Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 2: E Mensahe di Hebreo

E Mensahe di Hebreo

Lesa pa e siman aki:

Siman Aki: Heb. 1:5-14, , Lukas, 1:30-33, Sal. 132:1-5, , Heb. 2;14-16, Heb. 5:1-4, 1 Ped. 2:9, , Heb. 8:8-12.

TEKSTO PRINSIPAL:

"Awor e punto prinsipal di loke a wòrdu bisá ta esaki: nos tin tal Sumosaserdote, Kende a tuma Su puesto na man drechi di e trono di e Mahestat den e shelunan"(Hebreo 8:1, Beibel Santu).

sabbat, 01-01-2022

Un dokumento hudiu skirbí algun dékada despues di Hebreo, rònt di 100 despues di Kristu, ta kontené un orashon: 'Tur esaki mi a papia Bo dilanti, o Señor, pasobra bo a bisa ku ta pa nos bo a krea e mundu akí….I awor, o Señor, ata, e nashonnan akí, ku tin e reputashon di ta nada, ta dominá riba nos i ta devorá nos. Pero nos ku ta Bo pueblo, kende Bo a yama Bo primogenitor, úniko, i zeloso pa Bo, i mas stimá, a wòrdu entregá den nan mannan."- James H. Charlesworth, ed., The Old Tèstamènt Pseudepigrapha,vol 1, [New York: Hendrickson Publishers, 1983], p. 53.6. E lesadónan di Hebreo probablemente a sinti algu similar. Si nan tabatá yunan di Dios,' di kon nan tabata pasando dor di sufrimentu asina?

Pues, Pablo a skirbi Hebreo pa fortalesé e fe di e kreyentenan mei mei di nan pruebanan. El a rekòrdá nan (i nos) ku e promesanan di Dios lo wòrdu kumplí atraves di Hesus, kende ta sintá na e man drechi di e Tata, i ku pronto lo hiba nos kas. Mientrastantu, Hesus ta media e bendishonnan di Su Tata pa nos. Pues, nos mester tene duru na nos fe te na fin.

Studia e lès di e siman akí pa prepará pa Sabat, 8 di yanüari.

17