Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 2: E Mensahe di Hebreo

Hesus ta Media un Mihó Aliansa

Lesa pa e siman aki:

Siman Aki: Heb. 1:5-14, , Lukas, 1:30-33, Sal. 132:1-5, , Heb. 2;14-16, Heb. 5:1-4, 1 Ped. 2:9, , Heb. 8:8-12.

TEKSTO PRINSIPAL:

"Awor e punto prinsipal di loke a wòrdu bisá ta esaki: nos tin tal Sumosaserdote, Kende a tuma Su puesto na man drechi di e trono di e Mahestat den e shelunan"(Hebreo 8:1, Beibel Santu).

djaweps, 06-01-2022

Hebreo 8-10 ta enfoká riba e obra di Hesus komo Mediadó di un aliansa nobo. E problema ku e aliansa bieu tabata ku simplemente e tabata solamente un sombra di e bon kosnan ku lo bini. Su institushonnan a wòrdu diseñá pa prefigure, pa ilustrá, e trabou ku Hesus lo hasi den futuro. Pues, e saserdotenan tabata prefigure Hesus, pero nan tabata pekadónan mortal. Nan no por a proveé e perfekshon ku Hesus tabata proveé. I nan tabata ministrá den un santuario ku tabata un "kopia i sombra" (Heb. 8:5, , Beibel Santu) di e santuario selestial.

Hesus ta ministrá den e berdadero santuario i ta proveé nos akseso na Dios. E sakrifisionan di animalnan tabata prefigurá e morto di Hesus komo un sakrifisio na nos fabor, pero nan sanger no por a limpia e konsenshi. Sinembargo, Hesus Su morto ta purifiká nos konsenshi pa asina ku nos por aserka Dios kurashi (Heb. 10:19--22 ).

Lesa Hebreo 8:8-12. Kiko Dios a primintí na nos den e aliansa nobo?

Mustrando na Hesus komo nos Sumosaserdote, e Tata a inougurá un aliansa nobo ku lo logra loke e aliansa bieu solamente por a antisipá. E aliansa nobo ta duna loka solamente un saserdote pèrfèkto, eterno, humano-divino por duna. E Sumosaserdote akí no solamente ta splika e lei di Dios pero e ta implantá esaki den nos kurason. E Saserdote akí ta ofresé un sakrifisio ku ta trese pordon. E Saserdote akí ta limpia i transformá nos. E ta transformá nos kurason di piedra na karni (Ezek. 36:26). Realmente E ta krea nos di nobo (2 Kor. 5:17). E Saserdote akí ta bendishoná nos den e manera di mas inkreibel, proveendo pa nos akseso na e presensia di e Tata mes.

Dios a diseñá e aliansa bieu pa e por mustra dilanti na futuro, na e obra di Hesus. E tabata bunita den su diseño i propósito. Pero tòg, algun hende a kompronde su propósito robes. No-dispuesto pa laga e símbolonan, e sombranan i aseptá e bèrdatnan ku e símbolonan tabata mustra na dje, nan a pèrde e maravioso benefisionan ku Hesus Su ministerio a ofresé nan.

"Kristu tabata e fundeshi di bida den tèmpel. Su servisionan tabata típiko di e sakrifisio di e Yu di Dios. E saserdioso a wòrdu stablesí pa representá e karakter mediadó i e obra di Kristu. Henter e plan di sakrifisio di adorashon tabata mustra na e Salbador Su morto pa redemí e mundu. Lo no tin efikasia den e ofrendanan akí ora e gran evento na kua nan tabata mustra pa añanan a keda kompletá."- Ellen G. White, The Desire of Ages, p. 165.

22