Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 6: Hesus, e Saserdote Fiel

Un Saserdote Eterno?

Lesa pa e siman aki:

Heb. 5:1-10; Gen.14:18-20; 1 Ped. 2:9; Heb. 7:1-3; Heb. 7:11-16, 22, 26.

TEKSTO PRINSIPAL:

"Pasobra tabata kumbiní pa nos tin un sumosaserdote asina, santu, inosente, sin mancha, separá for di pekadónan i halsá riba e shelunan" (Hebreo 7:26, Beibel Santu).

djarason, 02-02-2022

Lesa Hebreo 7:16. Riba kua base Hesus a bira saserdote?

Hesus a risibí e saserdosio riba e base di un bida indestruktibel i pasobraE tin un ministerio eterno. E implikashonnan di e echonan akí ta asombroso. E ta nifiká ku Hesus Su ministerio nunka lo wòrdu superá. Hesus ta salba kompletamente, eternamente, "pa semper"(Heb. 7:25 ). E salbashon ku Hesus ta proveé ta total i final. E ta yega na e partinan di mas paden di naturalesa humano ( Heb. 4:12, , Heb. 9:14, , Heb. 10:1-4). Hesus Su interseshon dilanti di Dios ta enbolbí tur e benefisionan duná bou di e aliansa nobo.

E ta inkluí muchu mas ku pordon di pikánan tambe. E ta impliká ponementu di e leí den nos kurason, hasiendo nos hende nobo den djE, i kondusiendo na e plamamentu di e evangelio na emundu (Heb. 8:10--12 ). Manera Unu ku Dios i ku sernan humano, E ta representá nos dilanti di e Tata. Manera Unu ku a ofresé Su bida komo un sakrifisio, Hesus tin fabor no hesitante dilanti di Dios.

Lesa Hebreo 7:22. Kiko Hesus ta den relashon ku e aliansa nobo?

Hesus ta e siguransa di e aliansa nobo pasobra Dios a hasi un huramentu ku Hesus lo ta un saserdote "pa semper" (Heb. 7:21). Ta hopi fásil pa keda sin komprondé e importansia di e huramentu akí. Pablo ya a yega di referí na e huramentunan ku Dios a hasi na e generashon di desierto i na Abraham (Heb. 3:7-11, , Heb. 6:13-15). E diferensia entre e huramentunan ei i e huramentu ku Dios a hasi na e Yu ta ku e huramentunan ei a wòrdu hasi na sernan humano mortal. Huramentunan ta keda na vigor mientras tantu e benefisiarionan ta na bida. Dios Su huramentu na e generashon di desierto i na Abraham tabata na vigor mientras tantu tabatin un generashon di desierto i desendientenan di Abraham (wak Gal. 3:29 ).

Sinembargo, den e kaso di e Yu, Kende Su bida ta "indestruktibel," e huramentu ku Dios a hasi na djE lo ta na vigor pa semper. Un persona ku a para bòrg òf garantía pa un otro tabata responsabel na e mesun kastigunan ku e persona for di kua el a para bòrg, inkluyendo morto. Tòg, e Tata a stablesé Hesus komo un garantía pa nos pa asina E no keda sin kumpli ku Su promesanan. Asina sigur nos por ta di e salbashon ku nos a haña den Hesus.

69