Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 4: Hesus, Nos Fiel Ruman

Perfekshoná Dor di Sufrimentu

Lesa pa e siman aki:

: Lev. 25:25-27; Heb. 2:14-16; Heb. 11:24-26; 1 Kor. 15:50; Heb. 5:8, 9; Heb. 12:1-4.

TEKSTO PRINSIPAL:

"Asina anto, komo ku e yunan ta kompartí den karni i sanger, E mes tambe a tuma parti na e mesun manera, asina ku pa medio di morto E por a destruí esun ku tabatin poder riba morto, esta, diabel"(Hebreo 2:14, Beibel Santu).

djarason, 19-01-2022

Lesa Hebreo 2:10, 17, 18 i Hebreo 5:8, 9. Kiko tabata e funshon di sufrimen­tu den Hesus Subida?

E apòstel ta bisa ku Dios a hasi Hesus "perfekto pa medio di sufrimentu." E ekspreshon akí ta sorprendente. E outor a bisa ku Hesus ta "e resplandor di Su gloria i e representashon eksakto di Su naturalesa" (Heb. 1:3, , Beibel Santu) i ku E ta sin piká, sin mancha, sin fayo, i santu (Heb. 4:15, , Heb. 7:26"-28, Heb. 9:14, , Heb. 10:5--10 ). Esaki ta nifiká ku Hesus no mester a vense niun tipo di imperfekshon moral òf étiko.
Sinembargo, Hebreo ta bisa sí ku Hesus a pasa dor di un proseso di "perfekshonamentu" ku a prove'E e rekursonan pa salba nos. Hesus a wòrdu perfekshoná den e sentido ku E tabata ekipá pa ta nos Salbador.

Hesus a wòrdu "perfekshoná" pa medio di sufrimentu pa e por bira e Kapitan di nos salbashon (Heb. 2:10). Hesus mester a muri na e krus komo un sakrifisio pa asina e Tata por tabatin e rekursonan legal pa salba nos. Hesus tabata e perfekto ofrenda di sakrifisio, e úniko. Manera Dios, Hesus por a husga nos; pero pa motibu di Su sakrifisio, Hesus por salba nos tambe.

2. Hesus a siña obedensia pa medio di sufrimentu (Heb. 5:8). Obedensia tabata nesesario pa dos kos. Na promé lugá, obedensia a hasi Su sakrifisio aseptabel (Heb. 9:14, Heb. 10:5-10 ). Na di dos lugá, Su sufrimentunan a hasi ku E por a bira nos ehempel (Heb. 5:9). Hesus "a siña" obedensia pasobra nunka El a eksperensiá esaki promé. Komo Dios, ta ken lo E tabata tin ku obedesé? Komo e Yu eterno, i unu ku Dios, hende tabata obedesé E komo e gobernador di e universo. P'esei, Hesus no a progresá for di desobedensia na obedensia, pero for di soberanía i dominion a sumishon i obedensia. E Yu eksaltá di Dios a bira e Yu obediente di Hende.

3. Sufrimentu a revelá Hesus komo un Sumosaserdote miserikòrdioso i fiel (Heb. 2:17, 18). Sufrimentu no a hasi Hesus mas miserikòrdioso. Kontrali na esei, tabata pa motibu di Hesus Su miserikòrdia El a hasi Su mes boluntario pa muri na e krus pa salba nos na promé instante (Heb. 10:5-10; kompará ku Rom. 5:7, 8). Tòg, e realidat di Hesus Su amor di ruman a wòrdu ekspresá i revelá berdaderamente pa medio di sufrimentu.

Si e Hesus sin piká a sufri, nos, komo pekadornan, siguramente tambe lo sufrí. Kon nos por siña pasa dor di e tragedianan di bida i na mesun momento haña speransa i siguransa for di Señor, kende a revelá Su amor na nos den maneranan asina poderoso?

45