les di Sabbatskol
otro idioma
Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo
Les 9: Hesus, e Sakrifisio Perfekto
Huisio I e Karakter di Dios
Lesa pa e siman aki:
Heb. 9:15, , Gen. 15:6-21, , Jer. 34:8-22, , Efe. 3:14-19, , Heb.7:27, , Heb. 10:10, , Heb. 9:22-28.
TEKSTO PRINSIPAL:
"Pasobra pa medio di un òfrenda so El a hasi perfekto pa semper esnan ku ta wòrdu santifiká" (Hebreo 10:14, Beibel Santu).
djaweps, 24-02-2022
Lesa Romanonan 3:21-26; Romanonan 1:16, 17; i Romanonan 5:8. Kiko redenshon den e krus pa e pordon pa nos pikánan ta revela takante di Dios?
E pordon di nos pikánan ta impliká dos fase den Hesus Su mediashon den e dos kambernan di e santuario selestial. Na promé lugá, Hesus a kita nos pikánan i a karga nan E mes riba e krus pa e por proveé pordon na tur hende ku ta kere den djE (Echonan 2:38, , Echonan 5:31). Riba e krus Hesus a gana e derechi pa pordoná ken ku kere den djE pasobra El a karga nan piká. Tambe El a inougurá e aliansa nobo, ku ta permitiE pone Dios Su lei den e kurason di kreyentenan pa medio di e Spiritu Santu (Heb, 8:10-12, Ezek. 36:25-27).
Un segundo fase den e ministerio di Hesus ta konsistí di un huisio, e huisio pre-Atvent, kual ainda tabata futuro for di e punto di bista di Hebreo (Heb, 2:1-4; Heb. 6:2; Heb. 9:27, 28; Heb. 10:25). E huisio akí ta kuminsá ku Dios Su pueblo i e ta wòrdu deskribí den Daniel 7:9-27, , Mateo 22:1-14, , i Revelashon 14:7, , Su propósito ta pa mustra e hustisia di Dios den pordoná Su pueblo. Den e huisio akí e registronan di nan bida lo wòrdu habrí pa e universo por mira. Dios lo mustra kiko a sosodé den kurason di kreyentenan i kon nan a aseptá Hesus komo nan Salbador i a aseptá Su Spiritu den nan bida.
Papiando di e huisio akí, Ellen G. White a skirbi: "Hende no por suplí e karganan akí di su mes. Den su pañanan manchá pa piká, konfesando su kulpabilidat, e ta para dilanti di Dios. Pero Hesus nos Abogado ta presentá un ruego efektual na fabor di tur ku pa medio di arepentimentu i fe a komprometé e wardamentu di nan alma pa E. e ta bringa nan kaso i ta vense e akusadó pa medio di e argumentonan poderoso di Kalvario. Su obedensia perfekto na Dios Su lei, asta te na morto na un krus, a dun'E tur poder den shelu i riba tera, i E ta reklamá e miserikòrdia di Su Tata i e rekonsiliashon pa hende kulpabel. Pero mientras nos mester realisá nos kondishon pekaminoso, nos mester dependé riba Kristu komo nos hustisia, nos santifikashon, i nos redenshon. Nos no por kontestá e atakenan di Satanas kontra nos. Kristu so por hasi un ruego efektual na nos fabor. E por silensiá e akusadó ku argumentonan fundá no riba nos méritonan, pero riba di E mes."-Testimonies for the Church, vol. 5, pp. 471, 472.
Di kon e krus i e ministerio di Hesus na nos fabor ta bisa ku nós mester anhelá ku konfiansa, pero ku humildat i arepentimentu, na e huisio?
106