les di Sabbatskol
otro idioma
Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo
Les 4: Hesus, Nos Fiel Ruman
Hesus, Nos Fiel Ruman
Lesa pa e siman aki:
: Lev. 25:25-27; Heb. 2:14-16; Heb. 11:24-26; 1 Kor. 15:50; Heb. 5:8, 9; Heb. 12:1-4.
TEKSTO PRINSIPAL:
"Asina anto, komo ku e yunan ta kompartí den karni i sanger, E mes tambe a tuma parti na e mesun manera, asina ku pa medio di morto E por a destruí esun ku tabatin poder riba morto, esta, diabel"(Hebreo 2:14, Beibel Santu).
sabbat, 15-01-2022
Hebreo 1 ta papia di Hesus komo e Yu di Dios; e gobernante riba e angelnan, i "e resplandor di Su gloria i e representashon eksakto di Su naturalesa" (Heb. 1:3, , Beibel Santu). Den Hebreo 2, Hesus ta e Yu di Hende, ku a wòrdu hasí menos ku e angelnan i ku a adoptá naturalesa humano ku tur su debilidatnan, asta na e punto di morto (Heb. 2:7). Den Hebreo 1, Dios ta bisa tokante di Hesus: "Bo ta Mi Yu"(Heb. 1:5, , Beibel Santu). Den Hebreo 2, l Hesus ta referí na muchanan humano komo Su "rumannan" (Heb. 2:12).
Den Hebreo 1, e Tata ta deklará e Yu su soberania divino (Heb. 1:8--12 ). Den
Hebreo 2, e Yu ta afirmá Su fieldat na e Tata (Heb. 2:13a).
Den Hebreo 1, Hesus ta e Señor divino, Kreador, Sostenedó, i Soberano. Den Hebreo 2, Hesus ta e Sumosaserdote humano, misèrikordioso i fiel.
Resumiendo, e deskripshon di Hesus komo un ruman fiel i miserikòrdioso ta wòrdu representá den e deskripshon di e Yu komo e manifestashon prinsipal di e Dios Kreador etèrno (Heb. 1:1-4).
Studia e lès di e siman akí pa prepará pa Sabat, 22 di yanüari.
41