Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 4: Hesus, Nos Fiel Ruman

Mas Estudio:

Lesa pa e siman aki:

: Lev. 25:25-27; Heb. 2:14-16; Heb. 11:24-26; 1 Kor. 15:50; Heb. 5:8, 9; Heb. 12:1-4.

TEKSTO PRINSIPAL:

"Asina anto, komo ku e yunan ta kompartí den karni i sanger, E mes tambe a tuma parti na e mesun manera, asina ku pa medio di morto E por a destruí esun ku tabatin poder riba morto, esta, diabel"(Hebreo 2:14, Beibel Santu).

djabierne, 21-01-2022

Hebreo 2:13 ta kontené e palabranan di Hesus na Su Tata papiando tokante di Su rumannan: "'Mira, Ami i e yunan ku Dios a dunaMi"(Heb. 2:13, , Beibel Santu).'Patrick Gray ta bisa ku Hesus ta wòrdu deskribí akinan komo e wardadó di Su rumannan. E sistema romano di tutela impuberum a determiná ku na morto di nan tata, "Un tutor, hopi biaha un ruman hòmber mayó, tabata bira responsabel pa e kuido di muchanan chikitu i nan erensia te ora ku nan yega e edat di madures, asina oumentando e deber natural di e ruman hòmber mayó pa kuida pa su rumannan mas chikitu."-Godly Fear: The Epistle to the Hebrews and Greco-Roman Critiques of Superstition [Atlanta: Society of Biblical Literature, 2003), p. 126. Esaki ta splika di kon Hebreo ta referí na nos komo rumannan di Hesus i tambe komo Su yunan. Komo nos ruman hòmber mayó, Hesus ta nos tutor, nos wardadó, i protector.

"Kristu a bini na e mundu, tumando humanidat i parando komo representante di hende, pa mustra den e kontroversia ku Satanas ku hende, manera Dios a kreanan, konektá ku e Tata i e Yu, lo por obedesé kada rekerimento divino."-Ellen G. White,·Selected Messages, buki 1, p. 253.

"Den Su bida i lesnan, Kristu a duna un ehempel perfekto di e ministerio apnegá ku tin su orígen den Dios. Dios no ta biba pa Su mes. Kreando e mundu, I defendiendo tur kos, konstantemente E ta ministrando na otronan. 'E ta hasi Su solo sali riba mal hende i riba bon hende, i ta laga awa yobe riba hende hustu i riba hende inhustu." Mat. 5:45. E ideal di ministerio akí Dios a duna na Su Yu. Hesus mester a para na kabes di humanidat, pa asina pa medio di Su ehempel E por siña loke ta nifiká pa ministrá."- Ellen G. White, The Desire of Ages, p. 649.

Preguntanan pa Diskushon:
1. Hebreo ta bisa nos ku Hesus a bira nos ruman hòmber pa E por salba nos. pensa tokante di kiko ta nifiká loke Dios a hasi pa por salba nos. Di kon anto, si nos bira nos lomba pa un realidat asina asombroso lo ta un eror trágiko?

2. Di kon ta asina importante pa nos ku Hesus no a nanse "komo esklabu na piká" manera nos (Rom. 7:14)? Pensa riba Moisés, i di kon tabata importante pa e israelitanan ku E no tabata un katibu manera nan tabata. Kon e historia di Moisés, na un manera chikitu, ta yuda nos komprondé loke Hesus a hasi pa nos?

3. Meditá mas riba e ròl di sufrimentu den nos bida. Di kon nos no mester pensa nunka ku sufrimentu, riba su mes, ta bon, maske ku algun bia kosnan bon ta sali for di dje?

47