Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 8: Hesus, e Mediadó di e Aliansa Nobo

E Aliansa Nobo Tin un Mihó Mediadó

Lesa pa e siman aki:

Heb. 7:11-19; Heb. 8:10-12; Jer. 31:31-34; Heb. 8:1-6; Eks. 24:1-8; Ezek. 36:26, 27.

TEKSTO PRINSIPAL:

" Ma awor El a optené un sirbishi mas ekselente, komo ku E ta tambe e Mediador di un mihó aliansa, kual a wòrdu stablesí riba mihó promesanan" (Hebreo 8:6, Beibel Santu).

djamars, 15-02-2022

Lesa Hebreo 8:1-6. Di kon Hesus ta un mihó Mediadó di e aliansa?

E término griego mesites (mediadó) ta derivá for di mesos ("meimei") i ta mustra na esun ku ta papia òf ta para meimei. E tabata un término tekniko ku tabata referí na un persona ku tabata kumpli ku un òf mas di e siguiente funshonnan: (1) un árbito entre dos òf mas partido, (2) un negoshadó òf un agente di negoshi, (3) un testigu den e sentido legal di e palabra, òf (4) unu ku ta para bòrg, pues ku ta garantisá ehekushon di un akuerdo.

E término ingles "mediadó" ta un tradukshon muchu limitá pa mesités den hebreo pasobra e ta enfoká solamente riba e promé dos òf tres usonan di e término griego. Sinembargo,Hebreo ta enfatisá e di kuater funshon. Hesus no ta wòrdu konsebí komo " mediadó" den e sentido di ku E ta resolvé un disputa entre e Tata i sernan humano òf komo un hasidó di pas ku ta rekonsiliá partidonan den desafekshon òf komo un testigu ku ta sertifiká e eksistensia di un kontrato òf su satisfakshon. Pero, manera Hebreo ta splika, Hesus ta e garantía (of bòrg) di e aliansa nobo (Heb. 7:22 ). Den hebreo, e término "mediadó" ta ekivalente na "garantía". E ta garantisá ku e promesanan di aliansa lo keda kumplí.
Kristu Su morto ta hasi e institushon di e aliansa nobo posibel pasobra e ta satisfasé e demandanan di e promé aliansa ku Israel, ku a wòrdu kibrá (Heb. 9:15--22 ). Den e sentido akí, Hesus ta e garantía ku a tuma riba Su mes tur e obligashonnan legal ku a wòrdu kibrá. Den otro palabra, Hesus Su eksaltashon den shelu ta garantisá ku Dios Su promesanan na sernan humano lo keda kumplí (Heb. 6:19, 20). Hesus ta garantisá e aliansa pasobra El a mustra ku Dios Su promesanan ta bèrdadero. Resusitando Hesus i lagand'E sinta na Su man drechi, e Tata a mustra ku E lo resusitá nos i trese nos serka djE.
Hesus ta un Mediadó mas mihó ku Moisés pasobra E ta ministrá den e santuario selestial i a ofresé Su mes komo un sakrifisio perfekto pa nos (Heb. 8:1-5, , Heb. 10:5--10 ). Moisés su kara tabata reflehá e gloria di Dios (Eks. 34:29--35 ), pero Hesus ta e gloria di Dios (Heb. 1:3, , Huan 1:14).Moisés a papia ku Dios kara kara (Eks. 33: 11), pero Hesus ta Dios Su Palabra (Heb. 4:12, 13; Huan 1:1-3, 14).

Si, Kristu a satisfasé e demandanan di e aliansa pa obedensia. Den e kuadro akí, kiko ta e ròl di obedensia den nos bida, i di kon ainda e ta asina importante?

92