Les di sabbatskol kuartaal 1, aña 2022

Les 7: Hesus, e Anker di e Alma

No a Sobra Niun Sakrifisio pa Piká

Lesa pa e siman aki:

Heb.6:4-6, , Mat. 16:24, , Rom. 6:6, , Heb. 10:26-29, , Heb. 6:9-13, , Heb. 6:17-20.

TEKSTO PRINSIPAL:

"Esperansa aki nos tin komo un anker di e alma, un speransa sigur i firme, un ku ta drenta tras di e velo, kaminda Jesus, Kende a bai nos dilanti, a drenta pa nos. El a bira Sumosaserdote pa semper, segun e ordu di Melkisedek" (Hebreo 6:19, 20, Beibel Santu).

djamars, 08-02-2022

E atvertensia di Hebreo 6:4-6 ta hopi similar na e atvertensia hañá den Hebreo 10:26-29. Pablo ta splika ku e rechaso di Hesus Su sakrifisio lo laga e lesadónan sin ningun medio pa e pordon di piká pasobra no tin otro medio pa e pordon ei aparte di Hesus (Heb. 10:1-14).

Lesa Hebreo 10:26-29. Den kua tres maneranan e outor ta deskribí e piká pa kua no tin pordon?

E outor no ta bisa ku no tin ekspiashon pa kualkier piká kometé despues di a risibí e konosementu di e bèrdat. Dios a skohe Hesus komo nos Abogado (1 Huan 2:1). Pa medio di djE nos tin pordon di piká (1 Huan 1:9). E piká pa kua no tin sakrifisio òf ekspiashon ta wòrdu deskribi komo trapa e Yu di Dios bou di Su pia konsiderá e sanger di e aliansa impuru, i insultá e Spiritu di grasia (Heb. 10:29). Laga nos repasa e nifikashon di e ekspreshonnan akí.

E ekspreshon "trapa e Yu di Dios bou di Su pia"(Heb. 10:29, Beibel Santu) ta deskribí e rechaso di e gobernashon di Hesus. E título "Yu di Dios" tabata rekòrdá e oudiensia ku Dios a pone Hesus na Su man drechi i a primintié di hasi Su enemigunan "un banki" pa Su pianan (Heb. 1:13; wak tambe Heb. 1:5-12, 14, , Beibel Santu). E trapamentu bou di Hesus Su pia ta impliká ku esun ku a apostatá a trata Hesus komo un enemigu. Den e konteksto di e argumento di e epístolá (Heb. 1:13), e por wòrdu impliká ku, pa loke ta trata e bida di e apostatá,

Hesus a wòrdu baha for di e trono (ku awor ta wòrdu okupá pa e apostatá mes) i a wòrdu butá komo e banki na su lugá. Esaki ta loke Lusifer tabata ke hasi den shelu (Isa. 14:12-14) i kiko esun "di piká"lo purba na hasi den futuro (2 Tes. 2: 3, 4, , Beibel Santu).
E ekspreshon "konsiderá e sanger di e aliansa impuru" ta referí na e rechaso di Hesus Su sakrifisio (Heb. 9:15-22). E ta impliká ku e sanger di Hesus no tin poder pa limpia.

E ekspreshon "insultá e Spiritu di grasia" ta hopi poderoso. E término griego enybrisas ("insultá, pone rabia") ta enserá e manifestashon di arogansia, kual ta referí na "insolensia" òf "orguyo." E término akí ta para den kontraste firme kontra e deskripshon di e Spiritu Santu komo e "Spiritu di grasia." E ta impliká ku e apostatá a respondé na Dios Su oferta di grasia ku un insulto.
E apostatá ta den un posishon insostenibel. E ta rechasá Hesus, Su sakrifisio, i e Spiritu Santu

80