Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 4: Hesus, Nos Fiel Ruman

E Ruman Hòmber komo e Redentor

Lesa pa e siman aki:

: Lev. 25:25-27; Heb. 2:14-16; Heb. 11:24-26; 1 Kor. 15:50; Heb. 5:8, 9; Heb. 12:1-4.

TEKSTO PRINSIPAL:

"Asina anto, komo ku e yunan ta kompartí den karni i sanger, E mes tambe a tuma parti na e mesun manera, asina ku pa medio di morto E por a destruí esun ku tabatin poder riba morto, esta, diabel"(Hebreo 2:14, Beibel Santu).

djadumingu, 16-01-2022

Lesa Levítiko 25:25-27, 47-49. Ken por a redemí un persona ku a pèrdè su propiedat òf su Iibertat pa motibu di pobresa?

E leí di Moisés tabata stipulá ku ora un persona tabata asina por ku e mester a bende su propiedat-òf asta e mes-pa e por sobrebibí, e lo risibí e propiedat ei òf su libertat bèk despues di sinkuenta aña, òf den e aña di hubileo. E aña di hubileo tabata un "gran" aña di Sabat den kua debenan tabata wòrdu pordoná, propiedatnan reklamá, i libertat proklamá na e koutivonan.
Sinembargo, sinkuenta aña tabata hopi largu pa warda. P'esei e lei di Moisés tabata stipulá tambe ku e famia di mas serka por paga e partí ku ainda tabata falta, pues, redemí su famia mas trempan.
E famia di mas serka tabata tambe esun ku tabata garantisá ku hustisia tabata wòrdu hasí den kaso di un asesinato. E tabata e vengadó di e sanger ku lo persiguí e asesino di su famia serka i kastig'é (Num. 35:9-15).

Lesa Hebreo 2:14-16. Kon Hesus i nos ta wòrdu deskribí den e porshon akí?

E porshon akí ta deskribí nos komo katibunan di diabel, pero Hesus komo nos Redentor. Ora ku Adam a peka, sernan humano a kai bou di e poder di Satanas. Komo resultado, nos no tabatin e poder pa resistí piká (Rom. 7:14-24). Pió ainda, tabatin sentensia di morto kual tabata rekerimentu di nos transgreshon i ku nos no por a paga (Rom . 6:23). Pues, nos situashon tabata parse di ta sin speransa.

Sinembargo, Hesus a adoptá nos naturalesa humano i a bira karni i sanger manera nos. El a bira nos famia di mas serka i a redemí nos. E no tabatin bergwensa pa yama nos "rumannan" (Heb. 2:11, , Beibel Santu).

Paradoksalmente, tumando nos naturalesa i redemiendo nos, Hesus a revelá Su naturalesa divino tambe. den e Tèstamènt Bieu, e berdadero Redentor di Israel, nan famia di mas serka, ta Yahweh (p.e., Sal. 19:14, , Isa. 41:14, , Isa. 43:14, , Isa. 44:22, , Jer. 31:11, , Ose. 13:14).

Kua ta e maneranan ku bo por siña pa eksperensiá e realidat di djis kon serka Kristu por ta di bo di un manera mas profundo? Di kon ta asina importante pa bo fe pa bo tin e eksperensia akí?

42