Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 3: E Yu Primintí

E Yu Primintí

Lesa pa e siman aki:

Isa. 2:2, 3; Heb. 1:1-4; Eks. 24:16, 17; Isa. 44:24; Heb. 1:10; Lukas 1:31, 32; Heb. 1:5.

TEKSTO PRINSIPAL:

"Den e último dianan aki a papia ku nos pa medio di Su Yu, Kende Ela nombra komo eredero di tur kos, pa medio di Kende tambe Ela traha mundu. I E ta e resplandor di Su gloria i e representashon eksakto di Su naturálesa" (Hebreo 1:2, 3, Beibel Santu).

sabbat, 08-01-2022

Net despues ku Adám i·Eva e peka, Dios a primintí nan un "simian," un Yu ku lo libra nan for di e enemigu, rekobrá e erensia ku tabata pèrdí, i kumpli ku e propósito pa kua nan a wòrdu kreá (Gén. 3:15). E Yu'akí lo representá i redemí nan dor di tuma nan lugá, i finalmente, destruyendo e serpiente.

"Ora ku Adam i Eva á tende di e promesa na promé instante, nan a buska su kumplimentu rápido. Felis nan a duna bon bíní na nan promé yu hòmber, sperando ku e lo por tabata e Libertador. Pero e kumpliméntu di e promesa a tarda."- Ellen G. White; The Desire of Ages, p. 31. E promesa a wòrdu konfirmá na Abraham mas despues. Díos a hur'é ku e lo tin un "simian,"un Yu pa medio di ken tur nashon di mundu lo wòrdu bendishoná (Gén. 22:16-18, , Gal. 3:16). I Dios a hasi meskos ku David. El a primintí David ku su yu lo wòrdu adoptá pa Dios manera Su propio Yu i lo wòrdu stablesí komo un gobernante hustu riba e reinan di mundu (2 Sam. 7:12-14, , Sal. 89:27-29). Sinembargo, loke ni Adam i Eva, Abraham, òf David probablemente lo a imaginá nan tabata ku nan Yu Redentor lo ta Dios mes.

Studia e lès di e siman akí pa prepará pa Sabat, 15 di yanüari.

29