Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 2: E Mensahe di Hebreo

Hesus Ta Nos Mediadó

Lesa pa e siman aki:

Siman Aki: Heb. 1:5-14, , Lukas, 1:30-33, Sal. 132:1-5, , Heb. 2;14-16, Heb. 5:1-4, 1 Ped. 2:9, , Heb. 8:8-12.

TEKSTO PRINSIPAL:

"Awor e punto prinsipal di loke a wòrdu bisá ta esaki: nos tin tal Sumosaserdote, Kende a tuma Su puesto na man drechi di e trono di e Mahestat den e shelunan"(Hebreo 8:1, Beibel Santu).

djaluna, 03-01-2022

Un konsepto interesante di e teologia di e Tèstamènt Bieu ta ku e rei primintí ku ta bini for di e desendiente di David lo representá e nashon dilanti di Dios.

Kompará Éksodo 4:22, 23 ku 2 Samuel 7:12-14; Deuteronomio 12:8-10 ku 2 Samuel 7:9-11; i Deuteronomio 12:13, 14 ku Salmo 132:1-5, 11-14. Kua promesanan na Israel lo keda kumplí pa medio di e rei primintí ku ta bin for di desendiente di David?

Istrael tabata Dios Su yu, i Dios lo duna nan un lugá kaminda nan por sosegá for di nan enemigunan. Tambe Dios lo skohe un lugá entre nan kaminda Su nòmber lo permanesé. E promesanan akí pa Israel a wòrdu transferí na e rei primintí ku ta bini for di desendiente di David. E lo wòrdu adoptá komo Dios Su yu, Dios lo dun'é sosiegu for di su enemigunan i e lo konstruí un tempel pa Dios den Sion kaminda Dios Su nòmber lo permanesé. Esaki ta nifiká ku Dios lo kumpli ku Su promesanan na Israel pa medio di e rei primintí ku ta bini for di desendiente di David. E rei ku ta bini for di desendiente di David lo representá Israel dilanti di Dios.

E hinkamentu di un representante den e relashon entre Dios i Israel a hasi e perpetuashon di nan relashon di aliansa posibel. E aliansa di Moisés a rekerí e fieldat di henter Israel pa risibí Dios Su protekshon i bendishonnan (wak Hos. 7:1--13 ). Sinembargo, e aliansa di David a sigurá Dios Su bendishonnan di aliansa riba Israel pa medio di e fieldat di un persona, e rei ku ta bini for di desendiente di David.

Desafortunadamente, mayoría di e reinan ku a bini desendiente di David no tabata fiel, i Diós' no por a bendishoná Israel manera E tabata ke. E Tèstamènt Bieu ta yen di relatonan di kon infiel hopi di e reinan ei tabata realmente.

E bon notisia ta ku Dios a manda Su Yu pa nanse komo e Yu di David, i E tabata perfektamente fiel. P'esei, Dios' por kumpli tur e promesanan ku El a hasi den djE na Su pueblo. Ora ku Dios bendishoná e reí, henter su pueblo ta disfrutá di e benefisionan. Ta pa e motibu akí Hesus ta e Mediadó di Dios Su bendishon na nos. E ta e Mediadó den sentido di ku E ta e kanal pa medio di Ken Dios Su bendishonnan ta kore. Nos speransa di mas grandi di salbashon ta wòrdu hañá solamente den Hesus i den loke E a hasi pa nos.

Pensa tokante di kon frekuente bo tabata infiel den bo parti di e aliansa. Kiko esaki ta siña nos tokante di kon nos mester dependé solamente riba Hesus pa salbashon?

19