Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 6: Hesus, e Saserdote Fiel

Segun e Órdu di Melkisedek

Lesa pa e siman aki:

Heb. 5:1-10; Gen.14:18-20; 1 Ped. 2:9; Heb. 7:1-3; Heb. 7:11-16, 22, 26.

TEKSTO PRINSIPAL:

"Pasobra tabata kumbiní pa nos tin un sumosaserdote asina, santu, inosente, sin mancha, separá for di pekadónan i halsá riba e shelunan" (Hebreo 7:26, Beibel Santu).

djaluna, 31-01-2022

Lesa Genesis 14:18-20 i Hebreo 7:1-3. Ken tabata Melkisedek, i kon el a prefigurá Hesus?

Melkisedek tabata tantu un rei komo un saserdote. Tambe e tabata superior na Abraham, unabes ku Abraham tabata paga diesmo na dje. Di mes manera, Hesus ta rei i saserdote (Heb. 1:3); sinembargo, diferente for di Melkisedek, Hesus tabata sin piká (Heb. 7:26- 28).
Hebreo 7:15 ta splika ku Hesus tabata saserdote "segun e semehansa di Melkisedek" (Beibel Santu). Esaki ta loke e ekspreshon promé den Hebreo, "segun e órdu di Melkisedek" (Heb. 5:6, , Beibel Santu), ta nifiká. Hesus no tabata un susesor di Melkisedek, pero Su saserdosio tabata similar na di dje.
Por ehèmpel, Pablo ta bisa ku Melkisedek tabata sin tata, mama, ginealogia, nasementu, i morto. Algun ta splika ku Melkisedek tabata un enkarnashon di Hesus den tempu di Abraham. Pero e pensamentu akí no ta kuadra ku e argumento di Hebreo. Melkisedek ta "parse" Hesus, kual ta impliká ku E tabata diferente for di Hesus (Heb. 7:3).
Tin otro hende ta splika tambe ku Melkisedek tabata un ser selestial, pero esaki lo destruí e argumento di Hebreo. Si Melkisedek lo tabata sin tata, mama, komienso óf fin, lo e mester tabata Dios mes. Esaki tin un problema. Melkisedek su saserdioso selestial, kompletamente divino lo tabata promé ku e ministerio di Hesus. Si esaki tabata e kaso, manera Hebreo ta bisa, "ki nesesidat mas tabatin pa un otro saserdote lanta" (Heb. 7:11, , Beibel Santu)?

Na lugá di esei, Hebreo ta usa e silensio di Skritura pa loke ta trata e nasementu, morto i ginealogia di Melkisedek pa traha un tripologia, simbolo pa Hesus Su ministerio saserdosial (Gén. 14:18--20 ) i pa e echo ku Hesus mes tabata eterno. Pues, Melkisedek tabata un rei saserdote kananeo ku a sirbi manera un tipo di Kristu.

"Ta Kristu tabata Esun ku tabata papia atraves di Melkisedek, e saserdote di e Dios altísimo. Melkisedek no tabata Kristu, pero e tabata e bos di Dios den e mundu, e representante di e Tata. I den tur e generashonnan di pasado, Kristu a papia; Kristu a guia Su pueblo, i tabata e lus di e mundu."- Ellen G. White, Selected Messages, buki 1, p. 409.

Kiko e Revelasbon tokante di Melkisedek ta siña nos tokante di kon Dios ta traha entre esnan ku nunka tabatin mishoneronan humano pa prediká na nan?

67