les di Sabbatskol
otro idioma
Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo
Les 6: Hesus, e Saserdote Fiel
Mas Estudio:
Lesa pa e siman aki:
Heb. 5:1-10; Gen.14:18-20; 1 Ped. 2:9; Heb. 7:1-3; Heb. 7:11-16, 22, 26.
TEKSTO PRINSIPAL:
"Pasobra tabata kumbiní pa nos tin un sumosaserdote asina, santu, inosente, sin mancha, separá for di pekadónan i halsá riba e shelunan" (Hebreo 7:26, Beibel Santu).
djabierne, 04-02-2022
"Kristu ta mirando. E sa tur kos tokante di nos karganan, nos peligernan, i nos difikultatnan; i E ta yena Su boka ku argumentunan na nos fabor. E ta ahustá Su interseshonnan na e nesesidatnan di kada alma, manera El a hasi den kaso di Pedro....Nos Abogado ta yena Su boka ku argumentunan pa siña esnan ku ta di djE i ku ta wòrdu di tèst i tentá pa prepará kontra e tentashonnan di Satanas. E ta interpretá kada moveshon di e enemigu. E ta goberná eventonan."Ellen G. White, SDA Bible Commentary, vol. 7, p. 931 (Karta 90, 1906).
"Tabata Satanas su propósito pa trese un separashon eterno entre Dios i hende; pero den Kristu nos ta bira mas serka uní ku Dios kompará ku loke nos lo tabata si nunka nos lo a kai. Ora El a tuma nos naturalesa, e Salbador a mara Su mes na humanidat ku un kabuya ku nunka lo kibra Esaki ta e huramentu ku Dios lo kumpli ku Su palabra. 'Pasobra un yu a nase pa nos, un yu hòmber ta duná na nos, i e gobernashon lo ta riba Su skouder.' Dios a adoptá naturalesa humano den e persona di Su Yu, i a karga e mesun naturalesa kí den e parti di mas haltu den shelu. Ta e 'Yu di hende' ta esun ku ta kompartí e trono di e universo. Ta e ' Yu di hende ta esun ku Su nòmber lo wòrdu yamá, ' Konsehero Maraviyoso, Dios Poderoso, Tata Eterno, Prens di Pas.' Isaías 9:6. E AMI TA ta e konekshon entre Dios i humanidat, poniendo Su man riba tur dos. E ku ta ' santu, inosente, sin mancha, separá for di pekadónan,' no tin bergwensa di yama nos rumannan. Hebreo 7:26; 2:11. Den Kristu e famia di tera i e famia di shelu ta mará huntu. Kristu glorifiká ta nos ruman. Shelu ta konsagrá den humanidat, i humanidat ta lorá den e pechu di Amor Infiníto."-Ellen G. White, The Desire of Ages, pp. 25, 26.
Preguntanan pa Diskushon:
1. E promé sita ariba ta bisa, "E [Hesus) ta yena Su boka ku argumentonan na nos fabor." Kiko e promesa ei ta nifiká pa bo? Pensa riba kiko esaki ta siña nos tokante di Dios Su amor pa nos. di kon e idea aki ta duna nos kurashi? Di kon nos lo tin mester di un hende pa argumentá na nos fabor?
2. E segundo sita ariba ta bisa, "den Kristu nos ta bira mas serka uní ku Dios kompará ku loke nos lo tabata si nunka nos lo a kai." Kiko esei ta nifiká? Kon nos por eksperensiá e unidat ei, i ki konsuelo lo bo por saka for di e eksperensia ei? Den klas, deskribí kiko e unidat aki ta nifiká i kon ta sinti pa eksperensiá esaki. Kon Su "argumentonan na nos fabor'" ta yuda nos tin e eksperensia aki?
71