Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 4: Hesus, Nos Fiel Ruman

Karni i Sanger Manera Nos

Lesa pa e siman aki:

: Lev. 25:25-27; Heb. 2:14-16; Heb. 11:24-26; 1 Kor. 15:50; Heb. 5:8, 9; Heb. 12:1-4.

TEKSTO PRINSIPAL:

"Asina anto, komo ku e yunan ta kompartí den karni i sanger, E mes tambe a tuma parti na e mesun manera, asina ku pa medio di morto E por a destruí esun ku tabatin poder riba morto, esta, diabel"(Hebreo 2:14, Beibel Santu).

djamars, 18-01-2022

Hebreo ta bisa ku Hesus a adoptá nos naturalesa humano pa asina E por a representá nos i por a muri pa nos (Heb. 2:9, 14-16; Heb. 10:5-10). Akinan tin e fundeshi di e plan di salbashon i nos úniko speransa pa bida eterno.

Lesa Mateo 16:17, , Galationan 1:16, 1 Korintionan 15:50, , i Efesionan 6:12. Na kua defisiensianan di naturalesa humano e porshonnan aki ta relatá e ekspreshon di "karni i sanger"?

E ekspreshon "karni i sanger" ta enfatisá e debilidat di e kondishon humano (Efe. 6:12); i falta di komprondementu (Mat. 16:17, , Gal. 1:16), i sumishon na morto (1 Kor. 15:50). Hebreo ta bisa ku Hesus a bira manera Su rumannan "den tur kos" (Heb. 2:17). E ekspreshon akí ta nifiká ku Hesus a bira kompletamente humano. Hesus no simplemente tabata "parse'; òf "aparentá di ta" humano; realmente E tabata humano, realmente un di nos.
Sinembargo, Hebreo ta bisa tambe ku Hesus tabata diferente for di nos pa loke ta trata piká. Na promé lugá, Hesus no a kometé niun piká (Heb 4:15). Na di dos lugá, Hesus tabatin un naturalesá humano ku tabata "santu, inosente, sin mancha, separá for di pekadornan" (Heb. 7:26). Nos tin tendensianan malu. Nos sklabitut na piká ta kuminsá profundó den nos propio naturalesa. Nos ta "di karni, bendí komo esklabu na piká" (Rom. 7:14; wak tambe Rom. 7:15-20). Orguyo i otro motivashonnan pekaminoso ta polushoná asta nos bon echonan. Sinembargo, Hesus Su naturalesa no tabata manchá pa piká. E mester a bai asina. Si Hesus lo tabata "di karni, hendí komo esklabu pa piká," manera nos, E tambe lo tabatin mester di un Salbador. Na lugá di esei, Hesus a bini komo un Salbador i a ofresé Su mes komo un sakrifisio "sin mancha" na Dios pa nos (Heb. 7:26-28, , Heb. 9:14, , Beibel Santu).

E ora ei Hesus a destruí e poder di diabel dor di muri komo e ofrenda sin piká pa nos pikánan, pues hasiendo pordon i rekonsiliashon ku Dios posibel (Heb . 2:14-17). Hesus a kibra e poder di' piká tambe dor di duna nos e poder pa biba un bida hustu pa medio di Su kumplimentu di e promesa di e aliansa nobo pa skirbi e lei den nos kurason (Heb. 8:10). Pues, Hesus a derotá e enernigu i efektivamente a libra nos pa asina nos por "sirbi e Dios bibu"(Heb. 9:14). Mientras tantu, Satanas su destrukshon final lo bini na e huisio final (Rev. 20:1-3, 10).

Unabes nos tin e promesa di viktoria pa medio di Hesus, di kon asina tantu nos ainda ta lucha ku piká? Kiko nos ta hasiendo robes, i mas importante, kon nos por kumisá biba di akuerdo ku e yamada ku nos tin den Kristu?

44