Les di sabbatskol kuartaal 1, aña 2022, Titula: Den E Ultimo Dianan Aki: E mensahe di Hebreo

Les 9: Hesus, e Sakrifisio Perfekto

Hesus, e Sakrifisio Perfekto

Lesa pa e siman aki:

Heb. 9:15, , Gen. 15:6-21, , Jer. 34:8-22, , Efe. 3:14-19, , Heb.7:27, , Heb. 10:10, , Heb. 9:22-28.

TEKSTO PRINSIPAL:

"Pasobra pa medio di un òfrenda so El a hasi perfekto pa semper esnan ku ta wòrdu santifiká" (Hebreo 10:14, Beibel Santu).

sabbat, 19-02-2022

E pensamentu di un hòmber hañá kulpabel i ehekutá riba un krus wòrdu adorá komo Dios tabata ofensivo pa e mente antiguo. Poko referensia na e krus den literatura romano ta mustra nan avershon·pa ku e asuntu. Pa e hudiunan, e lei tabata deklará un hòmber klabá na un palu tabata maldishoná pa Dios (Deut. 21:23).

Pues, e promé motibunan ku nos ta haña den e pinturanan kristian di e katakumbanan tabata e pouwis (supuestamente simbolisando inmortalidat), un palomba, e palma di viktoria di un atleta, i e piská. Mas después, otro temanan a paresé: arka di Noe; Abraham sakrifikando e chubatu na lugá di Isaak; Daniel den e kueba di leon; Jonas skupí pá e piská; un wardadó di karné kargando un lamchi; òf skechnan di milagernan manera e kuramentu di e paralítiko i e resurekshon di Lázaro. Esakinan tabata símbolonan dí salbashon, viktoria i kuido. E krus, sinembargo, tabatin un sentido di derota i bergwensa. Tòg, ta e krus a bira e emblema di kristianismo. De echo, Pablo a simplemente yama e evangelio "e palabra di e krus" (1 Kor. 1:18, , Beibel Santu). E siman akí nos lo wak na e krus manera e ta paresé den e buki di Hebreo.

Studia e lès di e siman akí pa prepará pa Sabat, 26 di febrüari.

101