Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 2: E Mensahe di Hebreo

Mas Estudio:

Lesa pa e siman aki:

Siman Aki: Heb. 1:5-14, , Lukas, 1:30-33, Sal. 132:1-5, , Heb. 2;14-16, Heb. 5:1-4, 1 Ped. 2:9, , Heb. 8:8-12.

TEKSTO PRINSIPAL:

"Awor e punto prinsipal di loke a wòrdu bisá ta esaki: nos tin tal Sumosaserdote, Kende a tuma Su puesto na man drechi di e trono di e Mahestat den e shelunan"(Hebreo 8:1, Beibel Santu).

djabierne, 07-01-2022

Apesar di tur e bèrdatnan bon i yen di speransa den e buki di Hebreo, tambe tin un serie di atvertenshanan ku ta alkansá nan klímaks den kapítulonan 10-12:

E sekshonnan akí tin por lo menos dos elemento komún. Na promé lugá, nan tur ta kompará e generashon di desierto ku e lesadónan di Hebreo. Na di dos lugá, nan ta eksortá nos pa tin fe.

E generashon di desierto tabata esun ku a mira e poder asombroso di Dios den señalnan i maravianan den nan liberashon for di Egipto. Tambe nan a tende Dios bisa e Dies Mandamentunan for di seru di Sinai. Nan a mira e pilá di kandela anochi i e nubia protector durante di dia. Nan a kome manna, pan di shelu. Tambe nan a bebe awa ku tabata basha for di barankanan unda ku nan tabata kamper. Pero ora ku nan a yega na e frontera di e Tera Primintí, nan no tabata por a konfia Dios. Nan tabata falta fe, kual ta e kas prinsipal ku Dios ta rekerí. "I sin fe ta imposibel pa agrad'E (Heb. 11:6, , Beibel Santu).

Pablo ta bisa ku nos, meskos ku e generashon di desierto, tambe ta na e frontera di e Tera Primintí (Heb. 10:37-39). Sinembargo, nos privilegionan i responsabilidatnan ta mas grandi. Nos no a tende Dios papia na Seru di Sinai, pero nos a mira den Skritura un Revelashon mas grandi di Dios na seru di Sion: Dios den karni, Hesu-Kristu (Heb. 12:18--24 ). E pregunta ta: nos lo tin fe? E outor ta enkurashá nos pa sigui e ehèmpel di e gran lista di personahenan, ku ta kulminá ku Hesus mes.

Preguntanan pa Diskushon:
1. Nos a siña ku Hesus ta nos Kampion ku ta bai nos dilanti den e bataya kontra di maldat. Kon nos por bringa huntu, uní, manera un iglesia tras di nos Kampion? Kua ta e kosnan ku ta prevení nos pa e unidat akí tuma lugá? Kua ta maneranan ku Satanas por debilitá nos komo iglesia? Kon Satanas a debilitá Israel den pasado?

2. Komo kreyentenan, nos ta un komunidat di saserdotenan bon di e guiansa di Dios. Den ki maneranan bo iglesia local por ofresé mihó servisionan di alabansa i bon obra na Dios? Por fabor, sea spesífiko i práktiko?

3. Na ki manera nos situashon ta similar ku e situashon di e generashon di desierto net promé ku nan a krusa pa drenta den e Tera Primintí? Kua lèsnan nos por siña for di e similaridatnan?

23