Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 6: Hesus, e Saserdote Fiel

Un Saserdote na Fabor di Sernan Humano

Lesa pa e siman aki:

Heb. 5:1-10; Gen.14:18-20; 1 Ped. 2:9; Heb. 7:1-3; Heb. 7:11-16, 22, 26.

TEKSTO PRINSIPAL:

"Pasobra tabata kumbiní pa nos tin un sumosaserdote asina, santu, inosente, sin mancha, separá for di pekadónan i halsá riba e shelunan" (Hebreo 7:26, Beibel Santu).

djadumingu, 30-01-2022

Lesa Hebreo 5:1-10. Kiko ta e ròl di e saserdosio i di akuerdo ku e porshón akí, kon Hesus ta kumpli ku e ròl ei?

E propósito básiko di un saserdote ta pa media entre hende pekaminoso i Dios. Saserdotenan tabata wòrdu skohí pa Dios pa nan por ministrá na fabor di Sernan humano; p'esei, nan mester tabata misèrikòrdioso i komprensivo pa loke ta trata debilidatnan humano.

Den Hebreo 5:5-10, , Pablo ta mustra ku Hesus ta kumpli ku e propósitonan ei perfektamente: Dios a skoh'E (Heb. 5:5, 6) i tambe Hesus ta komprondé nos pasobra E tambe a sufri (Heb. 5:7, , 8).

Sinembargo, tin algun diferensianan importante. Hesus no a wòrdu "skohí for di den hende"(Heb. 5:1, , Beibel Santu). Na lugá di esei, Hesus a adoptá naturalesa humano pa e por, entre otro, sirbi komo un saserdote na nos fabor. Hesus no a ofresé sakrifisio pa Su propio pikánan (Heb. 5:3) pero solamente pa nos pikánan, pasobra E tabata sin piká (Heb. 4:15, , Heb. 7:26-28).

Hebreo ta bisa ku Hesus tabata ofresé orashon "na Esun ku ta kapas pa salb'E for di morto, i El a wòrdu tendí" (Heb. 5:7, Beibel Santu). Hebreo tabata referiendo na e segundo morto, for di kua Dios a salba Hesus ora ku El a resusit'E (Heb. 13:20). Hebreo ta bisa tambe, ku Hesus "a siña obedensia dor di e kosnan ku El a sufri" (Heb. 5:8, , Beibel Santu). Obedensia tabata nobo pa Hesus, no pasobra E tabata desobediente, pero pasobra E tabata Dios. Komo soberano riba e universo, Hesus no a obedesé niun hende; na lugá di esei, tur hende a obedesé E.

Hesus Su sufrimentunan i morto na e krus ta un parti esensial di Su ministerio di saserdote. Sufrimentu no a hasi Hesus perfekto den sentido di ku El a mehorá moralmente òf étikamente. Sufrimentu no a hasiE misèrikòrdioso. Kontrali na esaki, Hesus a bini na e mundu aki pasobra semper E tabata misèrikòrdioso, kual ta e motibu pa kiko E tabatin kompashon pa ku nos (Heb. 2:17). Loke Hebreo ke men ta ku tabata pa medio di sufrimentu e realidat di Hesus Su amor di ruman, e outentisidat di Su naturalesa humano, i e profundidat di Su sumishon komo representante di humanidat na e boluntat di e Tata a wòrdu ekspresá i revelá berdaderamente. El a wòrdu "hasí perfekto" den sentido di ku Su sufrimentunan a kualifik'E pa ta nos Sumosaserdote. Ta Su bida di obedensia perfekto, i despues Su morto na e krus a konstituí un ofrenda di sakrifisio ku Hesus a presentá dilanti di e Tata komo nos saserdote.

Promé Pedro 2:9 ta bisa ku nos ta "un saserdosio real."Kiko Hesus Su bida ta bisa bo ku bo relashon ku otro sernan humano mester ta pa motibu ku nos ta den e ròl sagrado akí?

66