Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 8: Hesus, e Mediadó di e Aliansa Nobo

Nobo i Renobá

Lesa pa e siman aki:

Heb. 7:11-19; Heb. 8:10-12; Jer. 31:31-34; Heb. 8:1-6; Eks. 24:1-8; Ezek. 36:26, 27.

TEKSTO PRINSIPAL:

" Ma awor El a optené un sirbishi mas ekselente, komo ku E ta tambe e Mediador di un mihó aliansa, kual a wòrdu stablesí riba mihó promesanan" (Hebreo 8:6, Beibel Santu).

djaluna, 14-02-2022

Kompará Hebreo 8:10-12 ku Deuteronomio 6:4-6, , Deuteronomio 30:11-14, , i Jeremías 31:31-34. Kiko esaki ta siña nos tokante di e naturalesa di e aliansa nobo?

E promesa di un aliansa nobo den Hebreo ta referí bèk na Jeremías. Segun Jeremias, Dios Su promesa di un aliansa nobo tabata, de echo, un renobashon di e aliansa ku El a traha promé ku Israel pa medio di Moisés (Jer. 31:31--34 ). Hende por argumentá, e or'ei, ku Jeremias 31 no tabata papia direktamente di un aliansa

 "nobo" pero un "renobamentu"di e alisa original ku Israel. De echo, e palabra hebreo pa nobo, hadashah, por tin tantu e sentido di "renobá" i "kompletamente nobo."

E problema ku e aliansa bieu tabata ku e hendenan a kibr'é (Heb. 8:8, 9). E aliansa no tabata robes; e hendenan sí. Si Israel lo a mira dor di e símbolonan di e Mesías ku tabata pa bini i a pone nan fe den djE, e aliansa lo no a wòrdu kibrá. Tòg, pa ta hustu, tabatin hopi kreyente atraves di e historia di e israelitanan den kua e propósitonan di e aliansa a wòrdu kumplí i ku tabatin e lei den nan kurason (Sal. 37:31, , Sal. 40:8, , Sal, 119:11, Isa. 51:7). Mientras e aliansa nobo ta un renobashon di e aliansa bieu, tin sentido den e echo ku realmente e ta nobo. Jeremías su promesa di un "aliansa nobo" no solamente a vishoná un renobamentu di e kondishonnan ku tabata eksistí promé ku e eksilio, kual a wòrdu kibrá i renobá varios bia pasobra e nashon a kai varios bia den apostasía.I ta p'esei e hendenan simplemente no tabata dispuesto pa mantené nan parti den e aliansa ku Dios (Jer. 13:23).

Pues, Dios a primintí pa hasi un "kos nobo" (Jer. 31:22). E aliansa lo no ta manera e aliansa ku Dios a traha "ku nan tatanan" (Jer. 31:32). Pa motibu di e falta di fieldat di e pueblo, e promesanan di Dios hasí bou di e aliansa di Moisés nunka a wòrdu kumplí. Awor, den birtut di e garantía duná pa e Yu (Heb. 7:22), Dios lo kumpli ku e propósitonan di Su aliansa. Dios no a kambia Su lei ni a baha Su standartenan; na lugá di esei, El a manda Su Yu komo un garantía di e promesanan di aliansa (Heb. 7:22, Heb. 6:18-20). Esaki ta e motibu pa kiko e aliansa akí no tin maldishon. E tin solamente bendishon pasobra Hesus a kumpli kuné perfektamente.

Lesa 2 Timoteonan 2:13. Kiko nos por siña for di Dios Su fieldat na Su pueblo i na Su plannan mientras nos ta konsiderá nos relashon ku otronan i nos plannan?

91