Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 5: Hesus, e Dunadó di Sosiegu

Awe, Si Bo Tende Su Bos

Lesa pa e siman aki:

Gen. 15:13-21; Heb. 3:12-19; Heb. 4:6-11; Heb. 4:1, 3, 5, 10; Deut. 5:12-15; Heb. 4:8-11.

TEKSTO PRINSIPAL:

"Pesei anto, ta keda un sosiego di Sabat pa e pueblo di Dios" ( Hebreo 4:9, Beibel Santu).

djamars, 25-01-2022

Lesa Hebreo 4:6-11. Kua ta Dios Su invitashon pa nos den e porshon akí?

E echo ku e generashon di desierto no a drenta den e sosiego no a stroba Dios di traha ku Su pueblo. Dios a keda fiel, apesar di nan falta di fe (2 Tim. 2:13). Pues, Pablo ta ripití varios bia ku Dios Su promesa "ta keda" (Heb. 4:1, 6, 9, , Beibel Santu). E ta usa e verbonan griego kataleipo i apoleipo, ku ta impliká ku e promesa a "keda atras," òf a wòrdu ignorá. E echo ku e invitashon pa drenta den sosiego a wòrdu ripití den e tempu di David (Heb. 4:6, 7, , referiendo na Salmo 95) tabata impliká ku e promesa no a wòrdu reklamá i ku ainda e tabata disponibel. De echo, e ta bisa ku e sosiego tabata disponibel for di tempu di kreasbon (Heb. 4:3, 4). Mientras tantu, Dios ta invitá nos "awe"pa drenta den Su sosiego. "Awe" ta un konsepto kargá ku nifikashon. Ora ku Moisés a renobá e aliansa di Israel ku Dios na e frontera di e Tera Primintí, el a enfatisá e importansia di "awe" (Deut . 5:3, kompará Deut. 4:8, , Deut. 6:6, , Deut. 11:2, , ets. ). "Awe" tabata un momento di reflekshon kaminda el a invitá e pueblo pa rekonosé ku Dios tabata fiel ku nan (Deut. 11:2-7). "Awe" tabata tambe e momento pa disidí di ta fiel na Señor (Deut . 5:1-3). E desishon akí lo no por a wòrdu posponé.
Di mes manera, "awe" ta un tempu di desishon pa nos, un tempu di oportunidat, i tambe peliger, manera semper e tabata pa e pueblo di Dios.

Den e buki di Hebreo, e kónsepto "awe" ta mustra na e era di kumplimentu di Dios Su promesanan. Dios a -inougurá e era aki ku e dekreto, "Awe Mi a engendráBo" (Heb. 1:5, , Beibel Santu) ku ta pone Hesus komo e Gobernante den kumplimentu di Dios Su promesanan (2 Sam. 7:8-16). Pues, e entronashon di Hesus a inougurá un era nobo di bendishonnan i oportunidatnan pa nos. Hesus a derota e enemigunan (Heb. 2:14-16) i a inougurá un aliansa nobo (Hebreo 8-10). Pues, nos por hala serka "ku konfiansa" den e presensia di Dios (Heb. 4:14-16, , Heb. 10:19-23) i regosihá Su dilanti ku sakrifisionan spiritual di gradisimentu i alabansa (Heb. 12:28, , Beibel Santu; Heb. 13:10-16). Pues e yamada hasí "awe," ta invitá nos pa rekonosé ku Dios tabata fiel pa ku nos i a proveé nos ku tur e motibunan pa aseptá Su invitashon mesora, i no tarda.

Kua desishonnan spiritual bo mester tuma "awe,"ku no por wòrdu posponé? Kua tabata bo eksperensianan den pasado ora ku bo a tarda pa hasi loke bo tabata sa ku Dios lo tabata ke pa bo hasi mesora?

56