les di Sabbatskol
otro idioma
Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo
Les 5: Hesus, e Dunadó di Sosiegu
Un Antesala di Kreashon Nobo
Lesa pa e siman aki:
Gen. 15:13-21; Heb. 3:12-19; Heb. 4:6-11; Heb. 4:1, 3, 5, 10; Deut. 5:12-15; Heb. 4:8-11.
TEKSTO PRINSIPAL:
"Pesei anto, ta keda un sosiego di Sabat pa e pueblo di Dios" ( Hebreo 4:9, Beibel Santu).
djaweps, 27-01-2022
Kompará Éksodo 20:8-11, , Deuteronomio 5:12-15, , i Hebreo 4:8-11. Kua diferensianan bo ta haña pa loke ta trata e nifikashon di e sosiego di Sabat?
Manera ya nos a mira kaba, e tekstonan akí den Éksodo i Deuteronomio ta invitá nos pa wak den pasado. Nan ta eksortá nos pa sosegá riba e Sabat pa asina nos por selebrá Dios Su logronan na kreashon i tambe na Redenshon. Sinembargo, Hebreo 4:9-11 ta invitá nos pa wak na futuro. E ta bisa nos ku Dios a prepará un sosiego di Sabat ku ta den futuro. E ta duna un dimenshon nobo pa wardamentu di Sabat. Sosiego di Sabat ta laga nos rekòrdá no solamente Dios Su viktorianan den pasado, pero tambe ta selebrá Dios Su promesanan pa futuro.
E dimenshon di futuro di opservansha di Sabat semper tabata einan, pero hopi biaha el a wòrdu neglishá. Despues di e kaída, el a bin impliká e promesa ku Dios lo restourá kreashon un dia na su gloria original pa medio di e Mesias. Dios a komandá nos pa selebrá Su aktonan di redenshon pa medio di opservansia di e Sabat pasobra Sabat tabata mustra dilanti na e kulminashon di redenshon den un kreashon nobo. Opservansia di e Sabat ta un antisipashon di shelu den e mundu imperfekto akí.
Esaki semper tabata un tradishon hudiu bon kla. "Life of Adam and Eve," The Old Testament Pseudepigrapha, di James H. Charlesworth, p. 18, un obra komponé entre 100 promé ku Kristu i 200 despues di Kristu a bisa: "E di shete dia ta un señal di e resurekshon, e sosiego di e era binidero." Un otro fuente hudiu antiguo a bisa: E era binidero ta "e día kual ta kompletamente sosiego di Sabat pa eternidat"- Jacob Neusner, The Mishnah, a New Translation (New Haven: Yale University Press, 1988), p. 873. The Othiot of Rabbi Akiba, un fuente mas despues a bisa: " ' Israel a bisa dilanti di Esun Santu, bendishoná E ta, "Shon di e mundu, si nos warda e mandamentunan, kua rekompensa nos lo haña? El a bisa nan: "E- mundu- ku- tin ku- bin." Nan a bis'E: "Mustra nos kiko e parse." El a mustra nan e Sabat.' "-Theodore Friedman, "The Sabbath Anticipation of Redemption," Judaism: A Quarterly Journal, vol. 16, pp. 443, 444.
Sabat ta pa selebrashon, pa goso i gradisimentu. Ora ku nos warda e Sabat, nos ta indiká ku nos ta kere Dios su promesanan, ku nos ta aseptá Su don di grasia. Sabat ta fe bibu i vibrante. Pa loke ta trata akshon, opservansha di e Sabat probablemente ta e ekspreshon di mas kompleto pa nos konvikshon ku nos ta salbá pa medio di grasia dor di fe den djE.
Kon bo por siña pa warda e Sabat di un manera ku, di berdat ta mustra nos komprondementu di kiko salbshon pa medio di fe, fuera di e obranan di e lei, ta enserá? Di ki manera sosiego riba e Sabat ta un ekspreshon di salbashon pa medio di fe?
58