Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 8: Hesus, e Mediadó di e Aliansa Nobo

Mas Estudio:

Lesa pa e siman aki:

Heb. 7:11-19; Heb. 8:10-12; Jer. 31:31-34; Heb. 8:1-6; Eks. 24:1-8; Ezek. 36:26, 27.

TEKSTO PRINSIPAL:

" Ma awor El a optené un sirbishi mas ekselente, komo ku E ta tambe e Mediador di un mihó aliansa, kual a wòrdu stablesí riba mihó promesanan" (Hebreo 8:6, Beibel Santu).

djabierne, 18-02-2022

"Si nos kurason wòrdu renobá den e semehansa di Dios, si e amor divino wòrdu implantá den nos alma, e lei di Dios lo no wòrdu ehekutá den nos bida? Ora e prinsipio di amor wòrdu implantá den e kurason, ora hende wòrdu renobá segun e imagen di Esun ku a kre'é, e promesa di aliansa nobo ta wòrdu kumplí, 'lo Mi pone Mi leinan riba nan kurason, i den nan mente lo Mi skirbi nan." Hebreo 10:16. I si e lei wòrdu skirbí den e kurason, lo e no forma e bida? Obedensia -e servisio i aliansa di amor- ta e bèrdadero señal di disipulado. Peus Skritura ta bisa,' Esaki ta e amor di Dios, ku nos ta warda Su mandamentunan.' 'Esun ku bisa: 'Mi konos'E,' i no ta warda Su mandamentunan, ta un gañadó, i e bèrdat no ta den djé.' 1 Huan 5:4; 2:4. Na lugá di los hende for di obedensia, ta fe, i fe so, por laga nos tuma parti den e grasia di Kristu, kual ta laga nos por duna obedensia....

"Mas serka bo bini serka Hesus, ku mas defekto lo bo aparentá den bo propio bista; pasobra bo bista lo ta mas limpi, i bo imperfekshonnan lo wòrdu mirá den kontrasté amplio i distinto na Su naturalesa perfekto. Esaki ta evidensia di ku Satanas su mentiranan a pèrde nan poder; ku e influensia bibu di e Spiritu di Dios ta lantando bo.

"Un amor profundo pa Hesus no por biba den un kurason ku no ta realisá su propio pekaminosidat. E alma ku wòrdu transformá pa e grasia di Kristu lo atmirá Su karakter divino; pero si nos no mira nos propio deformidat moral, ta evidensia sin fayo ku nos no tabatin un bista di e beyesa i ekselensia di Kristu."-Ellen G. White, Steps to Christ, pp. 60, 64, 65.

Preguntanan pa Diskushon:
1. Pensa riba e sitanan di Ellen G. White ariba. Kiko e echo di ku mas serka nos bini na Ktistu, mas pekaminoso nos lo aparentá den nos propio bista ta bisa nos tokante di kon nos no mester laga e realisashon di nos propio defektonan laga nos entregá fe den desesperashon?

2. Meditá mas riba e idea di ku e lei ta wòrdu skirbí den nos kurason. Kiko esei ta nifiká pa e bida spiritual di un kristian? Kon komprondé i eksperensiá e bèrdat akí por yuda nos evitá e tipo di "obedensia" ku realmente ta solamente legalismo, obedensia ku a wòrdu yamá "obranan morto" (Heb. 9:14)?

95