Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 4: Hesus, Nos Fiel Ruman

E Ruman Hòmber komo Modelo

Lesa pa e siman aki:

: Lev. 25:25-27; Heb. 2:14-16; Heb. 11:24-26; 1 Kor. 15:50; Heb. 5:8, 9; Heb. 12:1-4.

TEKSTO PRINSIPAL:

"Asina anto, komo ku e yunan ta kompartí den karni i sanger, E mes tambe a tuma parti na e mesun manera, asina ku pa medio di morto E por a destruí esun ku tabatin poder riba morto, esta, diabel"(Hebreo 2:14, Beibel Santu).

djaweps, 20-01-2022

Un otro motibu pakiko Hesus a adoptá nos naturalesa humano i a biba meimei di nos tabata pa E por ta nos ehèmpel, e úniko ku por modela pa nos kiko ta e manera korekto pa biba dilanti di Dios.

Lesa Hebreo 12:1-4. Di akuerdo ku e apòstel, kon nos mester kore e kareda di e bida kristian?

Den e porshon akí Hesus ta e kulminashon di un lista largu di personahenan ku e apòstel ta proveé komo ehèmpelnan di fe. E porshon akí ta yama Hesus "e outor i kumplidó di fe" (Beibel Santu). E palabra griego archegos ("outor") por wòrdu tradusí tambe komo " pionero." Hesus ta e pionero di e kareda pasobra E ta kore dilanti di e kreyentenan. De echo, Hebreo 6:20 ta yama Hesus esun ku "ta bai nos dilanti." E palabra "kumplidó" ta duna e idea di ku Hesus a mustra fe den Dios den e forma di mas puru posibel. E porsbon akí ta siña ku Hesus ta e promé ku a kore nos kareda ku éksito i ku E ta esun ku a perfekshoná e arte di loke ta nifiká biba pa medio di fe.

Hebreo 2:13 ta bisa: "I atrobe: 'Lo Mi pone Mi konfiansa den djE.' I atrobe: 'Mira, Ami i e yunan ku Dios a dunaMi.' " (Beibel Santu). Loke ta sosodiendo akinan ta ku Hesus a bisa ku E lo pone Su konfiansa den Dios. E referensia akí ta un alushon na Isaías 8:17, 18.

Isaías a papia e palabranan akí enfrentando un menasa teribel di invashon for di parti nort di Israel i Siria (Isa. 7:1, 2). Su fe tabata un kontraste na e falta di fe di Akaz, e rei (2 Reinan 16: 5--18 ). Dios a eksortá Akaz pa konfia den djE i pa pidi un señal pa E por libr'e (Isa. 7:1-11). Dios ya a primintié, komo un yu di David, ku lo E protehá Akaz manera Su propio yu. Awor, Dios yen di grasia a ofresé Akaz pa konfirmá e promesa ei ku un señal. Sinembargo, Akaz a ninga di pidi pa un señal, i, na lugá di esei, a manda mensaheronan na Tiglat pileser, rei di Asiria, bisando, " 'Mi ta bo sirbidó i bo yu hòmber' " (2 Reinan 16:7, , Beibel Santu). Ki tristu! Akaz a preferá di ta e " yu hòmber" di Tiglat pileser na lugá di e yu hòmber di Dios.

Sinembargo, Hesus a pone Su konfiansa den Dios i den Su promesa ku E lo pone Su enemigunan bou di Su pianan (Heb . 1:13; Heb. 10:12 , 13). Dios a hasi e mesun promesa na nos, i nos mester ker'E, meskos ku Hesus a hasi (Rom. 16:20).

Kon nos por siña pone.nos konfiansa den Dios si no ta pa hasi eskohonan diariamente ku ta reflehá e konfiansa akí? Kiko ta e siguiente eskoho importante ku bo mester hasi, i kon bo por sigurá bo mes ku e ta revelá konfiansa den Dios?

46