Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 2: E Mensahe di Hebreo

Hesus Ta Nos Sumosaserdote

Lesa pa e siman aki:

Siman Aki: Heb. 1:5-14, , Lukas, 1:30-33, Sal. 132:1-5, , Heb. 2;14-16, Heb. 5:1-4, 1 Ped. 2:9, , Heb. 8:8-12.

TEKSTO PRINSIPAL:

"Awor e punto prinsipal di loke a wòrdu bisá ta esaki: nos tin tal Sumosaserdote, Kende a tuma Su puesto na man drechi di e trono di e Mahestat den e shelunan"(Hebreo 8:1, Beibel Santu).

djarason, 05-01-2022

Hebreo 5-7 ta introdusí un segundo funshon di Hesus. E ta nos Sumosaserdote. E autor ta splika ku esaki ta kumpli un promesa ku Dios a hasi na e rei primintí ku lo bini di desendiente di David, ku E lo ta un" 'Saserdote pa semper segun e órdu di Melkisedek' "(Sal. 110:4, , manera a wòrdu sitá den Heb. 5:5, 6, , Beibel Santu).

Lesa Levítiko 1:1-9, , Levítiko 10:8-11, , Malakias 2:7, , Numbernan 6:22-26, , I Hebreo 5:1-4. Ki funshonnan e saserdote tabatin?

E saserdotenan tabata wòrdu apuntá pa sernan humano pa representá nan i media nan relashon ku Dios i e kosnan ku ta pertenesé na djE. e saserdote tabata un mediadó. Esaki tabata bèrdat pa kualkier sistema di saserdosio, sea hudiu, griego, romano, òf kualkier otro. E saserdote ta hasi posibel pa nos por relashoná ku Dios, i tur kos ku e saserdote ta hasi tin e propósito di fasilitá e relashon entre nos i Dios.

E saserdote ta ofresé sakrifisionan na fabor di sernan humano. E pueblo no por trese e sakrifisionan akí na Dios personalmente. E saserdote sa kon nos por ofresé un sakrifisio "aseptabel" pa asina nos regalonan por ta aseptabel na Dios òf pa nan por proveé limpiesa i pordon.

Saserdotenan tambe tabata siña hende e lei di Dios. Nan tabata ekspertonan den e mandamentunan di Dios i tabata na enkargo di splika i apliká nan.

Finalmente, e saserdotenan tambe tabatin e responsabilidat di bendishoná den e nòmber di Yahweh. Pa medio di nan, Dios tabata media Su bon boluntat i propósito benefisiente pa e pueblo.

Sinembargo, den 1 Pedro 2:97 nos ta mira algu otro. Nos -kreyentenan den Hesus- ta wòrdu yamá "un saserdosio real." E ròl akí ta impliká privilegionan inkreibel. Saserdotenan tabata por a aserká Dios den e santuario. Awe, nos por aserká Dios pa medio di orashon ku konfiansa (Heb. 4:14-16; Heb. 10:19-23). Tambe tin responsabilidatnan importante: Nos mester kolaborá ku Dios den Su obra di salba e mundu. E ke pa nos siña i splika Dios Su leinan i preseptonan na otronan. Tambe e ke pa nos ofresé sakrifisionan di adorashon i bon obranan, kualnan ta agradabel na djE. Ki privilegio i ki un responsabilidat!

Ki diferensia e echo ku realmente nos ta "un saserdosio real" mester hasi den nos bida? Kon e bèrdat akí mester impaktá e manera ku nos ta biba?

21