les di Sabbatskol
otro idioma
Les di sabbatskol kuartaal 1, aña 2022
Les 7: Hesus, e Anker di e Alma
Hesus, e Anker di e Alma
Lesa pa e siman aki:
Heb.6:4-6, , Mat. 16:24, , Rom. 6:6, , Heb. 10:26-29, , Heb. 6:9-13, , Heb. 6:17-20.
TEKSTO PRINSIPAL:
"Esperansa aki nos tin komo un anker di e alma, un speransa sigur i firme, un ku ta drenta tras di e velo, kaminda Jesus, Kende a bai nos dilanti, a drenta pa nos. El a bira Sumosaserdote pa semper, segun e ordu di Melkisedek" (Hebreo 6:19, 20, Beibel Santu).
sabbat, 05-02-2022
Hebreo 5:11-6:20 ta interumpí e eksposishon teológiko tokante di Hesus Su saserdosio na nos fabor. Pablo ta pone un atvertensha severo einan tokante di e peliger di kai fo'i Kristu.
Aparentemente, e hendenan tabata den berdadero peliger di baha bai den kompashon propio i falta di fe.
E apòstel Pablo ta preukupá ku su lesadónan i tendedónan lo a pèrde nan sentidonan spiritual pa motibu di e situashonnan difísil ku nan tabata enfrentando, i pues nan a stòp di krese den nan komprondementu i eksperensia di e evangelio.
Bira deskurashá pa motibu di pruebanan, i asina kai atras no ta un peliger potensial pa nos tur?
Sinembargo, e atvertensia severo ta kulminá den un enkurashamentu yen di afekshon. Pablo ta ekspresá fe den su lesadónan i ta eksaltá Hesus komo e personifikashon di Dios Su promesa di salbashon na nan ku no por wòrdu kibrá (Heb. 6:9-20). E siklo di atvertensia i enkurashamentu akí ta wòrdu ripití den Hebreo 10:26-39.
Nos lo studia e siklo akí i enfoká riba e palabranan fuerte di enkurashamentu ku Hesus ta proveé pa nos.
Studia e lès di e siman akí pa prepará pa Sabat, 12 di febrüari.
77