les di Sabbatskol
otro idioma
Les di sabbatskol kuartaal 1, aña 2022
Les 7: Hesus, e Anker di e Alma
Hesus, e Anker di e Alma
Lesa pa e siman aki:
Heb.6:4-6, , Mat. 16:24, , Rom. 6:6, , Heb. 10:26-29, , Heb. 6:9-13, , Heb. 6:17-20.
TEKSTO PRINSIPAL:
"Esperansa aki nos tin komo un anker di e alma, un speransa sigur i firme, un ku ta drenta tras di e velo, kaminda Jesus, Kende a bai nos dilanti, a drenta pa nos. El a bira Sumosaserdote pa semper, segun e ordu di Melkisedek" (Hebreo 6:19, 20, Beibel Santu).
djaweps, 10-02-2022
Pablo ta kulminá su atvertensia kontra di apostasia i enkurashamentu pa amor i fe ku un bunita eksposishon di siguransa den Kristu.
Lesa Hebreo 6:17-20. Kon Dios a garantisá Su promesanan na nos?
Dios a garantisá Su promesanan na nos den diferente maneranan. Na promé lugá, Dios a garantisá Su promesa ku un huramentu (Heb. 6:17). Segun Skritura, Dios Su huramentunan na Abraham i David a bira e base prinsipal di konfiansa den Dios Su fabor permanente pa Israel. Ora ku Moisés a buska pa sigurá Dios Su pordon pa Israel despues di e apostasía ku e bisé di oro, el a referí na Dios Su huramentu na Abraham (wak Eks. 32:11-14, , Gen. 22:16-18). E forsa impliká di su ruego tabata ku Dios Su huramentu tabata irevokabel (Rom. 9:4; Rom. 11:28, 29).
Di mes manera, ora ku e salmista a intersedé dilanti di Dios pa Israel, el a reklamá Dios Su huramentu na David. Dios a bisa " 'Lo Mi no violá Mi aliansa, ni kambia loke ta salí for di Mi lepnan. Un biaha Mi a hura pa Mi mes santidat; lo Mi no gaña David. Su desendientenan lo permanesé pa semper, i su trono lo permanesé manera solo Mi dilanti. E lo ta stablesí pa semper manera luna, i e testigu na shelu ta fiel'"(Sal. 89:34-37, , Beibel Santu). Segun e Tèstamènt Nobo, ambos huramentu a wòrdu kumplí den Hesus, e simia di Abraham, kende a asende i tabata sintá riba e trono di David (Gal. 3:13-16; Lukas 1:31-33, 54, 55).
Na di dos lugá, Dios a garantisá Su promesanan na nos pa e akto di laga Hesus sinta na Su man drechi. Hesus Su asenshon tin e propósito di konfirmá e promesa hasí na e kreyentenan pasobra Hesus a asende komo un Esun "ku a bai nos dilanti" (Heb. 6:20, , Beibel Santu). Pues, e asenshon ta revelá na nos.e siguransa di Dios Su salbashon pa nos. Dios a guia Hesus na gloria pa medio di e sufrimentu di '"morto pa tur hende,"pa asina E por hiba "hopi yu na gloria"(Heb. 2:9, 10; Beibel Santu). Hesus Su presensia dilanti di e Tata ta e "anker pa e alma" (Heb. 6:19), ku a wòrdu mará na e trono di Dios. E honor di Dios Su gobernashon a bai riba e kumplinientu di Su promesa na nos pa medio di Hesus. Kua siguransa mas nos tin mester?
Kiko bo ta sinti ora bo pensa ku Dios a hasi un huramentu na bo? Di kon e pensamentu ei so mester yuda duna bo siguransa di salbashon, asta ora bo ta sinti ku bo no ta digno?
82