Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 8: Hesus, e Mediadó di e Aliansa Nobo

E Aliansa Nobo Tin Mihó Promesanan

Lesa pa e siman aki:

Heb. 7:11-19; Heb. 8:10-12; Jer. 31:31-34; Heb. 8:1-6; Eks. 24:1-8; Ezek. 36:26, 27.

TEKSTO PRINSIPAL:

" Ma awor El a optené un sirbishi mas ekselente, komo ku E ta tambe e Mediador di un mihó aliansa, kual a wòrdu stablesí riba mihó promesanan" (Hebreo 8:6, Beibel Santu).

djarason, 16-02-2022

Nos por wòrdu tentá pa pensa ku e aliansa tin "mihó promesanan" den e sentido di ku e tin rekompensanan mas grandi ku e aliansa bieu tabatin (un kas selestial, bida eterno, ets.). E bèrdat ta ku Dios a ofresé e mesun rekompensanan na e kreyentenan den Tèstamènt Bieu manera El a ofresé na nos (lesa Heb. 11:10, 13-16). Den Hebreo 8:6, , e "mihó promesanan" ta papiando tokante di diferente tipo di promesanan. E aliansa entre Dios i Israel tabata un interkambio formal di promesanan entre Dios i Israel. Dios a tuma e inisiativa i a libra Israel for di Egipto i a primintí pa hiba nan na e Tera Primintí.

Kompará Éksodo 24:1-8 i Hebreo 10:5-10. Kiko ta e similaridatnan i diferensiana entre e dos promesanan akí?

E aliansa entre Dios i Israel a wòrdu ratifiká ku sanger. E sanger akí tabata wòrdu di sprengu tantu riba e altar, ku tabata representá Dios, i riba e diesdos pilánan, ku tabata representá e pueblo. E pueblo di Israel a primintí di obedesé tur loke Señor a bisa. Esei tabata e promesa divino i ta wòrdu rekerí di nos mientras nos ta drenta un aliansa ku Dios.

"E kondishon di bida eterno awor ta simplemente loke e tabata semper, simplemente loke e tabata den Paraíso promé ku e kaída di nos promé mayoman, perfekto obedensia na e leí di Dios, perfekto hustisia. Si bida eterno lo a wòrdu duná riba kualkier kondishon fuera di esaki, e ora ei e felisidat di henter e universo lo a wòrdu poní na peliger. E kaminda lo ta habrí pa piká, ku tur su doló i miseria, pa wòrdu inmortalisa."-Ellen G. White, Steps to Christ, p. 62.

Dios ta satisfasé e demandanan apsoluto di e aliansa nobo pa nos pasobra El a duna Su propio Yu pa bini i biba un bida perfekto pa asina ku e promesanan di e aliansa por wòrdu kumplí den djE, i e ora ei ofresé na nos, pa medio di fe den Hesus. Hesus Su obedensia ta garantisá e promesanan di e aliansa (Heb 7:22). E ta rekerí ku Dios ta dun'E e bendishonnan di e aliansa, ku ta wòrdu duná na nos. siguramente, esnan ku ta ' den Kristu" lo disfrutá di e promesanan ei kunE. Na di dos lugá, Dios ta duna nos Su Spiritu Santu pa empoderá nos pa kumpli ku Su lei.

Krlstu a satisfasé e demandanan di e aliansa; pesei, no tin duda den e kumplimentu di Dios Su promesanan na nos. Kon esakí ta yuda bo komprondé e nifikashon di 2 Korintionan 1:20-22? Ki speransa maravioso por wòrdu hañá akínan pa nos?

93