les di Sabbatskol
otro idioma
Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo
Les 3: E Yu Primintí
Den e Último Dianan Akí
Lesa pa e siman aki:
Isa. 2:2, 3; Heb. 1:1-4; Eks. 24:16, 17; Isa. 44:24; Heb. 1:10; Lukas 1:31, 32; Heb. 1:5.
TEKSTO PRINSIPAL:
"Den e último dianan aki a papia ku nos pa medio di Su Yu, Kende Ela nombra komo eredero di tur kos, pa medio di Kende tambe Ela traha mundu. I E ta e resplandor di Su gloria i e representashon eksakto di Su naturálesa" (Hebreo 1:2, 3, Beibel Santu).
djadumingu, 09-01-2022
E promé paragraf di Hebreo ta revelá ku Pablo tabata kere ku e tabata bibando den"e último dianan."Skritura ta usa dos eskpreshon tokante di futuro ku tin diferente nifikashon. E profetanan tabata usa e ekspreshon "último dianan" pa papia tokante di futuro en general (p.e., Deut. 4:30, 32; Jer. 23:20). E profeta Daniel a usa un segundo ekspreshon, "e tempu di fin," pa papia mas spesífiko tokante di e último dianan di e historia di e mundu (Dan. 8:17, , Dan. 12:4).
Lesa Numbernan 24:14-19 i Isaías 2:2, 3. Kiko Dios a primintí ku lo E hasi pa Su pueblo den e "último dianan"?
Varios profeta di Tèstamènt Bieu a anunsiá ku den e "último dianan" Dios lo lanta un reí ku lo destruí e enemigunan di Su pueblo (p.e., Num. 24:14-19) i ku lo atraé e nashonnan na Israel (p.e., Isa. 2:2, 3). Pablo ta bisa ku e promesanan akí a wòrdu kumplí den Hesus. El a derota Satanas i a atraé tur nashon na djE (Kol. 2:15, , Huan 12:32). Den e sentido akí, e ora ei, "e último dianan"a kuminsá pasobra Hesus a kumpli ku Dios Su promesanan.
Nos tatanan spiritual a muri den fe. Nan a mira i a kuminda e promesanan for di "aleu," pero no a risibí nan. Sinembargo, nos a mira nan kumplimentu den Hesus.
Laga nos pensa un momento tokante di Dios Su promesanan i Hesus. E Tata a primintí ku lo E resusitá Su yunan (1 Tes. 4:15, 16). E notisia maravioso ta ku El a kuminsá e resurekshon di Su yunan ku e resurekshon di Hesus (1 Kor. 15:20, , Mat. 27:51-53). E Tambe e Tata a primintí un kreashon nobo (Isa. 65:17). El a kuminsá na kumpli ku e promesa ei kreando un bida spiritual nobo den nos (2 Kor. 5:17, , Gal. 6:15). El a primití ku· E lo stablesé Su reino final (Dan. 2:44). El a inougurá e reino dor di libra nos for di e poder di Satanas i instalá Hesus komo nos gobernante (Mat. 12:28-30, , Lukas 10:18-20). Sinembargo, esaki ta solamente e komienso. Loke e Tata a kuminsá hasi den Hesus Su promé binida, lo E kompletá na e segundo.
Wak tur e promesanan ku Dios a kumpli den pasado. Kon esaki mester por yuda nos pa konfia den djE pa e promesanan ku no a kumpli ainda?
30