Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 2: E Mensahe di Hebreo

Hesus ta Nos Kampion

Lesa pa e siman aki:

Siman Aki: Heb. 1:5-14, , Lukas, 1:30-33, Sal. 132:1-5, , Heb. 2;14-16, Heb. 5:1-4, 1 Ped. 2:9, , Heb. 8:8-12.

TEKSTO PRINSIPAL:

"Awor e punto prinsipal di loke a wòrdu bisá ta esaki: nos tin tal Sumosaserdote, Kende a tuma Su puesto na man drechi di e trono di e Mahestat den e shelunan"(Hebreo 8:1, Beibel Santu).

djamars, 04-01-2022

Kompará 1 Samuel 8:19, 20 i Hebreo 2:14-16. Kiko e israelitanan tabata buska den un rei, i kon e deseonan akí tabata keda kumplí den Hesus?

E israelitanan tabata ke un rei pa ta nan hues i nan lider den bataya pasobra nan a lubidá ku Dios tabata nan rei. E restourashon kompleto di Dios Su gobernashon riba Su pueblo a bini ku Hesus. Komo nos Rei, Hesus ta guia nos den e bataya kontra di e enemigu.

Hebreo 2:14-16 ta deskribí Hesus komo e kampio di sernan humano débil. Kristu ta enfrentá i derotá diabel den un solo bataya i ta libra nos for di sklabitut. E deskripshon akí ta rekòrdá nos riba é bataya entre David i Goliat. Despues di á wòrdu ungí komo rei (1 Samuel 16), David a salba su rumannan for di sklabiut 'derotando Goliat. E tèrminonan di kompromiso tabata determiná ku e ganadó di e bataya lo sklabisá e hendenan di e otro partido (1 Sam. 17:8-10). Pues, David a aktua manera un kampion di Israel. El a representá nan.

Lesá lsaías 42:13 i lsaías 59:15-20. Kon Yahweh ta deskribí Su mes den e porshonnan akí?

Hebreo 2:14-16 ta aludí na e noshon di ku Dios lo salba Israel den un bataya individual. Ripará e porshon akí for di Isaías: "Siguramente, asina SEÑOR ta bisa: 'Asta e katibunan di e hòmber poderoso lo wòrdu kitá for di djé, i e proi di un tirano lo wòrdu reskatá; pasobra lo Mi pleita ku esun ku ta pleita ku bo, i lo Mi salba bo yu hòmbernan'" (Isa. 49:25, , Beibel Santu).

Komo kristiannan hopi biaha nos ta pensa ku nos ta embolbí den un bataya individual ku Satanas. Ora ku nos lesa Efesionan 6:10-18, , nos ta mira ku sí, nos ta den un bataya ku diabel. Pero Dios ta nos kampion, i E ta bai batáya na nos fabor. Nos ta partí di Su ehérsito; ta p'esei nos mester usa Su armadura. Ademas, nos no ta lucha nos so. E "boso"den Efesionan 6 ta plural. Nos komo un iglesia ta bisti e armadura i bringa huntu tras di nos kampion, kende ta Dios mes.

Kiko ta nifiká pa bisti e armadura di Dios? Pues, den nos luchanan diario ku nos mes, tentashon, etsetera, kon nos por probechá di e poder ku ta kapasitá nos pa ta fiel pa medio di Dios Su forsa?

20