les di Sabbatskol
otro idioma
Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo
Les 3: E Yu Primintí
E Ta e Resplandor di e Gloria di Dios
Lesa pa e siman aki:
Isa. 2:2, 3; Heb. 1:1-4; Eks. 24:16, 17; Isa. 44:24; Heb. 1:10; Lukas 1:31, 32; Heb. 1:5.
TEKSTO PRINSIPAL:
"Den e último dianan aki a papia ku nos pa medio di Su Yu, Kende Ela nombra komo eredero di tur kos, pa medio di Kende tambe Ela traha mundu. I E ta e resplandor di Su gloria i e representashon eksakto di Su naturálesa" (Hebreo 1:2, 3, Beibel Santu).
djamars, 11-01-2022
Lesa Hebreo 1:2-4. Kiko ta algun di e kosnan ku e porshon akí ta siña nos tokante di Hesus?
Den e sekshon akí, nos lo enfoká riba e parti ku ta bisa, "E ta e resplandor di Su gloria i e representashon eksakto di Su naturalesa"(Heb. 1:3, , Beibel Santu).
Lesa Éksodo 24:16, 17; Salmo 4:6; Salmo 36:9; i, Salmo 89:15. Kon e tekstonan akí ta yuda nos komprondé kiko e gloria di Dios ta?
Den e Tèstamènt Bieu, e gloria di Dios ta referí na Su presensia visible entre Su pueblo (Eks. 16:7; Eks. 24:16, 17; Lev. 9:23;-Num. 14:10). E presensia akí hopi biaha ta wòrdu asosiá ku lus òf resplandor.
Skritura ta informá nos ku Hesus ta e lus ku a bini na e mundu akí pa revelá e gloria di Dios (Heb. 1:3; Huan 1:6-9, 14 18; 2 Kor. 4:6). Pensa, por ehèmpel, riba kon Hesus a aparesé na transfigurashon. "I El a wòrdu transfigurá nan dilanti; i Su kara tabata briya manera solo, i Su pañanan a bira mes blanku ku lus" (Mat. 17:2, , Beibel Santu).
Meskos·ku e solo no por wórdu persibí si no ta pa medio di e resplandor di su lus, Dios ta konosí pa medio di Hesus. For di nos perspektíva, Nan dos ta un. Pasobra Dios Su gloria ta lus mes, no tin diferensia, den ser, entre Dios i Hesus, meskos ku no tin diferensia entre lus i su resplandor.
Hebreo tambe ta bisa ku Hesus ta e "representashon eksakto" di e Tata su ser (Heb. 1:3, Beibel Santu). E punto di e metáfora ta ku tin un korespondensia perfekto den e ser-òf esensia-entre e Tata i e Yu. Ripará ku sernan humano tin e imagen di Dios pero no Su esensia (Gén. 1:26). Sinembargo, e Yu ta kompartí e mesun esensia ku e Tata. No ta straño ku Hesus a bisa, " ' Esun ku a miraMi a mira e Tata'"(Huan 14:9, , Beibel Santu).
Di kon e echo ku Hesus ta revelá e karakter i e gloria di e Tata na nos ta asina un gran notisia? Di kon Hesus ta konta nos kon e Tata ta?
32