Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 8: Hesus, e Mediadó di e Aliansa Nobo

E Nesesidat di un Aliansa Nobo

Lesa pa e siman aki:

Heb. 7:11-19; Heb. 8:10-12; Jer. 31:31-34; Heb. 8:1-6; Eks. 24:1-8; Ezek. 36:26, 27.

TEKSTO PRINSIPAL:

" Ma awor El a optené un sirbishi mas ekselente, komo ku E ta tambe e Mediador di un mihó aliansa, kual a wòrdu stablesí riba mihó promesanan" (Hebreo 8:6, Beibel Santu).

djadumingu, 13-02-2022

Lesa Hebreo7:11-19. Di kon tabatin mester di un aliansa nobo?

Segun Hebreo, e echo ku Hesus a wòrdu skohí pa ta saserdote segun e ordu di Melkisedek tabata impliká ku un aliansa nobo a wòrdu inougurá. E aliansa bieu a wordu duná riba base di e saserdosio levítiko (Heb. 7:11, , Beibel Santu). E saserdotenan levítiko tabata funshoná komo mediadornan entre Dios i Israel, i e lei tabata eskluí tur otro hende for di e saserdosio. E outor ta konkluí bisando, e ora ei, ku un kambio di saserdosio ta impliká un kambio di e lei di e saserdosio, meskos ku e kambio di e aliansa ( Heb. 7:12, 18, 19).
E problema ku e aliansa bieu tabata ku e no por a profee perfekshon ( Heb. 7:11). Pablo ta papiando di e saserdosio levítiko i su ministerio (sakrifisionan, fiestanan, ets.). E sakrifisionan di animal ofres'é pa medio di nan no tabata por a proveé limpiesa bèrdadero i total di piká, ni akseso na Dios ( Heb. 10:1, -4; Heb. 9:13, 14; Heb. 10:19-23).

E echo di ku un aliansa nobo tabata nesesario no ta nifiká ku Dios no tabata hustu ku Israel ora ku El a duna nan e aliansa bieu. E ministerio levítiko i e servisionan di e tabernakel tabata diseñá pa protehá nan for di adolatria i tambe pa mustra nan na Hesus Su futuro ministerio. Hebreo ta enfatisá ku e sakrifisionan tabata " un sombra di e bon kosnan ku ta bin" (Heb. 10:1, Beibel Santu).

Mustrando nan na Hesus, e sakrifisionan mester a yuda e hendenan pone nan speransa i fe den "e lamchi di Dios ku ta kita piká di mundu" (Huan 1:29, , Beibel Santu; kompará ku Isaías 53). Esaki ta e mesun punto ku Pablo ta hasi ora ku e ta bisa ku e lei tabata "nos tutor pa guia nos na Cristo, pa nos por wòrdu hustifiká pa medio di fe" (Gal. 3:24, , Beibel Santu) òf ku "Cristo ta e fin di lei pa hustisia na tur esnan ku ta kere"(Rom. 10:4, , Beibel Santu).

Den otro palabra, asta e Dies Mandamentunan, pa bon i perfekto ku nan ta, no por proveé salbashon (Rom. 3:20-28, , Rom. 7:12-14). Nan ta prove un standart perfekto di hustisia, pero nan no ta proveé hustisia, meskos ku wak den un splil no por kita e ploinan di edat. Pa hustisia perfekto, nos tin mester di Hesus komo nos Supliente.

Di kon e lei no por salba nos? Finalmente si nos warda tur e mandamentunan, i warda nan bon, asta sin hasi niun eror di kon esei lo no por salba nos?

90