Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 6: Hesus, e Saserdote Fiel

Un Saserdote Sin Piká

Lesa pa e siman aki:

Heb. 5:1-10; Gen.14:18-20; 1 Ped. 2:9; Heb. 7:1-3; Heb. 7:11-16, 22, 26.

TEKSTO PRINSIPAL:

"Pasobra tabata kumbiní pa nos tin un sumosaserdote asina, santu, inosente, sin mancha, separá for di pekadónan i halsá riba e shelunan" (Hebreo 7:26, Beibel Santu).

djaweps, 03-02-2022

Lesa Hebreo 7:26. Kua ta e sinku karakterístikanan di Hesus den e porshón akí?

Hesus tabata "santu." Esaki ta nifiká ku Hesus tabata sin fayo den relashon na
Dios (Heb 2:18; Heb . 4: 15; Heb. 5:7,,8 ). E tradukshon griego bieu di e Tèstamènt
Bieu a usa e mesun término griego pa designá esnan ku ta mantené nan relashon di aliansa ku Dios i ku otronan.

Hesus tabata "sin mancha." El a permanesé puru i maldat no a mishi kunE, apesar di"a wòrdu tentá den "tur kos" (Heb. 4:15, , Heb. 2:18 ). E echo ku Hesus ta sin piká i perfekto ta importante pa Su saserdosio. E aliansa bieu tabata stipulá ku víktimanan di sakrifisio mester tabata "sin defekto" pa ta aseptabel pa Dios (Lev. 1:3, 10, , ets.). Hesus Su obedensia perfekto durante di Su bida riba tera a hasi posibel pa E ofresé Su mes komo un sakrifisio aseptabe na Dios (Heb. 9:14). Hesus a wòrdu "separá for di pekadornan" ora ku El a subí bai na shelu.

E tempu di e verbo griego ta bisa ku esaki ta un estado presente pa Hesus, ku a kuminsá na un punto spesífiko den tempu. Hesus a soportá hostilidat for di pekadornan durante di Su bida riba tera, pero E tabata viktorioso i a sinta na man drechi di Dios (Heb. 12:2,,3 ). Hesus ta "separá for di pekadornan" tambe pasobra E tabata perfektamente sin piká (Heb. 4:15).

Hesus a wòrdu " eksaltá...riba e shelunan". E ta nifiká ku Hesus a wòrdu eksaltá riba tur kos ku tin i p' esei, E ta unu ku Dios. Den Salmo, Dios ta esun ku ta "eksaltá riba e shelunan" (Sal. 57:5, 11; Sal. 108:5).

Hesus tabata kompletamente humano, pero e no tabata un ser humano pekaminoso manera nos (Heb. 2:14-16, , Heb. 4:15). Hesus tabata perfekto, no simplemente pasobra nunka El a peka pero pasobra E no a wòrdu korumpí pa piká manera nos.

Tòg, pasobra E tabata kompletamente humano tambe, E ta nos ehèmpel tambe. E ta'mustra nos kon pa kore e kareda di bida (Heb. 12:1-4). E ta e ehèmpel ku nos mester sigui (1 Ped. 2:21--23 ). Pasobra E ta "santu, inosente, sin mancha, separá for di pekadónan" (Heb. 7:26, , Beibel Santu), E ta nos Salbador, i nos tambe por reflehá Su karakter.

Aunke ku Hesus tabata un ser humano, manera nos, nunka El a peka. Kon nos por logra komprondé e pensamentu asombroso akí? Pensa riba simplemente kon santu lo E ta! Di kon, anto, e promesa di Su santidat akreditá na nos pa medio di fe ta yuda duna nos siguransa di salbashon?

70