les di Sabbatskol
otro idioma
Les di sabbatskol kuartaal 1, aña 2022
Les 7: Hesus, e Anker di e Alma
Purbando e Bondat di e Palabra
Lesa pa e siman aki:
Heb.6:4-6, , Mat. 16:24, , Rom. 6:6, , Heb. 10:26-29, , Heb. 6:9-13, , Heb. 6:17-20.
TEKSTO PRINSIPAL:
"Esperansa aki nos tin komo un anker di e alma, un speransa sigur i firme, un ku ta drenta tras di e velo, kaminda Jesus, Kende a bai nos dilanti, a drenta pa nos. El a bira Sumosaserdote pa semper, segun e ordu di Melkisedek" (Hebreo 6:19, 20, Beibel Santu).
djadumingu, 06-02-2022
Lesa Hebreo 6:4, , S. Kiko e kreyentenan a wòrdu duná den Kristu mientras nan tabata fiel na djE?
Wòrdu "iluminá" ke men eksperensiá kombershon (Heb. 10:32). E ta refferi na esnan ku a bira for di e "skuridat" di e poder di Satanas na e "lus" di Dios (Echonan 26:17, , 18 ). E ta impliká liberashon for di piká (Efe. 5:11) i ignoransia (1 Tes. 5:4; 5). E forma verbal akinan ta bisa ku e iluminashon akí ta un echo di Dios alkansá pa medio di Hesus, "e resplandor di Su gloria" (Heb. 1:3, , Beibel Santu).
"Purba e don selestial" i "bira partisipantenan di Spiritu Santu"(Beibel Santu) ta ekspreshonnan sinónimo. E "don" di Dios por referí na Su grasia (Rom. 5:15) òf na e Spiritu Santu, pa medio di ken Dios ta duna e grasia ei (Echonan 2:38). Esnan ku a "purba" e Spiritu Santu (Huan 7:37-39, 1 Kor. 12:13) a eksperensiá e "grasia" di Dios, ku ta enserá e poder pa kumpli ku Su boluntat (Gal. 5:22, 23).
Purba "e bon palabra di Dios" (Heb. 6:5, , Beibel Santu) ta eksperensiá personalmente e bèrdat di e evangelio (1 Ped. 2:2, 3). "e podernan di e siglo ku ta bin" ta referí na e milageman ku Dios lo hasi pa kreyentenan den futuro: resurekshon (Huan 5:28, 29), transformashon di nos kurpa, i bida eterno. Sinembargo, kreyentenan ta kuminsá "purba"nan den presente. Nan a eksperensiá un resurekshon spiritual (Kol. 2:12, 13), un mente renobá (Rom. 12:2), i bida eterno den Kristu (Huan 5:24).
Probablemente Pablo tin e generashon di desierto na mente, kende a eksperensiá e grasia di Dios i Su salbashon. E generashon di desierto a wòrdu "iluminá" pa e pilá di kandela (Neh. 9:12, 19; Sal. 105:39), nan a disfrutá di e don selestial di manna (Eks. 16:15), nan a eksperensiá e Spiritu Santu (Neh. 9:20), nan a purba e "bon palabra di Dios" (Hos. 21:45), i "e podernan di e siglo pa bin" den e "maravianan i señalnan"hasí den nan liberashon for di Egipto (Ech. 7:36). Sinembargo, Pablo ta bisa ku meskos ku e generashon di desierto a apóstata for di Dios, apesar di e evidensianan ei (Num. 14:1--35 ), e oudiensia di Hebreo tabata den peliger di hasi meskos, apesar di tur e evidensianan di Dios Su fabor ku nan a disfrutá di dje.
Kiko tabata bo propio eksperensia di e kosnan ku e versíkulonan akí den Hebreo ta papia tokante di dje?'por ehèmpel, kon bo a eksperensiá e iluminashon ku e teksto ta referí na dje?
78