Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 8: Hesus, e Mediadó di e Aliansa Nobo

Hesus, e Mediadó di e Aliansa Nobo

Lesa pa e siman aki:

Heb. 7:11-19; Heb. 8:10-12; Jer. 31:31-34; Heb. 8:1-6; Eks. 24:1-8; Ezek. 36:26, 27.

TEKSTO PRINSIPAL:

" Ma awor El a optené un sirbishi mas ekselente, komo ku E ta tambe e Mediador di un mihó aliansa, kual a wòrdu stablesí riba mihó promesanan" (Hebreo 8:6, Beibel Santu).

sabbat, 12-02-2022

Bibando un bida perfekto, i despeus muri den na nos lugá, Hesus a media un aliansa nobo, mas mihó entre nos i Dios. Pa medio di Su morto, Hesus a kanselá e kastigu di morto ku nos pikánan tabata eksigí i a hasi e aliansa nobo posibel.
E bèrdat akí ta wòrdu spliká den Hebreo 10:5-10, , kual ta identifikia Hesus komo Esun ku a manifestá e obedensia perfekto ku e aliansa ta rekerí. E ta referí na Salmo 40, originalmente referiendo na David su deseo pa someté obedensia total na Dios: " 'Ata, mi ta bin; den e ròl di e buki ta pará skirbí tokante di mi; Pa hasi Bo boluntat, O mi Dios, ta un delisia pa mi; Bo Leí ta den mi kurason'"(Sal. 40:7, 8). E Salmo akí a ekspresá e kondishon di Dios Su aliansa ku Israel: un obedensia ku tabata un delisia i un lei ku tabata skirbí den nan kurason (Deut. 6:4-6). Pero loke David solamente por a deseá di hasi, Hesus a logra.

Pa Pablo, e Salmo akí tabata rekerí nifikashon spesial ku e inkarnashon di Hesus. Hesus a personifiká e obedensia di e aliansa nobo. E ta nos ehempel. Nos a wòrdu salbá, no solamente pa motibu di Su morto pero tambe pa motibu di Su obedensia perfekto.

Studia e lès di e siman akí pa prepará pa Sabat, 19 di febrüari.

89