. 4:16, , Gal. 2:20.

TEKSTO PRINSIPAL:

"Laga amor di ruman kontinuá" (Hebreo 13:1).

djaweps, 24-03-2022

Kompará Hebreo 13:10-14, , Marko 8:34, , Mateo 10:38, , Lukas 14:27, , i Galationan 2:20. Kiko ta nifiká pa bai serka Hesus pafó di e kampamentu?

E lugá pafó di e porta tabata esun di mas impuru di henter e kampamentu. E kadavernan di e animalnan di sakrifisio tabata wòrdu kimá einan (Lev. 4:12). Leprosonan tambe tabata wòrdu saká for di e kampamentu (Lev. 13:46) i blasfemadónan i otro kriminalnan tabata wòrdu matá einan (Lev. 24:10-16, 23; 1 Reinan 21:13; Ech 7:58 ). E reglanan akí tabata ku e pensamentu di ku Dios Su presensia tabata den e kampamentu. Kualkier kos ku tabata impuru tabata wòrdu saká pafó pasobra Dios no tabata ke mira nada "impuru" òf "indesente" den e kampamentu (Num. 5:3, , Deut. 23:14).

Hesus a sufrí na e krus pafó di Herusalem (Huan 19:17-20). Esaki ta enfatisá e bergwensa ku a wòrdu butá riba dje (Heb. 12:2). Ofisialmente el a wòrdu kondena komo unu ku a "blasfemá e Nòmber" i, p'esei, El a wòrdu repudiá pa Israel i matá pafó di e muraya (Marko 14:63, 64; wak Lev. 24:11, 16). Hesus a wòrdu saká for di e kampamentu komo un kos "bergonsoso," "impuru," òf "indesente" (Heb. 12:2). Sinembargo, Pablo ta eksortá kreyentenan pa sigui Hesus pafó di e porta, soportando e bergwensa ku E a soportá (Heb. 12:2; wak Heb. 13:13). Esaki tambe tabata e kaminda ku Moisés a sigui riba dje, kende a skohe pa soportá "e reproche di Kristu" na lugá di e tesoronan di Egipto (Heb. 11:26).

Sinembargo, paradoksalmente Hebreo ta splika ku Dios Su presensia awor ta pafó di e kampamentu. E akshon di sigui Hesus pafó di e kampamentu ta nifiká no solamente "kargando Su reproche," òf bergwensa, pero tambe "bai serka djE" (Heb. 13:13, Beibel Santu) meskos ku e israelitanan ei ku "a buska Señor" a bai "pafó di e kampamentu" den e desierto ora ku Moisés a kita Dios Su tènt for di e kampamentu despues di e kontroversia di e bisé di oro (Eks. 33:7, , Beibel Santu). E relato akí ta splika ku e rechaso di Hesus pa e no-kreyéntenan tambe tabata impliká e rechaso di Dios, manera Israel a hasi den e apostasía di e bisé di oro (Eks 32, 33). Pues, e kaminda di sufrimentu i bergwensa ta tambe e kaminda ku ta hiba na Dios.

Pablo ta invitá lesadónan pa sigui Hesus komo "e outor i kumplidó" di nan fe (Heb. 12:2), invitando nan implísitamente pa tambe konsiderá nan sufrimentunan presente komo un disiplina momentario ku lo duna "e fruta pasífiko di hustisia" (Heb. 12:11). Nan ta lagando un suidat òf kampamentu korumpí atras buskando "e suidat ku tin ku bini" Kende su arkitekto ta Dios (Heb. 13:14, , Beibel Santu; Heb. 11:10, 16).

Kiko ta nifiká pa bo sigui Hesus "pafó di e kampamentu"? kua ta e aspektonan ei di e bida di fe den Hesus ku por trese "reproche" òf "bergwensa" for di esnan rondó di bo?

154