les di Sabbatskol
otro idioma
Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo
Les 6: Hesus, e Saserdote Fiel
Un Saserdote Efektivo
Lesa pa e siman aki:
Heb. 5:1-10; Gen.14:18-20; 1 Ped. 2:9; Heb. 7:1-3; Heb. 7:11-16, 22, 26.
TEKSTO PRINSIPAL:
"Pasobra tabata kumbiní pa nos tin un sumosaserdote asina, santu, inosente, sin mancha, separá for di pekadónan i halsá riba e shelunan" (Hebreo 7:26, Beibel Santu).
djamars, 01-02-2022
"Awor, si perfekshon tabata bin dor di e saserdosio levítiko (pasobra a base di esaki e pueblo a risibí e Lei), ki nesesidat mas tabatin pa un otro saserdote lanta segun e órdu di Melkisedek, i no yamá segun e órdu di Aaron?"(Heb. 7: 11, , Beibel Santu).
Saserdotenan ta mediadornan entre Dios i sernan humano. Sinembargo, Hebreo ta bisa ku saserdotenan Levítiko no tabata por a proveé akseso kompleto i konfiabel na Dios pasobra nan no tabata por a proveé perfekshon ( Heb. 7 :11, 18, 19). Finalmente, nan mes no tabata perfekto; pues, kon nan lo tabata por a pone perfekshon riba otronan di un manera òf otro?
Tampoko e sakrifisionan di animal por a limpia e konsenshi di e pekador. Nan propósito tabata pa mustra na e ministerio di Hesus i Su sakrifisio, kual solamente lo proveé berdadero limpiesa for di piká (Heb. 9:14; Heb. 10:1-3, 10--14 ). E funshon di e saserdotenan Levítiko i nan sakrifisionan tabata temporal i ilustrativo. Pa medio di nan ministerio, Dios tabata ke guia e pueblo pa pone nan fe den e futuro ministerio di Hesus, " 'e Lamchi di Dios ku ta kita piká di mundu!' " (Huan 1:29, , Beibel Santu).
Lesa Hebreo 7:11-16. Di kon tabatin un nesesidat pa kambia e lei?
Hebreo 7:12 ta splika ku e kambio di saserdosio a hasi un kambio den e leí algu nesesario. Di kon? Pasobra tabatin un lei hopi estrikto ku tabata prohibí un persona ku no tabata for di e liña di Levi dor di Aaron di sirbi komo un saserdote (Num. 3:10 ; Num. 16:39, , 40 ). Hebreo 7:13, 14 ta splika ku Hesus tabata for di e liña di Huda, i pues e leí akí tabata prohibí'E di ta un saserdote. Pues, Pablo ta bisa ku e skohementu di Hesus' komo saserdote ta nifiká ku Dios a kambia e lei di saserdosio.
Hesus Su binida tambe tabata impliká un kambio den e lei di sakrifisionan. Pekadornan tabata wòrdu rekerí pa trese diferente tipo di sakrifisionan pa haña ekspiashon (Levítiko 1-7), pero awor ku Hesus a bini i a ofresé un sakrifisio perfekto, e leí di sakrifisio di animalnan tambe a wòrdu poní un banda (Heb. 10:17,,18 ) komo resultado di un aliansa nobo i e revelashon mas kompleto di e plan di salbashon.
Pensa tokante di e kantidat enorme di sakrifisionan di animal ofresé den antiguedat, tur mustrando na Hesus, i tòg ni un di nan-òf nan tur-lo no por realmente paga pa nos pikánan. Di kon ta solamente e morto di Hesus por paga pa nan?
68